Golde Stellynge, abdis te Assen, verklaart te weten dat wijlen de abdis Wybbe Hubbeldinge geruild heeft met haar broer Henrick Hubbeldinge de rente van 2 mudden rogge, die Grete Hubbeldinge blijkens de transfix (ass055) beurde uit Syckynghe-erve te Exloo, tegen een gelijke rente, die Henrick beurde uit Eyssinghe- en Wermynghe-erve te Erm (nu behorende aan Hermen Schyrenbeke en Emeken, echtelieden), en verklaart verder deze rente te hebben verkocht aan Johan Spoelman, "scryver" van de drost Wolter Stellynge, en zegt daarom aan Grete levenslang toe 2 mudden rogge per jaar uit de voorraadschuur van de abdij, die na haar overlijden aan de abdij zullen vervallen.

Wy Golde Stellynge Abdisse des cloesters van Assen bekennen ende betughen in dessen openen breve dat ons kundich
is
dat joncfrouwe Wybbe Hubbeldinge onse eerweerdighe verledene vrouwe abdisse verwysselt hefft Henricke Hubbeldinge horen broder
die twe mudde roggen die joncfrouwe Grete Hubbeldinge hadde over Syckynghe erve to Exlo daer die breeff van holt daer dese doer
ghetoghen is voer twe mudde die Henrick voerscreven hadde to Erme over Eyssinghe ende Wermynghe erve dat nu ter tijt to hoert Hermen
Schyrenbeke ende Emeken synen wyve, welke twe mudde wy Golde abdisse voerscreven vercofft hebben Johan Spoelman in der tiit scryver des
eerberen drostes Wolter Stellynge voer ene summe gheldes die ons wytlick ende wal betaelt is, die leste pennynck mytten eersten. Ende
voer dit ghelt voerscreven zo sal joncfrouwe Grete myt consente ende rade onses ende onses oldermans twe mudden roggen Gronynger mate
boren jaerlix van onses cloesters spyker tot horen lyve sunder iemans weder segghen. Ende wanneer Grete voerscreven afflyvich wert zo
solen die twe mudde voerscreven ewelyke ende erfflyke blyven in den cloester voerscreven als die anderen mudde daer die breeff van holt daer
dese doer ghetoghen is. In een tuech der waerheyt zo hebbe wy Golde abdisse voerscreven onses Ampts zeghel voer ons ende onse oldermans
an dessen breeff ghehanghen. Ghegheven int jaer ons heren dusent vierhondert ende achte ende viifftich op sunte Jheronimus dach des hil-
..... confessoers.

x

x

Archief	Drents Archief
Fonds	Arch. Abdij Assen
Inventarisnr.	3
Regestnr.	68
Jaar	1458
Datumcode	Hieron

x

x

x

Commentaar	Het "amptszeghel" der abdis is verloren.

x

Materiaal	perkament
Afmeting (mm)	215/190

x