Johan Witema te Roderwolde draagt over aan Johan Claweszoen 3 grazen land in de Uuterdelinge in het kerspel Hoogkerk. Met bezegeling door Ludiken Wibboldes Euverdeszoen, raadman in Groningen.

Ick Johan Witema wonende to Roderwolde bekenne ende tuge myt dessen openen breve dat ick vor my
ende mynen erffgenamen hebbe verkoefft, updragen ende overgheven Johan Claweszoen ende synen erffgenamen dree
grase landes ghelegen inder Uuterdelinge inden kerspel to der Hogerkerken dar naest by ter zwette
syn gelandet de monike van Assen an beyden sijden vrie quijt, erfflike ende ewelike myt allen rechte ende
eghendomme to bruken, to besitten ende Johan vorscreven synen vrien willen dar mede to done vor ene summe
van ghelde de my wul ende all is betalt to mynen willen ende sunder all argelyst. Hyr hebben an ende
over ghewest als dedingeslude Engelbert Tengenagel, Johan Ridders ende Johan Buttoma. In orkunde
der waerheit want ick Johan Witema selver ghin eghen segel bin brukende, so hebbe ick gebeden
den ersamen ende bescedenen manne Ludiken Wibboldes Ever-deszoen in Groningen dessen breff vor my
to besegelen. Ende ick Ludiken Wibboldes Everdeszoen vorscreven inder tijt raedman in Groninge umme
bede willen Johan Witema vorscreven myn segel an dessen breff hebbe ghehangen. Ghegeven inden
jaer onss heren dusent vierhundert ende dreendevyfftich des sundages vor sunte Georgius dach.

x

x

Archief	Drents Archief
Fonds	Arch. Abdij Assen
Inventarisnr.	70
Regestnr.	61
Jaar	1453
Datumcode	DaGeorgi

x

x

x

Commentaar	Het zegel is verloren.

x

Materiaal	perkament
Afmeting (mm)	215/105

x