| Nummer:coe0078 | Datum:4 aug. 1541 | Overlevering:Origineel | Vindplaats:Arch. Coevorden, inv.nr. 0078 |
Kaerle, bij der gracie Goide Roomsch keyser, altijt vermeerder 's rycx, koninck van Germanien, van Kastillien, van Leon, van Grenade, van Arragonie,
van Navarre, van Naples, van Cecillie, van Maillorcque, van Saerdannie, van den eyelanden van Indien ende vasten lande der zeeocceane, ertshertogue van Oistrijcke, hertogue van Bourgoingne, van Lothier, van Brabant, van
Lembourg, van Luxembourg ende van Ghelre, grave van Vlaenderen, van Artois, van Bourgoingne, palsgrave ende van Henegouwe, van Hollandt, van Zeellandt, van Ferrette, van Haguenault, van Namen ende van Zutphen, prince
van Zwave, marcgrave des heyliche rycx, heere van Vrieslant, van Salme, van Mechelen van der stadt, steden ende landen van Utrecht, Overijssel ende Groeninge ende dominateur in Asie ende in Affricque, allen
denghenen die desen onsen brief zullen sien saluyt. Wij hebben ontfangen die oitmoedige supplicacie van onsen welbeminde die scepen, gemeene burgeren ende ingesetene onser stadt van Coevoerden, inhoudende
hoe dat wijlen heer Georgien Schenck, in zijnen levene vrijheere tot Tautemburg ende onse stadthalder generael van onse landen van Vrieslandt, Overijssel ende Groningen ten tijde als zij supplianten
hem in onsen name hulde ende eedt deden hij hemluyden van onsen wegen wederumme beloefde dat wij hen souden laten blijven bij hoere olde vrijheyden previlegien, stadtrechten, handtfesten, gebruyck ende
usancien ende zulckx confirmeren ende ratificeren, ons oitmoedelijck biddende de voirn. supplianten alsoe 't selve noch nyet geschiet en is, dat wij hen hier op willen verleenen onse behoirlijcke
oepenen briefven dairtoe dienende ende daerenboven aenschouw nemende dat zijluyden bynnen corten jaeren dryemal ellendich verbrant ende in den gront verdorven zijn, hemluyden gunnen drye vrije
jaermerckten, d'eerste des maendaeghe voer Pynxsteren, de tweede op Odulphi dach nae Pynxsteren ende de derde op Egidii in julio dairnaistvolgende, elcke vier dagen lanck
geduerende alleenlijck. Doen te wetene dat wij de zaken voirscr. overgemerct ende hierop gehadt 't advys van onsen lieven ende getrouwen drossaet ende rentmeester van Coevoerden
ende onsen lande van Drenthe, genegen wesende ter bede ende begeerte van den voirn. van Coevoerden, supplianten, hebben by rijpe advys ende deliberacie van rade hueren goede ende redelijcke
previlegien, vrijheyden, stadtrechten, hantfesten, gebruuck ende usantien, geconfirmeert, geratifficeert ende geapprobeert, confirmeren, ratifficeren ende approberen zunderlinge
gracie bij desen, soeverre nochtans zijluyden dairaf duegdelijck gebruyckt ende die gepossesseert hebben, ende uuyt onsen meerder gracie hebben hemluyden gegunt, geottroyeert ende
geaccordeert, gunnen, ottroyeren ende accorderen bij desen dat zijluyden voertaene elcx jaers sullen moegen publiceren, hebben ende houden bynnen onsen voirscr. stadt van Coevoerden drie vrije
jaermercten, te wetene d'eerste 's maendaeghe voer Pynxsteren, de tweede Odulphi nae Pynxsteren ende de derde Egidii dairaenvolgende, elcke vier dagen lanck
geduerende, op alzulcke vrijheyden ende liberteyten als men gelijcke vrije jaermerckten in andere steden ende plecken van onsen lantscape van Overijssel, houdende es. Behoudelijck
dat overmits dese onse concessie van de voirscr. drye vrije jaermerckten andere steden ende plaetsen staende onder onze onderdanicheyt nyet verhindert noch geinteresseert worden.
Ontbieden dairomme ende bevelen onsen lieven ende getrouwen die hooftpresident ende luyden van onsen secreten raide, stadthouder van Overijssel, onsen drossaten amptluyden,
ridderscap ende steden aldair ende allen anderen ofte rechteren, officieren ende onderdanen dien die aengaen sal dat zij den voirn. supplianten doen laten ende gedoogen dese onze gracie
confirmacie, ratifficacie, ottroye ende consente ... te condicien ende in der manieren voirscr. rustelijck ende vredelijck genyeten ende gebruycken zonder hen te doene noch te
laten geschien eenich hinder, letsel oft moyennisse ter contrarien want ons alsoe gelieft. Des t'oirconden hebben wij onsen zegel hieraen doen hangen. Gegeven in onsen
stadt van Bruessele den iiiien dach van augusto in 't jair onss heeren duysent vijfhondert eenenveertich, van onsen keyserrijcken 't xxiien ende van den rijcken
van Castillien ende anderen 't xxvien.
