Pfarrer Boyo Meyena bekundet den Verkauf von 5 Grasen Landes in Woquarder Hammrich seitens des Häuptlings Keno zu Groothusen an Bolard von Jemgum, Bürger zu Emden.

Ick mester Boyo Meyena, decretorum doctor, kercher to Grote Phalteren (!) unde vicarius perpetuus der kercken Emeden, bekenne unde betuge apembar vermits dussem mynem apenen bezegelden breve vor alsweme, wo vor my is gekomen de erbere Keno, hofftling tho Grotehusen, unde bekande, he mit guden vrien willen vorbedachten modes hedde vercofft unde noch jegenwordich in macht s breffs vercoffte erfflick und ewelick vor sick und sine erven vijff graze landes in Wachwerter hamrick, belegen bij Wachwestere Esckwey, middes by Dijckhusumrelandt, deme ersamen Bolardo van Jemgum, borger in Emeden, Elzeken siner eliker huysfrouwen unde orer twyer rechten ervent, vor eyne tsumme van gelde, dewelcke Keno vurscr. bekande ome de erste penninck mit deme latesten van Bolardo unde Elzeken vurscr. to willen unde vuller noge woll entrichtet unde betalet were, des he on bedanckede, unde lavede on unde oren rechten erven vor sick unde sine erven dusses vurscreven landen gude vaste warschup to done vor alle ansprake geistlikes offte wartlikes gerichtes, wanneer unde wo vaken on sulcks van noden to don mochte werden sunder all argelist. Tugeslude hijrto geropen sint gewest de beschedene Gherdt Goltscmit unde Johann Dewern, borgers in Emeden. In orkunde der warheit so heb ick meister Boyo, doctor ergenant, myn ingesegel durch Kenen vurscreven bede willen beneden an dussen breff gehangen. Datum anno Domini M^o CCCC^o XCVII^o, in octava assumptionis Virginis intemerate.

x

x

Fonds	Ostfriesisches Urkundenbuch, II
Fol.nr.	S. 557
Nr	1562
Olim	Orig. Perg. im Archive der Gesellschaft für bild. Kunst etc. zu Emden.
Jaar	1497
Datumcode	oAssMar

x

x

Commentaar	Das sehr schön gearbeitete spitzovale Siegel ist gut erhalten, es zeigt das Bild eines Engels, welcher einen Wappenschild vor sich hält, dieser ist gespalten und enthält im rechten Felde einen Flug, im linken eine Lilie über einem sechsstrahligen Stern. Umschrift: Sigillum Boionis Meine decretorum doctoris. 'Meine' ergänzt aus einem anderen Siegel. Hier ist nur das M. zu erkennen.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1562