Roleff Altinge en Aleyt echtelieden, Albert hun zoon en Clawes Altinge, Roleffs broeder, dragen voor buren van Elp over aan de abdij te Assen Wilberdingeguet c.a. te Elp in de marke te Elp in het kerspel te Borck; met uitzondering van een stuk van de hof, bij Roleff in gebruik. Met bezegeling door Albert Nysinge.

Wy Roleff Altinge ende Aleyt echte lude, Albert onzer twyer zoene, Clawes Altinge Roleves broder kennen ende tugen in dezen openen
breve voir ons ende onzen rechten arffgenamen dat wy myt vryen willen ende myt guden berade onser arffgenamen vercoft hebben ende vercopen ende
updragen vry arfflick ende ewelycke der Eirsamen Joncferen ende vrouwen Joncfer Reynalt Jarghes abdissen ende den ghemenen con-
vente des cloesters to Assen onse gude ende erve toe Elp gheheten Wilberdingen guet woe ende wair dat ghelegen ys inden marck to Elp
onder den clocken toe Borck myt hueze ende have, land ende zand, maeden, holt ende ware, buysch ende broeke myt schade ende
bathe clein ende groet zoe alst ghelegen ys myt al syn toebehoir uutghesproken een stucke hoves dat ick Roleff voirscreven nu ter tyd
ghebruke Alzoe dattet convent toe Assen dair gheen spreken up holden sal voir ene summe gheldes die ons vullenkomen ende
wal betaelt ys. Ende wy Roleff, Aleyt, Albert ende Clawes verscreven ende onse rechte erffgenamen loven der voir-screven abdissen ende convente myt
dezen selven breve rechte wairscap te done van dezen verscreven coep ende guet tot allen tyden woe vake em des noit ys. Ende weert zake
dat dair yemant up te spreken hadde off wolde hebben dair sullen ende willen wy Roleff, Aleyt, Albert, Claes ende onse arffgenamen den verscreven
convente altoes van quyten ende unthaven updat dese verscreven coep ende updraglyngen vast ende stantachtich wesen ende blyven sullen. Soe
hebben wy Roleff, Aleyt, Albert ende Claes verscreven voir ons ende onsen rechten arffgenamen der Eirbaren abdissen ende convente des cloesters
toe Assen den stock dair van ghelecht ende synt des uutghegaen als landrecht ys inden lande van Drenthe als voir toe Elp voir buren
Coep Steyngen, Alte Brinckingen, Johan Wilkingen ende ander lude ghenoich. Alle arghelist uutghesproken. In oirkonde der wairheit
soe hebben wy Roleff, Aleyt, Albert ende Clawes verscreven ghebeden Albert Nysingen desen brieff voir ons ende onsen arffgenamen toe
byzeghelen. Dat ick Albert verschreven gheerne ghedaen hebbe omme bede willen der guder lude voirghenaemt Ende hebbe
myn zeghel beneden an dezen brieff ghehangen. Gegeven inden jair ons heren dusent vierhondert ende twe endetne-ghentich up
up [sic] sunte Nycolausdach des hilligen byscopes.

x

x

Archief	Drents Archief
Fonds	Arch. Abdij Assen
Inventarisnr.	112
Regestnr.	108
Jaar	1492
Datumcode	Nicola

x

x

Commentaar	Met geschonden zegel in groene was.

x

Materiaal	perkament
Afmeting (mm)	215-220/110

x