Garmet en Thedta, woonachtig te Obergum, verkopen aan Haygo te Ranum 1/2 juk land in Ranumerhamrik.

Wij Garmet ende Theda to Oborgum bekennen in dussen openen breeve alle de hen seen ende horen leesen dat
wij hebben voerkoft Haygen to Ranum een half iuc landes dat ys gelegen in Ranummer hammeric
omme ene summe geldes also wij voerdregen sien ende de summe ys ons witlic ende wol betalet. Dijt
voerscr. lant licht tor swede Habelen to Ranum tor suder syden Haygen to Ranum to der norder syden
Dijt voerscr. half iuc landes levere wij Garmet ende Theda Haygen voerscr. voer ons ende onsen eerfgenamen
wry ende veerdich to ewegen dagen to bruken to setten to voerkopen ende oren wryen willen daer meede tho
doen sunder alle ansprake nye vunde ende aergelijst Dussen voerscr. kop tughe wij Hibele ende olde Tamme
weddemans to Maerhusum stade to holden In oerkunde der waerheit ende omme beede wille Garmet ende
Theten so hebbe ic her Elteke cureit to Maerhusum myn Segel an dussen breef gehangen Gegeven int
iaer ons heren dusunt vierhundert twe ende twintich up sunte Marien dach Assumpcionis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	244
Regestnr.	115
Olim	Arch. Klooster Wijtwerd, inv.nr. 12, reg. 52. Reg. Feith 1422.16.
Jaar	1422
Datumcode	AssMar

x

x

Commentaar	Met het zegel van Elteke, pastoor te Maarhuizen

x

Materiaal	perkament