Henricus, priester van Eelde, gezegd to Weste, verklaart zijn bezittingen, voorzover hij daarover niet nader beschikt, na te laten aan het convent in Assen; waartegenover dit hem opneemt in zijn broederschap en belooft hem desgewenst op te nemen.

Ad noticiam universorum tam futurorum quam presentium cupio ego Henricus presbiter de Elede dictus to Westen pervenire quod ego constitutus in sanitate mentis
et corporis et de consilio maturo cupiens providere saluti anime mee contuli et eciam confero in hiis scriptis omnia bona mea tam mobilia quam immobilia
que me habere contingerit in morte mea conventui in Assen, sed quam diu vixero in hac vita retineo michi plenam facultatem disponendi et ordinandi
de bonis meis pro mee beneplacito voluntatis et eciam in morte mea prout michi placuerit faciendi testamentum. Sed quicquid michi superfuerit hoc ego con-
tuli et confero conventui supradicto ut me recipiant ad eorum confraternitatem et faciant pro anima mea sicut solent facere pro uno de eorum conventu
Et nos domina Iutta pronunc ex dei paciencia abbatissa praedicti conventus in Assen de consilio seniorum conventus nostri supradictum dominum Henricum recipimus
in dei nomine secundum modum supradictum ad confraternitatem nostram facientes ipsum participem omnium bonorum bonorum (sic) quae fuerit in conventu nostro tam in diebus quam
in noctibus et post mortem eius faciemus pro anime sue salute sicut pro uno de conventu. Praeterea si placuerit aliquando praedicto domino Henrico quod apud nos in Assen
vellet habere mansionem tenemur eadem de victualibus et vestimentis et de una speciali camera ubi ipse maneret in habitu seculari providere. In quorum
testimonium praesens scriptum sigillo conventus nostri in Assen una cum sigillo domini Henrici praedicti necnon sigillis domini Henrici curati in Elede et domini Iohannis
Swanekens curati ecclesie sancte Marie in Groninghe et Bertoldi Albringhe de Elede exstitit roboratum. Datum anno domini M CCC quadragesimo primo
feria sexta post festum Philippi .. Iacobi apostolorum.

x

x

Archief	Drents Archief
Fonds	Arch. Abdij Assen
Inventarisnr.	8
Regestnr.	20
Jaar	1341
Datumcode	VpPhiJac

x

x

Commentaar	Met fragmenten der zegels van Henricus to Weste en Johannes Swanekens, pastoor van de Akerk, in groene en Bertoldus Albringhe van Elede in (bruingele ?) was. De twee andere zegels (van het convent en Henricus, pastoor van Eelde) zijn verloren.

x

Materiaal	perkament
Afmeting (mm)	110/370

x

Edities	OGD, nr. 363

x