Burgemeesters en raad te Groningen verklaren dat Herman Kanter en diens vrouw Gheertrud hebben verkocht een "ewighe memorie" en als "bodelgave" voor hun dochters Ghebben en Beerte.

Wij borghemeystere ende raed in Groningen betughen myt desen openen
breve dat voer ons synt ghecomen Herman Kanter ende Gheertrud sijn echte
huusvrouwe ende bekanden dat sie voer hem ende horen erfgenamen hebn opghe-
draghen ende overghegheven Droeghen op ende gheven over den eersamen heren
meyster Henrick abt ende convente toe Selwert die vennelandes van tyn grasen
daer die brief van spreket daer des brief doer ghetoghen is vrij ende quijt erfliken
ende eweliken toe ghebruken ende toe besitten in allen manieren toe bruken als die
selve brief daer af inholdet ende uutwiset voer een ewighe memorie om godes wil
len ende mede myt Ghebben ende Beerte oer dochters voer een bodel gave sonder
alle arghelist. Dat orkunde wij myt onse stad seghel ghegheven int jaer ons
heren dusent vierhondert ende neghen ende tsoeventich des wondesdaghes nae
Sinte Laurentiusdach martyris doe Johan Koners, Sweder Kater, Herman Potter
ende Rolef Mepsche borghermeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 002v
Regestnr.	648
Olim	Arch. Klooster Selwerd, inv.nr. 1, reg. 327.
Jaar	1479
Datumcode	EpLauren

x

x

x

Materiaal	perkament