van Navarre, van Naples, van Cecillie, van Maillorcque, van Saerdannie, van den eyelanden van Indien ende vasten lande der zeeocceane, ertshertogue van Oistrijcke, hertogue van Bourgoingne, van Lothier, van Brabant, van
Lembourg, van Luxembourg ende van Ghelre, grave van Vlaenderen, van Artois, van Bourgoingne, palsgrave ende van Henegouwe, van Hollandt, van Zeellandt, van Ferrette, van Haguenault, van Namen ende van Zutphen, prince
van Zwave, marcgrave des heyliche rycx, heere van Vrieslant, van Salme, van Mechelen van der stadt, steden ende landen van Utrecht, Overijssel ende Groeninge ende dominateur in Asie ende in Affricque, allen
denghenen die desen onsen brief zullen sien saluyt. Wij hebben ontfangen die oitmoedige supplicacie van onsen welbeminde die scepen, gemeene burgeren ende ingesetene onser stadt van Coevoerden, inhoudende
hoe dat wijlen heer Georgien Schenck, in zijnen levene vrijheere tot Tautemburg ende onse stadthalder generael van onse landen van Vrieslandt, Overijssel ende Groningen ten tijde als zij supplianten
hem in onsen name hulde ende eedt deden hij hemluyden van onsen wegen wederumme beloefde dat wij hen souden laten blijven bij hoere olde vrijheyden previlegien, stadtrechten, handtfesten, gebruyck ende
usancien ende zulckx confirmeren ende ratificeren, ons oitmoedelijck biddende de voirn. supplianten alsoe 't selve noch nyet geschiet en is, dat wij hen hier op willen verleenen onse behoirlijcke
oepenen briefven dairtoe dienende ende daerenboven aenschouw nemende dat zijluyden bynnen corten jaeren dryemal ellendich verbrant ende in den gront verdorven zijn, hemluyden gunnen drye vrije
jaermerckten, d'eerste des maendaeghe voer Pynxsteren, de tweede op Odulphi dach nae Pynxsteren ende de derde op Egidii in julio dairnaistvolgende, elcke vier dagen lanck
geduerende alleenlijck. Doen te wetene dat wij de zaken voirscr. overgemerct ende hierop gehadt 't advys van onsen lieven ende getrouwen drossaet ende rentmeester van Coevoerden
ende onsen lande van Drenthe, genegen wesende ter bede ende begeerte van den voirn. van Coevoerden, supplianten, hebben by rijpe advys ende deliberacie van rade hueren goede ende redelijcke
previlegien, vrijheyden, stadtrechten, hantfesten, gebruuck ende usantien, geconfirmeert, geratifficeert ende geapprobeert, confirmeren, ratifficeren ende approberen zunderlinge
gracie bij desen, soeverre nochtans zijluyden dairaf duegdelijck gebruyckt ende die gepossesseert hebben, ende uuyt onsen meerder gracie hebben hemluyden gegunt, geottroyeert ende
geaccordeert, gunnen, ottroyeren ende accorderen bij desen dat zijluyden voertaene elcx jaers sullen moegen publiceren, hebben ende houden bynnen onsen voirscr. stadt van Coevoerden drie vrije
jaermercten, te wetene d'eerste 's maendaeghe voer Pynxsteren, de tweede Odulphi nae Pynxsteren ende de derde Egidii dairaenvolgende, elcke vier dagen lanck
geduerende, op alzulcke vrijheyden ende liberteyten als men gelijcke vrije jaermerckten in andere steden ende plecken van onsen lantscape van Overijssel, houdende es. Behoudelijck
dat overmits dese onse concessie van de voirscr. drye vrije jaermerckten andere steden ende plaetsen staende onder onze onderdanicheyt nyet verhindert noch geinteresseert worden.
Ontbieden dairomme ende bevelen onsen lieven ende getrouwen die hooftpresident ende luyden van onsen secreten raide, stadthouder van Overijssel, onsen drossaten amptluyden,
ridderscap ende steden aldair ende allen anderen ofte rechteren, officieren ende onderdanen dien die aengaen sal dat zij den voirn. supplianten doen laten ende gedoogen dese onze gracie
confirmacie, ratifficacie, ottroye ende consente ... te condicien ende in der manieren voirscr. rustelijck ende vredelijck genyeten ende gebruycken zonder hen te doene noch te
laten geschien eenich hinder, letsel oft moyennisse ter contrarien want ons alsoe gelieft. Des t'oirconden hebben wij onsen zegel hieraen doen hangen. Gegeven in onsen
stadt van Bruessele den iiiien dach van augusto in 't jair onss heeren duysent vijfhondert eenenveertich, van onsen keyserrijcken 't xxiien ende van den rijcken
van Castillien ende anderen 't xxvien.
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 0078 |
| Jaar | 1541 |
| Datumcode | 0408 |
x
| Aantekeningen | Op de plica: Bij den keyser In zijnen stade [handtekening:] Verreyken. |
|---|---|
| Afbeelding 1 | |