Item, Ick Johan Cock hebbe ontfangen van
Henrijck van Worms twalff rijder gulden
den gulden to vierendetwintich stuvers brabants
Daer mede Johan van Schijdrich ende ick
gereijst nae Vollenhoe omme dije sup-
plicatie tegens die van Dalen overto
leveren om onsen g.h. stadtholder.
Item, ten Hardenberch affgesetten omme tijdinge
toe verhoeren een kanne bremer beer
laten tappen anderhalff stuver brabants.
Item, ter Arentshorst een spint haever ende
een quaerte koijten anderhalff stuver brabants.
Item, des nachtes toe Berckman verteert
viertijn stuver brabants mijt den voerman ende
peerde weijde een stuver to bellencijer.
Item, des anderen daeges binnen Zwolle den
scrijver gegeven drie witten van dije
supplicatie to copieren.
Item, tho Lucas Visschers hues ter herberge
gewest unde tijdinge gekregen dat
onse g.h. statholder van Vollenho vertogen
was unde itlycke guede luede bij onss
gecommen verteert een daler ende enen rijder.
Item, des nachtes ter Arentshorst verteert
dertijndehalff stuver brabants.
Item, Johan Knack gegeven voer syn voer-
loen dertich stuver brabants
Summa des uutgeven ffacit vijff
rijder gulden mijn twe stuver brabants .....
Item, den vierden Augusti van Henrick
van Worms ontfangen acht rijder gulden
den gulden tot vier ende twintich stuver brabants.
Item, daermede Leffert vander Lippe ende ick
gereyst van wegen der stadt nae
Vollenhoe.
Item, des nachtes ter Arentshorst mijt den
voerman, waegen ende peerde verteert
sestijn stuver brabants.
Des anderen daeges inde sluijs
verhoert dat onse g.h. vertoegen
was wederomme gekeert ende tot
Hasselt vertoevet omme dat dije peerde
vermoedet weren, verteert tot een
ontbijten acht stuver brabants unde als
wij wolden over vaeren ijs ons Lefferts
sonne gemoetet daer mede gedroncken
drie mengelen wijns ses stuvers brabants
ende vijff oert stuvers vant overvaren.
Item, tot Zwolle tot Lucas Visschers hues
onss mijt itlijcke ffrunde beraden
dat wy mester Geerde Oestendorp
toe gaste konde kommen soe ijs Leffers
broeder unde nichte unde zwegersche
bij onss gekomen unde Lefferde genodicht
wandt dan dye weert dair up
geret hadde, soe hebbe wij sie bij onss
geholden unde dye voerman een sceppel
haver voer tyn stuvers brabants summa noch
itlijcke gevrunde by onss gekommen
in alles verteert seven ende tsestich
stuver brabants ende drie witten.
Item, des anderen nachtes weder ter Arents-
horst mijt den voerman ende peerde
verteert viertyn stuver brabants.
Item, des middages ten Hardenberge ver-
teert vijfftyn stuver brabants.
Item, een angelot tot ere der stadt ghe-
schencket alsmen seggen sall unde
den dener vierdehalff stuver brabants.
Item, Johan Keijser dertich stuver brabants voer
sijn voerloen.
Item, tot Zwolle in Lucas Visschers stall
Henrijck van Worms gedaen een
croene een philippus gulden een rider een
keysers gulden ende vijfftenhalven
stuver brabants.

x

x

Archief	Drents Archief
Fonds	Arch. Coevorden
Toegangsnummer	116
Inventarisnr.	0196
Jaar	1562?
Deviatie	13

x

x

Materiaal	papier