| Nummer:coe0079 | Datum: | Overlevering:Afschrift | Vindplaats:Arch. Coevorden, inv.nr. 0079 |
To gedencken so anno etcetera XLIX up dach sancti Andreae apostoli die Erntfeste
und frome Reinolt van Burmannia drost tzo Covorden und slan-
des van Drenthe etcetera heft eine apentlicke kerckensprake doen laten
dat die tsamplicken gezuaren meente -und gemene mente- der stadt van Covorden solden
des upgenanten dages tot einre ure byder mollen erschinen unde
vernemen wes hem van unserren upgemelten lieven drosten
solde voergeholden worden.
Wo dan doe ter tyt unversunrelicken geschil is.
Voer ersten gaven des drosten lieften voer der bezwarenisse
halven der Larewolders unde unsen mercken belangen, so dat sie na
averkompst hoger rade unde commissarien Keyserlicker Maje- steyt und des edelen
und walgebarren heren und graven to Benthem etcetera tegens uns
niet freden noch graven tgedencken dem selven metten besten
vor to komen und to beraetslagen.
Ock so hebben sine liefften vorgegheven van waterlossingen vorden
venen hen to maken die der mercke groet nutte unde profyt
inbrengen solde.
Voert jaerlix alle olde gewonlicke waterlossinge up to ruijmen
na older gewonten.
Sus meer van wegen to maken tusschen der Harenbruggen
und Tollbruggen met anderren dijcken etcetera.
Ock hebben sine lieffden vorgegheven van to geslagen lant inden
broke geschien byder Pothavesmaet welckes sine lieften van
schepen unde gezuarren meenten to gestaen voer ene summa
van penningen und ein beholp to doene daermet ene stene
strate tusschen beiden tolbruggen gemaket solt worden
desses maels buten bezuarenisse den gemenen borgerren
solde geschien.
Ock so beklaget sich die gemelte Erntfeste und lieve droste dat siner
lieffden van enen guden frunde geschreven sy, so dat meer als
die helffte van borgerren over sinen liefften geclaget met begeer-
ten dat nu ter stont ein ider daer doen solde die by siner liefften
verkortet und clagens van noden gewest ofte nach were.
Daer up hebben die samplicken borgerren doe ter tyt geantwort sie weten
nemants die buten landes geclaget, dan sie begeren aff to keren
und to samen inde kercke byden anderren to komen oer bezuerenisse
und nodige saken to averlegghen und des drosten liefften by
etlicke geschicten anden negest volgenden dage wederom
vorgeven laten.
Wo dan geschien.
Daer to die borgerren erwelet hebben dem erbarren und Ersamen
Johan Schidrach amptman etcetera Leffert vander Lippen, Cort
van Munster, Tyas Cock, Henrick Grauwert, Aloff Brou-
wer, Johan van Eede, Roloff Winols unde Berent Tolmeterg
die eines dels den drosten vorgedragen als navolgende:
Inden ersten metten Laerwolders und unser mercken belangende
des fredenshalven, daer inne die Laerwolders sumich gevon-
den den voerraem stellen die gemenen borgers an unsen
lieven drosten daer met die mercke in freden gestalt worde.
Inden tweden, als van waterlossyngen die der mercken nutticheit
und profyth in brengen muchten daer to willen sich die bor-
gerren willich inne vinden laten, wannet aver niet ver-
sumet und dorch die schepen den borgers na olde ge-
wonheit angesacht worde.
Inden derden van olde waterlossinge van wegen unde dycken to maken
wes den borgerren to done geboert sulx sinnen sie ock willich
wannet die schepenen to gelegenen tiden verwittingen laten.
Angaende den artikel des gravens inden broecke vanden schepenen
unde gesuaren meente geconsentert sulx sinnen die borgern des-
sesmals wal to freden unde begern uter mercken niet to gesta-
den to verhuren ofte to verkopen dan so het die noet ver-
vorderren wolrde na olden gebruick und usatien na to komen
unde to holden gelickes und na inholt des gegheven breves
van Bisschop Ffrederick van Blanckenhem lofflicker
gedachtenisse.
Vorder als van clagen der borgerren wo sulx solde geschien wesen
aver gaer niet gestendich, wyder als siner lieffden bewust dan
die gemenen borgerren bidden unde begegern dat des drosten
liefften sinen ossen heerde daer to wil laten holden in holden unde
driven, daermet dat broeck so gaer niet verdorven und van sinen
liefften besten under die voten worde getredenn van welcken
armoet sich die gemeente to erneren plegen, so doch alle borge-
ren unde inwonnerren sich des brokes miden moten bes to
gelegenen tiden by hogen penen unde broeken.
