| Nummer:dik073 | Datum:25 april 1367 | Overlevering:Origineel | Vindplaats:Arch. Abdij Dikninge, inv.nr. 44, reg. 73 |
Henric Pollemans en Rolof Pollemans beloven de abdij van Dickeninghe te zullen vrijwaren in het rustig bezit van Nysinghe-goed te Halen en eene rente van 10 mudden winterrogge Groninger maat uit Oestebringhe-goed te Halen, door haar gekocht van Vde zoon van Gherd Hoptaet.
Wi, Henric Pollemans ende Rolof Pollemans, doen kont ende kenlic alien luden, die desen brief solen zien
ofte horen lesen, dat wi vor ons selven ende vor onse gherechte
erfnamen ghelovet hebben ende loven
met desen tgheghenwordighen brieve den abte ende den ghemenen convente van Dickeninghe Nysinghegoed tot Halen met alle sinen toebehoren, also als die abt ende convent vornomt ghecoft hebben tgheghen Uden Gherdessone Hoptaets, te waren als een vry goed van alien commer ende van alrehande antalen to rechten Drentheschen lantrechte. Voerd kenne wi, Henric ende Roelf vors., dat wi ghelovet hebben ende loven in desen brieve den abt ende den conveate vors. te waren ende te vryen tien mudde winterrogghen Groningh mate, die gheleghen siin over Oestebringhegoed toe Halen, die de abt ende dat convent van Dickeninghe vors. ghecoft hebben tgheghen den vornomden Uden Gherdessone, sender arghelist. Ende waert dat die abt ende dat convent vornomt enighen scaden hierbi nemen, den solde wi em verbetern alinghe bi onser trouwen ende sekerheit. In orkonde deser dinghe vorscreven so hebbe wi, Henric ende Roelf Pollemans vornomt, desen brief beseghelt met onsen seghelen. Ghegheven int jaer ons Heren MCCC zeven ende tsestich op sunte Marcus dach ewangelist.
ofte horen lesen, dat wi vor ons selven ende vor onse gherechte
erfnamen ghelovet hebben ende loven
met desen tgheghenwordighen brieve den abte ende den ghemenen convente van Dickeninghe Nysinghegoed tot Halen met alle sinen toebehoren, also als die abt ende convent vornomt ghecoft hebben tgheghen Uden Gherdessone Hoptaets, te waren als een vry goed van alien commer ende van alrehande antalen to rechten Drentheschen lantrechte. Voerd kenne wi, Henric ende Roelf vors., dat wi ghelovet hebben ende loven in desen brieve den abt ende den conveate vors. te waren ende te vryen tien mudde winterrogghen Groningh mate, die gheleghen siin over Oestebringhegoed toe Halen, die de abt ende dat convent van Dickeninghe vors. ghecoft hebben tgheghen den vornomden Uden Gherdessone, sender arghelist. Ende waert dat die abt ende dat convent vornomt enighen scaden hierbi nemen, den solde wi em verbetern alinghe bi onser trouwen ende sekerheit. In orkonde deser dinghe vorscreven so hebbe wi, Henric ende Roelf Pollemans vornomt, desen brief beseghelt met onsen seghelen. Ghegheven int jaer ons Heren MCCC zeven ende tsestich op sunte Marcus dach ewangelist.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 44 |
| Regestnr. | 73 |
| Jaar | 1367 |
| Datumcode | Marci |