Henrick, weduwe van Luloff, draagt voor buren van Schonloe over aan de abdij van Assen het erf in de marke van Grolle en Schonloe in het kerspel van Rolde, door haar man geerfd van wijlen heer Johan van Oeren. Met bezegeling door Wylhelmus Hyddinge.

Ick Henrick Luloffs wijff zaligher ghedachtnysse bekenne ende tughe in dessen openen breve voer my ende voer myne rechte
erffgenamen dat ick hebbe verkofft ende verkope ewelike ende erfflike der erber vrouwen Golde Stellyngen Abdyssen des
cloesters van Assen ende horen convents lude alzulck erve ende guet als mynen salygen manne voerscreven anghekomen
was van heeren Johan van Oeren zalygher ghedachtnysse Welck erve ende guet nu ter tijt ghelegen is in der
marcke van Grolle ende Schonloe ende onder den clocken van Rolde voer ene summe ghelds de my vul ende al betaelt
is. Ende hijr entends hebbe ick verteghen alles rechts ende eygendoems ende der erber vrouwen ende horen covents [sic]
lude dit voerscreven erve ende guet overghegeven quijt gheschulden ende quijt schelde to besitten to ewyghen daghen daer
van den eygendoem Als dat ick noch myne erffgenamen to gheenre tijt daer op meer to spreken hebben ende hijr van
hebbe ick Henrick voerscreven den stock gheleghet broder Henricke Schadyngen in der tijt tymmermeyster des cloesters
voerscreven voer den buren van Schonloe als lanthrecht is in Drenthe. All arghelyst uutghesproken. Hijr weren an
ende over dat stock leggen Johan ende Albert, Roloff Dreus soens als buur to Schonloe ende anders gueder lude
ghenoech. In oerkunde der waerheyt so hebbe ick Henrick voerscreven ghebeden Wylhelmum Hyddingen dessen breeff
voer my ende myne erffgenamen to bezeghelen want ick gheens zeghels en bruke. Ende ick Wilhelmus voerscreven umme bede
wylle Henricks voerscreven hebbe mynen zeghel beneden an dessen breeff ghehangen. Ghegheven int jaer ons
heren dusent vierhondert ende ses ende sestich op sunte Gregorius dach des hylligen Confessoers.

x

x

Archief	Drents Archief
Fonds	Arch. Abdij Assen
Inventarisnr.	85
Regestnr.	84
Jaar	1466
Datumcode	Gregor

x

x

Commentaar	Met zegel in groene was.

x

Materiaal	perkament
Afmeting (mm)	225-230/100-105

x