Henricus, abt der ecclesia van St. Maria van Runen, somt op de goederen, door zijne abdij verkregen met bisschoppelijke bevestiging. En deelt later mede, dat hij deze lijst deed schrijven in 1181 en haar wijlen bisschop Baldewinus overgaf, toen deze zijne kloosterlingen te Gruninga op Cathedra Petri wijdde; dat deze de ecclesia toen bevestigde in het bezit dier goederen; - en dat wijlen bisschop Godefridus der abdij schonk een tiend bij de Reeste.

In nomine sancte et individue Trinitatis, amen. Religiosis filiis ecclesiarum, tum sub mona-
chatu tum sub clericatu veneranda professione philosophantibus, permaxime iocundum-
et notivum nosse, quantum proficui in commissis sibi cenobiis precedentes prelati satis labori-
bus conquisierunt, ut singulorum illorum memoria pro inpensis utilitatibus apud poste-
ros in suis locis pollens glorifice in evum permaneat. Ea de causa ego Henricus,-
divina misericordia abbas ecclesie Sancte Marie de Runen, insinuo omnibus tam presentibus
quam futuris nostri cenobii filiis, quantis terrarum prediis preter multiplicem in aliis speciebus
substanciam, cooperante michi fide precipua et eleganti industria, universo conventu meo
meis temporibus non meis meritis, immo favore Beate Dei Genitricis Marie, idem ceno-
bium, eidem Sacre Virgini attitulatum, amplificari sive locupletari feliciter. In quo
negocio, elongata prorsus a nostris precordiis mundane laudis ambicione prophana,
laudabili in augendo censu et decore domus Dei predia itaque vel a fidelibus
donata vel honesto commercio et impensa cenobiali a nobis conquisita, pontificali
quoque banno assignata perhenniter confirmata, speciatim infra inserendo propalamus.
In Devere Huniguhus predium octoginta marcis argenti comparatum. In Lede Balding-
hus sexaginta marcis. In Selewrt predium cx et vii mercis argenti coemptum. In Voln-
ho domus empta xx et vii libris monete Daventriensis. In Hes duas domos, quarum
una lxii 1/2 mercis argenti, altera lx libris Grunensium nummorum conquisita est.
Secus amnem qui Resta dicitur, duas domos, una sex libris Daventriensis monete emp-
ta est et [altera] undecim mercis argenti conparata est. In ipsa villa nostra, scilicet in
Runa, xi marcas argenti et xxx et viii libras Grunensis monete pro agris
comparandis persolvimus. Ghiselbertus, apud nos monachus factus cum con-
sensu uxoris sue Ghertrudis, vivus et sanus secundum morem Threntensem
publice in conventu populi dedit et confirmavit ecclesie nostre, quidquid in villa
Echtene habuit. Rothericus dedit domum unam in Lare. Emimus etiam domum
in Twingelo cum decima eiusdem domus et utilitate omnis generis. Anno ab incarnacione Domini
m^oc^olxxxi^o hanc cartam feci conscribi et domino Baldewino bone memorie Traiectensi episcopo optu-
li, eo tempore quum sanctimoniales ecclesie nostre in Gruninga in Cathedra Sancti Petri consecravit.
Ipso eciam die inter missarum sollempnia excommunicavit et anathematizavit omnes, qui domos
vel predia aut res aliquas ecclesie Beate Marie vel monachorum vel sanctimonialium in
villa, que vulgo Runa dicitur, sub regula Beati Benedicti Deo serviencium, auferrent vel alie-
narent. Presentibus hiis: Arnoldo, Sancti Lebuini in Daventria, Godefrido, Sancti Petri in
Traiecto prepositis, Remboldo, camerario Sancti Petri, Brunone Sancte Marie in Traiecto cano-
nicis, Lamberto de Peisge, Rodolfo de Gruninge, Ottone de Rune, Hermanno de
Polle, ministerialibus, et aliis quam pluribus. Dominus eciam Godefridus felicis memorie
Traiectensis ecclesie episcopus non parvo ante tempore decimam quandam ecclesie nostre iuxta amnem
que Reeste dicitur, contulit et excommunicatum denunciavit omnem hominem, qui domos supradictas
vel predia aliqua aut bona quelibet Runensis ecclesie auferre vel alienare presumpserit.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 10r
Regestnr.	5
Jaar	1180

x

x

x

Materiaal	perkament

x

Edities	O0039