| Nummer:fae045 | Datum: | Overlevering:Afschrift | Vindplaats:F.A. Van Ewsum, inv.nr. 0247, reg. 045 |
Wy borghermeystere ende raed in Groeninghen bytughen
myt dussen openen breve dat voer ons synt gheco-
men die Erzame heer Jullo provest to Uskqwart
cureet to Bedum, Lyuwart Schultynge, Remko Rutens
ende Dodo Reynkens alze vulmechtighe zoenslude
in der schelinge die verresen was van den reedschy-
pe ten Buren samentlyke bekennende dat sie ene
uutsprake hebben ghedaen welke Lyuwart Schultin-
gha, Wibbolt Lewe, Johan Rengers ten Poster van zijnre
broedere weghen mede Claes van Ballen, Johan Rengers
Schafferszon, Gheert Roltman ende Galeko myt malkan-
deren hebben stede vast ende onvorbroken anghenomen
toe ewyghen daghen to hoelden in dusdaner maneren
In den iaer van LIII zynt dar ghemaket nije clowe
breven van den reedschipe in den vierendeel in maneren
beschreven soe dat daer in den iaer van LI doe Johan Ren-
ghers ten Poster aldaer reedge was ende daer na
in den iaere van LII doe Wigbolt Lewe reedge was al
daer ende noch in den iaere van LIII vorgenoemd ene werve
anderwerve derde werve ys spreken laten over die
kercken in den reedschipe ende noch vaker ghekun-
dighet uut den recht daghe ende den rekenluden be-
volen dat sie dat oeck elck in hoeren clofft solden
kundighen ende weten doen dat alle die ghene die syck
vermoedden recht to hebben to den voergenoemde reedschipe
solden komen ende laten schryven eere heerden daer men
nyghen dach omme gheholden is. Item, doe elck die sy
ne hadde beschriven laten, doe woert begrepen dat
een yewelick solde komen myt synen besten bewyse die heer
den edel to maken die hie hadde beschriven laten soe dat
sie daer nycht wal eens en mochten men sie overdroghen
eenpaertliken dat ze daer to rameden die vier zoenslu-
den voergenoemd daer sie clackeloes wolden by blyven wat
sie rameden van den voergenoemde reedschipe ende wat heerden
edel offt onedel solden wesen sonder wederseggen an tone
men ende to holden to ewighen daghen. Alzoe hebbet die vier
zoensluden voergenoemd mannyghen dach daer omme helden
ende tughe ende tuychnysse verstaen van den voergenoemde reed
schipe. Ende synt verdraghen dat dat voerscreven reedschip
sal omme gaen uut der noerder clawen daert nu tertijt
ynne is in die zuder clawe. Ende van der zuder clowe in
die myddelste clowe. Ende uut der myddelster clawen we-
der in die noerder clowe. Ende soe voert omme van heert
to heerden als hijr na beschreven steet in elker clowe.
Item, in die zuder clawe van boven dele Oelde Luynge
heert. Item, nije Luynge heert. Item, Vrow Hyssemaheert
in die Bawert daer Renghersma kyndere van den poste
dat recht van to hoert. Item, Snelghersma heert die Ga-
leko to hoert. Item, Claes van Ballen heert. Item, Gelmers
maheert Ende noch twe heerden dat convente to Den
Buren d.. nycht yechte ghewiset synt men sie synt
ghewyset op recht Ende des ghelikes Lyuwert Schul-
tinghe heert ende Johannes Saxema heert. Ende Sybelema
heert ende Remko Rutersheerd ende Haykama heert
Ende Bewesma heerde twee desse synt oeck op recht
ghewyset wat sie wynnen konnen. Item, desse synt weder
yechte Koyma heert Schaffers volck. Item, Bosen heert.
