| Nummer:coe0074 | Datum:30 dec. 1407 | Overlevering:Origineel | Vindplaats:Arch. Coevorden, inv.nr. 0074 |
Frederic van Blanckenheim, bi der genaden Goits bisscop to Utrecht, maken kond allen luden dat ons mit seekere konden aengecomen ende bijgebracht is van onsen vrienden
ende van onsen lieven borgeren ende ondersaten onser stat van Coevorden dat die selve onse borgere ende ondersaten bynnen onser stat van Coevorden van oldes alsulke
vrijheit, recht ende privelegyen g[eha]dt hebben als hier na bescreven staen, daer sij hoere brieve, die sij daerop gehadt hebben, verloren hebben. In den iersten wie den anderen
bynnen onser stat van Coevorden doit sleyt, dat is lijff omme lijff off des heren genade. Item wie den anderen daerbynnen wondet ledes dyep, dat is die hant daer dat
mede gedaen is off des heren genade. I[te]m wie den anderen daer bynnen wondet dat gheens ledes diep en is, dat is drie pont. Dese voers. drie punten ende broeken sal die drossate
berichten van onser wegen. Item yemant den anderen sloege myt staeken off mit anderen dingen ende niet en wonde, dat waer twe pont tot onser voers. stat behoeff. Item off
yemant den anderen sloege mit vuysten off een messe toege offte lochende, die breke een pont der stat. Item off yemant daerbynnen wapengerucht makede, die breke vijff
pont der stat. Item wie scheldewoirde hedde, breke een pont der stat. Voert so sullen die scepene die waeke besetten bij des amptmans rade na dien dat dat gelegen is ende
die broken daervan mede, mer die broken soelen wesen ter stat behoeff. Item so moegen die scepene die broytwage ende byermate setten bij des drossaten rade ende die broeken soelen
wesen ter stat behoef. Item so moegen die scepen die marcke besetten bij des drossaten rade ende die broeken ter stat behoeff. Item wanneer dat die borgers gaen totten meynen
wercke die boeten sal die stat beric[hten]. Voert enighe redelike bode die die scepenboden bij der drossaten rade bij eene boette die breecket, die sal die Stat berichten. Item weer 't dat
die scepene in deser saken enich d[rijfach]tich lieten ende niet en berichten b[yn]nen achte dagen daerna, dat hem die amptman des vermaende, so solde dat tot der tijt onse drossate
berichten. Ende want wij Frederic, b[issco]p to Utrecht voerg. aengesien hebben ende aensien menigen truwen dienst den uns onse lieve getruwen borgers ende ondersaten bynnen onser
stat van Coevorden gedaen hebben [e]n[de] off Got wil hernamails meer doen sullen, ende mede aensien swaren last ende arbeyt den onse borgers ende ondersaten van Coevorden voers.
hebben, die wege die daertoe gaen te [ma]ken, so hebben wij voer ons ende voer onse nacomelingen bisscopen to Utrecht dese voers. punten voer een recht ende voer hoer privilegyen
ende vrijheit der selver onser stat [van] Coevorden gegeven, gevest ende confirmiert, geven, vesten ende confirmeren tot eweliken dagen toe vast ende stede te blijven beholdelic den selven
onsen borgeren van Covorden off sij [eni]ge ander olde privilegyen ende vrijheiden van ons ende van onsen gesticht hedden die in desen brieff niet begrepen staen, dat die mit desen
brieve niet gekrencket mer gevestiget sullen wesen in hore volcomenre macht ewelick te blijven. Sonder argelist. Ende hebben des tot enen orkonde vur uns ende voer onse nacome-
lingen bisscopen to Utrecht onse segele mit onser rechter wetentheit doen hangen. Gegeven tot Vollenho daer over ende an waren onse vriende ende lieve getruwen van onsen rade
die eerberen her Willem van Renen, proist onser kercken tot Embric, onse vicarius, her Godert, deken ons[er] kercken sent Johan to Utrecht, Rutger van Doernic, onse hoiffmeister,
Johan van Buchorst, onse drossate onser lande van Coevorden ende van Drenthe, Steven van Roir, onse [hue]smaerscalc, Herman Stail, Coenman van Furbach, Ghyssbert van Loe,
onse kokemeister, Wilhem van Wye, onse secretarius, ende anders goeder lude gnoech. Gegeven in 't jaer ons heren dusent vierhondert ende acht, op sente Silvesters avont.
