De abt van Adeward, Pelegrimus de Vullenho, deken van Drenthe, Wicherus, deken, en Phillipus, kanunnik van de kerk in Stenwic, bepalen, als scheidslieden in het geschil tussen de abdij te Adzen en Rotgherus de Elede, schulte van Drenthia, dat de abdij het eigendom toekomt van de grove tiend over het huis Husinge te Bunevelde in het kerspel Svele, maar dat als grove tiend over het huis Avekinge aldaar de abdij 3 malder rogge aan Rotgherus moet opbrengen boven eventuele novale tienden.

Universis Christi fidelibus presentia visuris et audituris Nos abbas de Adeward, Pelegrimus de Vollenho decanus Drenthie, Wicherus decanus ecclesie in Stenwic et
Philippus canonicus ibidem notum facimus quod abbatissa et conventus in Adzen ex una parte et Rotgherus de Elede scultetus Drenthie ex parte altera omnem controversiam
inter ipsos iam dudum agitatam super grossa decima domus dicti Husinge site apud Bunevelde in perrochia Suele in nos tamquam inarbitros compromiserunt promittentes
bona fide et subpena viginti marcarum sterlingorum simul et excommunicationis dictis nostris et sentenciis in omnibus inviolabiliter obedire. Nos vero auditis rationibus partium
visisque instrumentis litera videlicet Henrici militis quondam patris Rotgheri iamdicti necnon literis venerabilium patrum nostrorum Wilhelmi et Guidonis episcoporum traiectensium
donationem praefati militis Hinrici de decima praescripta conventui in Asdzen cum Margareta quondam filia sua locata indicto conventu et ibidem deo servienti factam
ac ipsius donationis approbationem et confirmationem per supradictos episcopos sententiando pronunciavimus et in hiis scriptis pronunciamus firmiter observandam
et sepedictam decimam a praenominata scilicet abbatissa et conventu sine Rotgheri et suorum heredum omnium contradictione decrevimus et discernimus perpetuo
possidendam. Preterea dissentionem grosse decime domus Avekinge ibidem site interpredictos subortam amicabiliter sopientes statuimus et ordinavimus
quod conventus predictus de domo iamiacta sepedicto Rotghero et suis heredibus annuatim solvere tenebitur tredecim modios silignis de agris actenus
cultis quorum medietatem insiligne hiemali et reliquam in siligne estivali bona et rationabiliter persolvere non obmittet ..... si novalia ad praetactam domum Avekinge
appellatam excreverint ex eis memorato Rotghero seu suis heredibus legitimis decime persolventur ut autem hec inperpetuum maneant inconvulsa
Presentibus inde confectis sigilla nostra apposuimus in robur perpetuum et munimen. Datum et actum Petze anno domini M^o CCC^o tercio
feria sexta post resurrectionem filii virginis et nostri domini crucifixi.

x

x

Archief	Drents Archief
Fonds	Arch. Abdij Assen
Inventarisnr.	32
Regestnr.	9
Jaar	1303
Datumcode	VpPasche

x

x

x

Commentaar	De vier zegels zijn verloren.

x

Materiaal	perkament
Afmeting (mm)	265/120

x

Edities	OGD, nr. 217

x