Johan ten Hove, ambtman van Selwerd, verklaart dat Egbert Hoytens, Johan Ludikens, Johan Kremer, Dirck Kremer, Bertolt Henckens, diens zoon Bole, Egbert Kremer, Willem Wybekens, Johan Drent, Henrick Herdebrinck, Bruyn van Helpman, Lubbert Knotten en Clawes Knotten, buren van Helpman en Dilgt, getuige zijn geweest van de verkoop en levering door stoklegging door Hundeke, daartoe gemachtigd door zijn broer Roloff Hundeborchs, aan het klooster te Essen van twee stukken land te Dilgt.

Ick Johan ten Hove amptman in der tijt des gherichtes van Zelewert bekenne ende betughe mit dessen openen breve dat
voer my quemen die buren van Helpman ende van Dilchte hijr nae ghescreven als Egbert Hoyters, Johan Ludikens, Johan Kremer,
Dirck Kremer, Bertolt Henckens, Bole sijn soen, Egbert Kremer, Willem Wybekens, Johan Drent, Henrick Herdebrinck, Bruyn van
Helpman, Lubbert Knotten ende Clawes Knotten ende bekanden ende betugheden dat sie daer an ende over hebben ghewesen dat Hundeken, de
des machtich ghemaket was van weghen Roloff Hundeborchs sijns broders als hie betoende, den convente van Essen den stock leghede
van synen olthoveden erve to Dilchte dat gheheten is Hundeborchs erve ende van enen erve gheheten Eylinge guet off erve alse die ghe-
leghen syn in der buerscap van Dilchste ende in den gherichte van Zelewert ende dede den voerscreven convente vestinge ende updraghinge daer van
nae lantrechte. In orkunde soe heb ick Johan ten Hove amptman voerscreven mijn seghel an desen breeff ghehangen inden jaer onss heren dusent
vierhondert sovenendedertich op sunte Willibrordus dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	122
Regestnr.	175
Olim	Arch. Klooster Essen, inv.nr. 4, reg. 28. Reg. Feith 1437.12.
Jaar	1437
Datumcode	Willeb

x

x

Commentaar	Met het zegel van Johan ten Hove

x

Materiaal	perkament

x