Harman Wiltinghe van Ees verklaart dat hij via bemiddeling van Roeloff Ulger, burgemeester van Groningen, en Helprick Hilboldinck heeft ontvangen van het convent van Essen, dat geerfd heeft de boedel van wijlen Johan Egberts, schout van Borgher, een som geld die hij van genoemde Johan nog te vorderen had.

Ic Harman Wiltinghe van Ees bekenne mit desen openen breve dat ick verkoft hebbe in voerleden tyden
salighe Johan Egbertssoen inder tijt schulte to Borgher myn deell erfachtiges goedes als ic doe hadde inder mercke
van Ees ende hebben daer den stock van ghelecht als lantrecht is daer dat convente van Essen enen gueden bese-
gelden breeff van hebben. Van welcke koop ic noch mystede een deell geldes dat mij dat cloester ende konvente
all ende wall betaelt hebben, alsoe toe verstane dat ic Herman Wiltingen voirscreven rechte reden ofte sprake sall beholden
ofte en beholde up dese voirscreven guede ofte up dat konvente van Esse tot ghenen tijden dat alsoe gededinghet hebben
Roeloff Ulger inder tyt borgermester in Gronyngen ende Helprick Hilboldinck sonder argelist. Des tot enen
oerkonde soe heb ic Herman voirscreven ghebeden den erbaren Roeloff Ulgher borghermester voirscreven desen breeff voer
mij toe besegelen. Ende um bede will van Herman voirscreven heb ic Roeloff voirgenoemd myn segell an desen breeff ghe-
hangen. Gegeven inden jaer ons heren dusent vierhondert dreendetachtentich up unsser vrouwen avent nativitas.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	190
Regestnr.	709
Olim	Arch. Klooster Essen, inv.nr. 2, reg. 91.
Jaar	1483
Datumcode	vNatMar

x

x

x

Materiaal	perkament

x