Burgemeesters en raad te Groningen verklaren dat Herman Kanter en diens vrouw Ghese hebben verkocht aan abt Gheert en het convent te Selwert alle renten, bedoeld in de hierbij getransfigeerde akten.

Wij borgemstere ende raed in Groningen betugen mit dessen openen
breve dat vor ons sint gecomen Herman Kanter ende Ghese sijn echte hues
vrouwe ende becande vor em ende oren erfgenamen dat sie hebn vercofft opgedra-
gen ende overgegeven den eersamen heren Gheert abt ende convente toe
Selwert tot behoeff des convents vorsc. alle all soe dane renten daer die
breve van spreken daer desse brieff doergetogen is vrij ende quijt in allen
maneeren toe voren toe bruken ende toe besitten als die selve breve daer
aff inholden ende uutwijsen vrij erffliken toe waren vor een summe geldes
die Hermen ende Ghese vorsc. bekanden dat em vul ende al is betaelt sonder
argelist. Dat orkonde wij mit onser stad zegel. Gegeven in den jaer ons
heren dusent veerhondert achte ende tnegentich des dinxdages vor sunte Mar-
gareten dage doe Garmet Allema These Jarges Hermen Leewe ende Johan Scaffer
borgemestere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 055v
Regestnr.	858
Olim	Arch. Klooster Selwerd, inv.nr. 1, reg. 426.
Jaar	1498
Datumcode	MaMargar

x

x

x

Materiaal	perkament