Godevard van Echten schenkt, met goedvinden zijner dochter Amele, voor Johan ALFErSSone. schulte te Hasselt, aan het convent van Dickenijnghe en van Rune een pacht van l emmer boter uit zijn pachtgoed ter Hofstede bij de Reeste in het kerspel van Ywehorst, in gebruik vroeger bij Marquaerd Elle Bozensone en nu bij Laurens Guedesinghe; tot het houden van zielmissen voor zijn overleden vrouw Margrete en zijne vrouw Kunne, ghelikerwijs alsofte sie ore sustere ofte nonnen gheweest hadden, en voor henzelf. Met medebezegeling door den schulte.

a) Alien luden , die dessen brief solen sien ofte horen lesen , ic , Godevard van Echten , doe kundich ende kenlic , dat ic mit gueden voersiene , mit minen vryen willen ende mit onthen-ghensche Amelen , mijnre dochter, ende mijnre gherechter erfghenamen ghegheven hebbe ende gheve in rechten testamente den ghemenen convente van Dickenijnghe ende van Rune een emmer boter ende elkes jaers op te boren in mynen pachtguede ter Hofstede by der Reesten in den kerspel van Ywehorst, daer Marquaerd, Elle Bozen sone, up te wonen plach ende nu Laurens Guedesinghe tobehoert. Ende dese boter voers. sal men den convente van Dickenijnghe ende van Rune voers. bitalen alle jaer op sunte Johannesdach to Middesomer in alsulken manieren , als hierna bescreven staet; dat is to verstane, dat die convente voers. eweliken ghedenken solen Margreten mijns wyves siele, die God hebben moet, mijns selves siel ende Kunnen mijns wives siele, die ic nu hebbe, ende mijnre gherechter erfghenamen. Ende Margereten ende Kunnen siel vernomt sal men jaerlix begaen in de convente van Dickenijnghe ende van Rune , ghelikerwijs alsofte sie ore sustere ofte nonnen gheweest hadden. Ende desse botere voerscreven heb ic upghedraghen in den hagheden heymale voer Johan Alfers sone, schulte tot Hasselt, ende voer anders vele gueder lude den convente van Dickenijnghe ende van Rune vornomt. Ende omdat ic , Godevaert van Echten voernoemt , wil , dat dit vast ende stede sy ende wal gheholden werde van my ende van minen rechten erfghenamen , soe heb ic dessen brief beseghelt myt minen seghele. Ende om die meerre vestenisse soe hebbe ic ghebeden Johan Alfers sone, schulte to Hasselt voers., dat hy dessen brief mijt my beseghelen wille. Ende ic , Johan Alfers sone voerscreven , hebbe om bede willen Godevaerdes voerscreven dessen brief beseghelt als rechter mit minen seghel tot enen waren tughe deser dinghe voers. Ghegheven int jaer ons Heren MCCC zeven ende vijftich des Sonnendaghes na onser Vrouwendach te Lichmissen.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 32v
Regestnr.	58
Jaar	1357
Datumcode	DpPurMar

x

x

Materiaal	perkament

x

Edities	O0450