Vorder so mogen des drosten liefften einen dyck van siner bolden
aff hebben leggen laten bes dorch den Monnicken dijck tusschen welc-
ken dycke unde Wygerswolt noch ein groet stucke gemein
brokes gelegen, so dat der borger derhalven in driven, in
varen unde holden verkortet. Bidden derhalven ock
underdenichlicken den sulven dijck an etlicken einden to ver-
openen, somen baven unde beneden nergent wal hen kan
daer met die borgerren ores grundes tgeneten mogen hebben dat
schyr ofte morgens gene unterffenisse daer uuth errisen konde
welcks in die lenckte to versorgen stonde.
Vorder so die Koebrugge van oldes vor den borgerren unbeslaten
is gewest unde die borgers den Koe- ofte Pantdyck genomet
plichtich und schuldich to maken sinnen, so hebben die bor-
gern den selven alle tyt in waters noden ter noet und ock
sus gebruket aver die brugge by allen vorsten und heren tiden
unde ock by unserren allerren genadichgesten herren itzundes
Romser Keyserlicker Majesteit.
Avermaels met demodiger begeerten uw lieffden willen apeninge
der drifte denn borgerren in nodes tiden gunnen unde sus daer
met sie des vorscreven dyckes ock tgeneten muchten hebben.
Noch meer so wy stadtrechten unde olde usantien hebben by
welcken wy van oldes gepreviligeert ock by Keyserlicker Mayesteit nu
bevestiget unde geconfirmeert, denn na sinnen wy noch
ganslicken underdanichlicken bidden und begeren uw Lieven
willen uns by older gewonten unde statrechten hantha-
ven unde beholden daer met die borgemesters, Schepen
unde gesuaren meente, gemene meenten und kerckraet
na older gewonte gesath und gekoren muchten worden
daer van ein ider to geboerlicker rekenunge gestalt, wo
sich sulx van oldes geboert.
Desses nu in alles wo upgemelt sinnen die semplicken
borgern noch tom hogesten bidden und begern des
drosten liefften willen desse articulen tom besten annemen
unde verstaen unde den sulven so volle nakomen als mo-
gelicken. So die genanten articulen noch ter tyt unver-
claget up dat den borgerren schyr ofte morgen genes
clagens van noden muchte wesen welckes sie liever
verhudet segen.
und frome Reinolt van Burmannia drost tzo Covorden und slan-
des van Drenthe etcetera heft eine apentlicke kerckensprake doen laten
dat die tsamplicken gezuaren meente -und gemene mente- der stadt van Covorden solden
des upgenanten dages tot einre ure byder mollen erschinen unde
vernemen wes hem van unserren upgemelten lieven drosten
solde voergeholden worden.
Wo dan doe ter tyt unversunrelicken geschil is.
Voer ersten gaven des drosten lieften voer der bezwarenisse
halven der Larewolders unde unsen mercken belangen, so dat sie na
averkompst hoger rade unde commissarien Keyserlicker Maje- steyt und des edelen
und walgebarren heren und graven to Benthem etcetera tegens uns
niet freden noch graven tgedencken dem selven metten besten
vor to komen und to beraetslagen.
Ock so hebben sine liefften vorgegheven van waterlossingen vorden
venen hen to maken die der mercke groet nutte unde profyt
inbrengen solde.
Voert jaerlix alle olde gewonlicke waterlossinge up to ruijmen
na older gewonten.
Sus meer van wegen to maken tusschen der Harenbruggen
und Tollbruggen met anderren dijcken etcetera.
Ock hebben sine lieffden vorgegheven van to geslagen lant inden
broke geschien byder Pothavesmaet welckes sine lieften van
schepen unde gezuarren meenten to gestaen voer ene summa
van penningen und ein beholp to doene daermet ene stene
strate tusschen beiden tolbruggen gemaket solt worden
desses maels buten bezuarenisse den gemenen borgerren
solde geschien.
Ock so beklaget sich die gemelte Erntfeste und lieve droste dat siner
lieffden van enen guden frunde geschreven sy, so dat meer als
die helffte van borgerren over sinen liefften geclaget met begeer-
ten dat nu ter stont ein ider daer doen solde die by siner liefften
verkortet und clagens van noden gewest ofte nach were.
Daer up hebben die samplicken borgerren doe ter tyt geantwort sie weten
nemants die buten landes geclaget, dan sie begeren aff to keren
und to samen inde kercke byden anderren to komen oer bezuerenisse
und nodige saken to averlegghen und des drosten liefften by
etlicke geschicten anden negest volgenden dage wederom
vorgeven laten.