Scriptum per me Wilhelmum de Wye, secretarium domini Traiectensis, de ipsius mandato speciali.
ende van onsen lieven borgeren ende ondersaten onser stat van Coevorden dat die selve onse borgere ende ondersaten bynnen onser stat van Coevorden van oldes alsulke
vrijheit, recht ende privelegyen g[eha]dt hebben als hier na bescreven staen, daer sij hoere brieve, die sij daerop gehadt hebben, verloren hebben. In den iersten wie den anderen
bynnen onser stat van Coevorden doit sleyt, dat is lijff omme lijff off des heren genade. Item wie den anderen daerbynnen wondet ledes dyep, dat is die hant daer dat
mede gedaen is off des heren genade. I[te]m wie den anderen daer bynnen wondet dat gheens ledes diep en is, dat is drie pont. Dese voers. drie punten ende broeken sal die drossate
berichten van onser wegen. Item yemant den anderen sloege myt staeken off mit anderen dingen ende niet en wonde, dat waer twe pont tot onser voers. stat behoeff. Item off
yemant den anderen sloege mit vuysten off een messe toege offte lochende, die breke een pont der stat. Item off yemant daerbynnen wapengerucht makede, die breke vijff
pont der stat. Item wie scheldewoirde hedde, breke een pont der stat. Voert so sullen die scepene die waeke besetten bij des amptmans rade na dien dat dat gelegen is ende
die broken daervan mede, mer die broken soelen wesen ter stat behoeff. Item so moegen die scepene die broytwage ende byermate setten bij des drossaten rade ende die broeken soelen
wesen ter stat behoef. Item so moegen die scepen die marcke besetten bij des drossaten rade ende die broeken ter stat behoeff. Item wanneer dat die borgers gaen totten meynen
wercke die boeten sal die stat beric[hten]. Voert enighe redelike bode die die scepenboden bij der drossaten rade bij eene boette die breecket, die sal die Stat berichten. Item weer 't dat
die scepene in deser saken enich d[rijfach]tich lieten ende niet en berichten b[yn]nen achte dagen daerna, dat hem die amptman des vermaende, so solde dat tot der tijt onse drossate
berichten. Ende want wij Frederic, b[issco]p to Utrecht voerg. aengesien hebben ende aensien menigen truwen dienst den uns onse lieve getruwen borgers ende ondersaten bynnen onser
stat van Coevorden gedaen hebben [e]n[de] off Got wil hernamails meer doen sullen, ende mede aensien swaren last ende arbeyt den onse borgers ende ondersaten van Coevorden voers.
hebben, die wege die daertoe gaen te [ma]ken, so hebben wij voer ons ende voer onse nacomelingen bisscopen to Utrecht dese voers. punten voer een recht ende voer hoer privilegyen
ende vrijheit der selver onser stat [van] Coevorden gegeven, gevest ende confirmiert, geven, vesten ende confirmeren tot eweliken dagen toe vast ende stede te blijven beholdelic den selven
onsen borgeren van Covorden off sij [eni]ge ander olde privilegyen ende vrijheiden van ons ende van onsen gesticht hedden die in desen brieff niet begrepen staen, dat die mit desen
brieve niet gekrencket mer gevestiget sullen wesen in hore volcomenre macht ewelick te blijven. Sonder argelist. Ende hebben des tot enen orkonde vur uns ende voer onse nacome-
lingen bisscopen to Utrecht onse segele mit onser rechter wetentheit doen hangen. Gegeven tot Vollenho daer over ende an waren onse vriende ende lieve getruwen van onsen rade
die eerberen her Willem van Renen, proist onser kercken tot Embric, onse vicarius, her Godert, deken ons[er] kercken sent Johan to Utrecht, Rutger van Doernic, onse hoiffmeister,
Johan van Buchorst, onse drossate onser lande van Coevorden ende van Drenthe, Steven van Roir, onse [hue]smaerscalc, Herman Stail, Coenman van Furbach, Ghyssbert van Loe,
onse kokemeister, Wilhem van Wye, onse secretarius, ende anders goeder lude gnoech. Gegeven in 't jaer ons heren dusent vierhondert ende acht, op sente Silvesters avont.
Scriptum per me Wilhelmum de Wye, secretarium domini Traiectensis, de ipsius mandato speciali.
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 0074 |
| Jaar | 1407 |
| Datumcode | vSilves |