Item, Bewesma een heert. Item, in die myddelste clowe
Schullerts heerde die Rengersma kynderen van den Poste
to hoert. Item, Luynghe heert to Stederwolde. Item, Robbe lingen
heert ende Gherbrans heert. Ende jonge Iohans heert die
hoeren Ewesma to. Item, Tackenborch heert ende Schulten heert
hoert Gheerd Roltmans to. Item, Dyakema heert Schaffers
volck. Item, alle Rengersma heert. Item, Melckema heert
Schaffers volck. Item, Alle Rengersma heert. Item, dusse na
beschreven heerden synt op recht bewyset Ewesma
heert daer Claes Starke op woende. Item, Teyburgher heert
Item, in die noerder clowe Ywe Hyddema heert. Item, Lyuwer
da heert. Item, Syarde heert. Item, Frowema heert dat Lyuwert
Schultingha hefft an ghesproken. Ende Meelsma heert
oeck. Item, Moder Lyawens heert to Lutteke Wolde. Item,
Vredens heerd aldaer. Item, Johan Foppens twee heerde.
Item, Derck Feckens ene heert hoert Ewesma to. Item, Emyn
ge heert. Item, Rebben heert Eppo Herama to. Ende noch dar
van anders vier heerde synt op recht ghewyset des ghe-
likes dre heerde van Lutteke Adewert ende een heert die
hoert Oden to Dyke to ende Onsta gheheten Meentheda
heert. Item, wie desse onyechte heerden die op recht ghe-
wyset synt nycht edel en maket voer den redgen bynnen
dat aier na datum desses breeffs na des redgen entken-
ninge ende na lantrechte die sal daarna tot ewighen da-
ghen daer van uutghewyset wesen. Ende offt daer yenighe
schelynge in toekomenden tyden tusschen yemande vanden
yechten edelen heerden velle dat solde die abbt to Den Buren
myt den meesten deel vander clufft daer id van anghespro ken
worde scheyden ende endighen na inholt desses clawen breeffs.
In orkunde hebbe wy onsen stad secreet hijr anghe-
hangen. Ghegeven in den iaer ons heren dusent vierhundert
vier unde vijfftich des vryfdaghes voer annunciationis Marie virginis.
Item, int jaer van XXVIII hebben die van ewsum besweren
laten ende geholden van Tuyborger hert to Germarwolde
Int jaer van XXIX beswoer Peter Onste dat recht
ten Buren van Oetyen Rengers wegen ende Wyert we-
gen dat vel op Vredensheert by Lutkewolde de hert
-heft- Ode to Dyke gegeven to sante Peters vryknye (sic) to Beum.
myt dussen openen breve dat voer ons synt gheco-
men die Erzame heer Jullo provest to Uskqwart
cureet to Bedum, Lyuwart Schultynge, Remko Rutens
ende Dodo Reynkens alze vulmechtighe zoenslude
in der schelinge die verresen was van den reedschy-
pe ten Buren samentlyke bekennende dat sie ene
uutsprake hebben ghedaen welke Lyuwart Schultin-
gha, Wibbolt Lewe, Johan Rengers ten Poster van zijnre
broedere weghen mede Claes van Ballen, Johan Rengers
Schafferszon, Gheert Roltman ende Galeko myt malkan-
deren hebben stede vast ende onvorbroken anghenomen
toe ewyghen daghen to hoelden in dusdaner maneren
In den iaer van LIII zynt dar ghemaket nije clowe
breven van den reedschipe in den vierendeel in maneren
beschreven soe dat daer in den iaer van LI doe Johan Ren-
ghers ten Poster aldaer reedge was ende daer na
in den iaere van LII doe Wigbolt Lewe reedge was al
daer ende noch in den iaere van LIII vorgenoemd ene werve
anderwerve derde werve ys spreken laten over die
kercken in den reedschipe ende noch vaker ghekun-
dighet uut den recht daghe ende den rekenluden be-
volen dat sie dat oeck elck in hoeren clofft solden
kundighen ende weten doen dat alle die ghene die syck
vermoedden recht to hebben to den voergenoemde reedschipe
solden komen ende laten schryven eere heerden daer men
nyghen dach omme gheholden is. Item, doe elck die sy
ne hadde beschriven laten, doe woert begrepen dat
een yewelick solde komen myt synen besten bewyse die heer
den edel to maken die hie hadde beschriven laten soe dat
sie daer nycht wal eens en mochten men sie overdroghen
eenpaertliken dat ze daer to rameden die vier zoenslu-
den voergenoemd daer sie clackeloes wolden by blyven wat
sie rameden van den voergenoemde reedschipe ende wat heerden
edel offt onedel solden wesen sonder wederseggen an tone
men ende to holden to ewighen daghen. Alzoe hebbet die vier
zoensluden voergenoemd mannyghen dach daer omme helden
ende tughe ende tuychnysse verstaen van den voergenoemde reed
schipe. Ende synt verdraghen dat dat voerscreven reedschip
sal omme gaen uut der noerder clawen daert nu tertijt
ynne is in die zuder clawe. Ende van der zuder clowe in
die myddelste clowe. Ende uut der myddelster clawen we-
der in die noerder clowe. Ende soe voert omme van heert
to heerden als hijr na beschreven steet in elker clowe.
