Harman van Keppell, landcommandeur van de Duitse orde, balije van Utrecht, bekrachtigt voor buren van Zeyen de verkoop van het goed ter Aert c.a. door Jacop Horman en Peter ten Velde, commandeur te Bunne, aan Roleff ter Aert.

Wij Harman van Keppell landkommenduer der balien van U-trecht duytscher orden bekennen in
desen apenen breve voer ons ende onse nacoemlinge dat alsulcken coepp als her Jacop Herman ende
her Peter ten Velde Commenduer toe der tijt Bunne ghedaen hebben myt Roleff ter Aert van alsulcken
erve ende guede gheheijten ter Aert myt al zynen tobehoer wo ende waert ghelegen is dat onsen
orden plach to wesen ende nu Roleff ter Aert thobehoert onse wijlle ende onser ghemenen broders der
balien van Utrecht wijlle ghewest is ende consent daer to gheven mijt desen breve dat Roleff ter
Aert vorscreven ende zijne erffgenamen des guedes vorscreven ghebruken mogen tot ewijgen dagen want ons dat
vorscreven gued gheheiten ter Aert vul ende all betalt is tot onsen wijllen. Ende wij hebben hem daer van
....nge ende stockleggen ghedaen ter Aert onder den ghemenen bueren van Zyen als dat lant
recht wijst. Alle puncten vorscreven sonder argelist. In orkonde der waerheit so hebben wij onses huyses
seghel van Utrecht beneden an dessen breff ghehangen int jaer ons heren dusent vierhondert sess
sendertijch des dinxedages nae Ponciani martiris.

x

x

Archief	Drents Archief
Fonds	Arch. Abdij Assen
Inventarisnr.	105
Regestnr.	44
Jaar	1436
Datumcode	MpPontia

x

x

x

Commentaar	Het zegel van het Duitsche huis te Utrecht is verloren.

x

Materiaal	perkament
Afmeting (mm)	190/100

x