Wo dan geschien.
Daer to die borgerren erwelet hebben dem erbarren und Ersamen
Johan Schidrach amptman etcetera Leffert vander Lippen, Cort
van Munster, Tyas Cock, Henrick Grauwert, Aloff Brou-
wer, Johan van Eede, Roloff Winols unde Berent Tolmeterg
die eines dels den drosten vorgedragen als navolgende:
Inden ersten metten Laerwolders und unser mercken belangende
des fredenshalven, daer inne die Laerwolders sumich gevon-
den den voerraem stellen die gemenen borgers an unsen
lieven drosten daer met die mercke in freden gestalt worde.
Inden tweden, als van waterlossyngen die der mercken nutticheit
und profyth in brengen muchten daer to willen sich die bor-
gerren willich inne vinden laten, wannet aver niet ver-
sumet und dorch die schepen den borgers na olde ge-
wonheit angesacht worde.
Inden derden van olde waterlossinge van wegen unde dycken to maken
wes den borgerren to done geboert sulx sinnen sie ock willich
wannet die schepenen to gelegenen tiden verwittingen laten.
Angaende den artikel des gravens inden broecke vanden schepenen
unde gesuaren meente geconsentert sulx sinnen die borgern des-
sesmals wal to freden unde begern uter mercken niet to gesta-
den to verhuren ofte to verkopen dan so het die noet ver-
vorderren wolrde na olden gebruick und usatien na to komen
unde to holden gelickes und na inholt des gegheven breves
van Bisschop Ffrederick van Blanckenhem lofflicker
gedachtenisse.
Vorder als van clagen der borgerren wo sulx solde geschien wesen
aver gaer niet gestendich, wyder als siner lieffden bewust dan
die gemenen borgerren bidden unde begegern dat des drosten
liefften sinen ossen heerde daer to wil laten holden in holden unde
driven, daermet dat broeck so gaer niet verdorven und van sinen
liefften besten under die voten worde getredenn van welcken
armoet sich die gemeente to erneren plegen, so doch alle borge-
ren unde inwonnerren sich des brokes miden moten bes to
gelegenen tiden by hogen penen unde broeken.
Vorder so mogen des drosten liefften einen dyck van siner bolden
aff hebben leggen laten bes dorch den Monnicken dijck tusschen welc-
ken dycke unde Wygerswolt noch ein groet stucke gemein
brokes gelegen, so dat der borger derhalven in driven, in
varen unde holden verkortet. Bidden derhalven ock
underdenichlicken den sulven dijck an etlicken einden to ver-
openen, somen baven unde beneden nergent wal hen kan
daer met die borgerren ores grundes tgeneten mogen hebben dat
schyr ofte morgens gene unterffenisse daer uuth errisen konde
welcks in die lenckte to versorgen stonde.
Vorder so die Koebrugge van oldes vor den borgerren unbeslaten
is gewest unde die borgers den Koe- ofte Pantdyck genomet
plichtich und schuldich to maken sinnen, so hebben die bor-
gern den selven alle tyt in waters noden ter noet und ock
sus gebruket aver die brugge by allen vorsten und heren tiden
unde ock by unserren allerren genadichgesten herren itzundes
Romser Keyserlicker Majesteit.
Avermaels met demodiger begeerten uw lieffden willen apeninge
der drifte denn borgerren in nodes tiden gunnen unde sus daer
met sie des vorscreven dyckes ock tgeneten muchten hebben.
Noch meer so wy stadtrechten unde olde usantien hebben by
welcken wy van oldes gepreviligeert ock by Keyserlicker Mayesteit nu
bevestiget unde geconfirmeert, denn na sinnen wy noch
ganslicken underdanichlicken bidden und begeren uw Lieven
willen uns by older gewonten unde statrechten hantha-
ven unde beholden daer met die borgemesters, Schepen
unde gesuaren meente, gemene meenten und kerckraet
na older gewonte gesath und gekoren muchten worden
daer van ein ider to geboerlicker rekenunge gestalt, wo
sich sulx van oldes geboert.
Desses nu in alles wo upgemelt sinnen die semplicken
borgern noch tom hogesten bidden und begern des
drosten liefften willen desse articulen tom besten annemen
unde verstaen unde den sulven so volle nakomen als mo-
gelicken. So die genanten articulen noch ter tyt unver-
claget up dat den borgerren schyr ofte morgen genes
clagens van noden muchte wesen welckes sie liever
verhudet segen.
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 0079 |
| Jaar | 1549 |
| Datumcode | Andree |