Item, in die zuder clawe van boven dele Oelde Luynge
heert. Item, nije Luynge heert. Item, Vrow Hyssemaheert
in die Bawert daer Renghersma kyndere van den poste
dat recht van to hoert. Item, Snelghersma heert die Ga-
leko to hoert. Item, Claes van Ballen heert. Item, Gelmers
maheert Ende noch twe heerden dat convente to Den
Buren d.. nycht yechte ghewiset synt men sie synt
ghewyset op recht Ende des ghelikes Lyuwert Schul-
tinghe heert ende Johannes Saxema heert. Ende Sybelema
heert ende Remko Rutersheerd ende Haykama heert
Ende Bewesma heerde twee desse synt oeck op recht
ghewyset wat sie wynnen konnen. Item, desse synt weder
yechte Koyma heert Schaffers volck. Item, Bosen heert.
Item, Bewesma een heert. Item, in die myddelste clowe
Schullerts heerde die Rengersma kynderen van den Poste
to hoert. Item, Luynghe heert to Stederwolde. Item, Robbe lingen
heert ende Gherbrans heert. Ende jonge Iohans heert die
hoeren Ewesma to. Item, Tackenborch heert ende Schulten heert
hoert Gheerd Roltmans to. Item, Dyakema heert Schaffers
volck. Item, alle Rengersma heert. Item, Melckema heert
Schaffers volck. Item, Alle Rengersma heert. Item, dusse na
beschreven heerden synt op recht bewyset Ewesma
heert daer Claes Starke op woende. Item, Teyburgher heert
Item, in die noerder clowe Ywe Hyddema heert. Item, Lyuwer
da heert. Item, Syarde heert. Item, Frowema heert dat Lyuwert
Schultingha hefft an ghesproken. Ende Meelsma heert
oeck. Item, Moder Lyawens heert to Lutteke Wolde. Item,
Vredens heerd aldaer. Item, Johan Foppens twee heerde.
Item, Derck Feckens ene heert hoert Ewesma to. Item, Emyn
ge heert. Item, Rebben heert Eppo Herama to. Ende noch dar
van anders vier heerde synt op recht ghewyset des ghe-
likes dre heerde van Lutteke Adewert ende een heert die
hoert Oden to Dyke to ende Onsta gheheten Meentheda
heert. Item, wie desse onyechte heerden die op recht ghe-
wyset synt nycht edel en maket voer den redgen bynnen
dat aier na datum desses breeffs na des redgen entken-
ninge ende na lantrechte die sal daarna tot ewighen da-
ghen daer van uutghewyset wesen. Ende offt daer yenighe
schelynge in toekomenden tyden tusschen yemande vanden
yechten edelen heerden velle dat solde die abbt to Den Buren
myt den meesten deel vander clufft daer id van anghespro ken
worde scheyden ende endighen na inholt desses clawen breeffs.
In orkunde hebbe wy onsen stad secreet hijr anghe-
hangen. Ghegeven in den iaer ons heren dusent vierhundert
vier unde vijfftich des vryfdaghes voer annunciationis Marie virginis.
Item, int jaer van XXVIII hebben die van ewsum besweren
laten ende geholden van Tuyborger hert to Germarwolde
Int jaer van XXIX beswoer Peter Onste dat recht
ten Buren van Oetyen Rengers wegen ende Wyert we-
gen dat vel op Vredensheert by Lutkewolde de hert
-heft- Ode to Dyke gegeven to sante Peters vryknye (sic) to Beum.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0247 |
| Regestnr. | 045 |
| Jaar | 1454 |
| Datumcode | VaAnnMar |