Godefridus, rector der kerk in Beylen, verklaart uit de voor rechtsbrieven der St. Maria-abdij in Rune te hebben bevonden, dat haar tiend uit 2 huizen in het Holt behoort te worden genoten door den rector der, terbegeving van abt en convent staande, kerk in Beylen doch door dezen niet mag worden vervreemd.
Universis in Christo dilectis presentem paginam visuris et audituris Godefridus, ecclesie rector in Beylen, paratum ad omnia beneplacita famulatum. Cum ea, que sub tempore geruntur, propter memoriam hominis, que facilis est, cum tempore faciliter dilabuntur, nisi sub testimonio literarum fide dignorum firmiter roborentur, quod in privilegiis monasterii sancte Marie ordinis sancti Benedicti in Rune visis et a me perlectis super terris, possessionibus, pensionibus, decimis et rebus aliis, ad ipsos pleno jure spectantibus, conprobatum adinveni, inter que quidem privilegia decimam in Holt duarum domorum, spectantem ad ipsum conventum in Rune, repperii pleno jure licet ecclesie rector in Beylen, quam abbas et idem conventus conferre vel per suos officiare habent quamque de abbatis et conventus consensu ad suos receperit usus legitimos ad hoc racionibus et condicionibus assignatis et approbatis. Unde cum de preceptis redditibus nisi ipsis restitutis nullus in extremis liberari valet et salvari ipsam igitur decimam in Holte ipsi conventui consulente, hec sunt facta firmiter et ordinata ipsis ob hoc in monasterio ibidem manentibus, videlicet abbati et suis. In caucionem feci sufficientem presens scriptum sigillo dicti Johannis domicelli animo ad hoc satis deliberate communiri, et si suggestione contrarium fecimus dyabolica, ipso facto beneficio me privatum protestor et profiteer absolutum. Acta sunt hec in Rune in festo Cecilie virginis anno Domjni MCC nonagesimo secundo. Datum per copiam sub sigillis discretorum domini Johannis, curati ecclesie in Yhorst, Reynoldi de Claustro et Johannis dicti Sloet in testimonium veritatis c).
