Burgemeesteren en raad in Groninge verklaren, dat Egbert van Banlo kocht van Elleken Peters een half stenen huis in de Sint-Jansstraat met de halve menewech ten oosten ervan (waarvan Egbert de andere helft al bezit), tegen een lijfrente van 7 1/2 gulden uit dat halve huis.

Wy Borghermestere ende Raet in Groninge bekennen ende betughen mit dessen openen breve dat voer ons quam Egbert
van Banlo ende bekande dat he hevet ghecoft teghens Elleken Peters .en half steenhues mitten halven mene weghe de
an de oester zyde van den vorscreven hues leghet ende mit al zinen tobehoren achter ende vore daer Egberde vorscreven de ander halfte
van to behoert voer ene summe gheldes de Elleke vorscreven bekande dat haer vol ende al betaelt is. Ende dit vorscre-ven halve steenhus
mitter helfte van den mene weghe mit al zinen tobehoren droech Elleke vorscreven up Egberde vorscreven ende zinen erfgenamen vrij ende
quijt mit allen rechte ende eghendome ewelike ende erflike to bruken ende to besitten. Dit vorscreven alinghe steenhus mit zinen
tobehoren is ghelegen in Sunte Johansstrate daer des cureetes wedem de van onser stad weghen is naest bi leghet an de
oester zide daer de vorscreven menewech en tusschen leghet ende Elleke vorscreven beholt achtehalven gulden rente in den vorscreven
halven steenhues tot horen live dertien corte grote voer den gulden gherekent to betalen jaerlikes jaerlikes [sic] als en
stadrecht is. Dat orkunde wy mit onsen stad seghel. Ghe-
gheven in den jaer ons heren dusent vierhondert ende
dertiene up sunte Matheus avent do Johan Renghers, Rading Hoerneking, Johan Wichering ende Bruen Clinghe bor-
ghermestere weren onser stad.

x

x

Archief	Drents Archief
Fonds	Arch. Abdij Assen
Inventarisnr.	54
Regestnr.	36
Jaar	1413
Datumcode	vMatthe

x

x

Commentaar	Het stadszegel is verloren.

x

Materiaal	perkament
Afmeting (mm)	265/85

x