Burgemeesters en raad in Groningen verklaren, dat Remme te Ezinge en Hyleke, echtelieden, dragen over aan Johan ter Bruggen grazen land in 2 stukken, op de westzijde van de Woltgraft, onder voorbehoud van het recht van wederkoop.

Wy borgermestere ende raet in Groningen bekennen ende tughen mit dessen openen breve dat voer ons sint
ghekomen Remme to Eesdingen ende Hyleke siin echte wiiff ende bekanden dat sie hebben vorcoft, droghen
op ende gaven over voer em ende oere erffgenamen Johanne ter Bruggen ende sinen erffgenamen dre grase landes also de
ghelegen sint opde wester siit des Woltgraves in twen stucken daer Johans vorscreven erve naest byleget
ande suut siit van de ene anderhalff grass landes ende Remmeken oers broders heem opde wester siit
ende de ander anderhalff grass landes sint ghelegen opde suut siit van Johan Klants erve ende opde norder
siit der hilghen land toder Leger kercken vry ende quiit eweliken ende erffliken mit allen rechte ende
eghendome to bruken ende to besitten voer ene summe ghel-des de Remme ende Hyleke vorgenoemd bekanden dat
em vol ende al is betaelt. Hijr is to ghesproken dat Remme ende Hyleke moghen dit vorscreven land weder
copen mit neghen arnhemse gulden in golde inden jaer ons heren dusent veerhondert sovenendeveertich
inden vrymerkede to Groningen tot oers selves behoeff ende tot anders nemans behoeff ende anders op
nene tiit, sunder argelist. Dat orkonde wy mit onsen stad seghele. Ghegeven inden jaer onss heren dusent
veerhondert veerendeveertich op sunte Michaelsdach do Henrick Baroldes, Otto Klant, Gosen ten Grave
ende Ludeken Everd Wigboldessoen borgermestere weren onser stad.

x

x

Archief	Drents Archief
Fonds	Arch. Abdij Assen
Inventarisnr.	51
Regestnr.	54
Jaar	1444
Datumcode	Michae

x

x

Commentaar	Met fragment van het stadszegel en contrazegel in groene was.

x

Materiaal	perkament
Afmeting (mm)	230/100

x