Sygher, kerkheer te Broke, Syabbe Holdinge, Abele Haynema, Lambert te Broke en Menne Lewers, kerkvoogden, verklaren dat zij met toestemming van hun kerspel hebben verkocht en bij stoklegging overgedragen aan Wyllem Hiddinge en Johan Gheerdes 3 1/2 roeden land in Broeckster marke, strekkende oostwaarts tot Borch en westwaarts tot Bolemameer.

Wy her Sygher kerchere to Broke, Syabbe Holdinge, Abele Haynema, Lambert to Broke ende Menne Lewers
vogede to Broke inder tyt bekennen ende tugen myt dessen openen breve voer ons ende onse nakomelingen
dat wy by consente onses gemenen karspels to Broke omme nutticheyt onser kerken hebben verkofft, upgedragen
ende overgegeven Wyllem Hiddinge ende Johan Gheerdes ende oeren erffgenamen vierdehalff rode landes gelegen
in Broeckster marcke daer de geestlike mageden naest by gelandet sint [. . .] de norder zyde ten Horen
ende Egbert Hannekens ende sine kindere up de zuuder zyd ende strecket o[...] [...]nde borch ende westwert
in Bolema meer vry ende quijt, ewliken ende erffliken myt alle oeren tobeho[...] [...] [...]en ende to besitten
voer ene summe geldes de ons her Sygher kerchere ende vogeden voergenoemd samentlike vull ende all tot
behoeff der kercken to Broke is betaelt de laeste pennyng myt den eersten welke vierdehalff rode
landes wy kerckhere ende vogede vorscreven loven Wylme ende Johan vorscreven ende oeren erffgenamen vry to waren sunder enyge
pacht ende rente voer alle de gene de des to rechte komen wyllen. Hiir is stockleggen van gedaen
als gewoentlick landrecht is inden gerichte van Selwert voer den buren to Broke daer by, an ende
over den stockleggen gewest hebben alze bure aldaer Ebele Kenema, Wyert syn broder, Focke Ghermans,
Frederic Haytema, Frederic Rynschens, Junge Brunne, Focke syn broder ende ander gueder lude genoech
sunder alle argelist. In orkonde der waerheyt so hebbe ick her Sygher kerchere voergenoemd omme bede
wille der vogede vorscreven ende mynre karspellude ende voer my selves myn zegell an dessen breeff ge-
hangen. Ghegeven inden ja[...] ons heren dusent vierhundert vyffendevyfftich des saterdages na sunte Johans dage
baptiste.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	139
Regestnr.	339
Olim	Arch. Klooster Essen, inv.nr. 9, reg. 50. Reg. Feith 1455.23.
Jaar	1455
Datumcode	SpNatJoh

x

x

Commentaar	Met het zegel van Sygher

x

Materiaal	perkament

x