| Nummer:fae115 | Datum: | Overlevering:Afschrift | Vindplaats:F.A. Van Ewsum, inv.nr. 0058, reg. 115 |
In demen name unnde der eren gods amen. In demen yaer onses heren dusent vyffhondert unnde negen dess maendages
na alle godes hylligen yn demen cloester Selwerth ys gera- met gededynget ennde gesloten ene hyllige echte offte
hyllyck myt Rade unnde wylle der frunden Tusschen dem Erbaren unnde ductygen junge mester Hycke
van Doernum unde Wytmunden ha..o eens unnde der Erbaeren unnde walduchtygen Joncfrouwen Adden van
Ewszum anderdeels in forme unnde manere nabescreven. In den eersten so heft de Erbare walduchtyge ennde
hoechgeleerde de olde mester Hycke van Doernum ennde Wyt- munden hoefftlinck provest tho Embden etc. synen vedderen
ofte neve Jonge mester Hycken vorscreven in hylykes vorwarden mede gegeven gelovet ende togesacht na synen
ennde synre huesfrouwen Ymelen doede de Norderborch nu ter tyt van den olden Mester Hycken thoe
Doernum bewoent myt alle syne Rechtycheit aczys toll heerlycheyt arve ennde lant daer tho gebrucket
wort gelt golt gemuntet ennde ongemuntet gescheer huesrescap replyck ennde onreplyck myt den
voerwarcken ennde boemgaerden in aller maten so dat van den sulven mester Hycken ende Ymelen syner
huesfrouwen vorscreven gebrucket wort ennde nagelaten sal worden neet daer van uuuthgenomen myt allen
ander verbeteryngen sall komen ennde ten ewyge dagen sall blyven tho dess jongen Mester Hycken unnde
synen arven behoeff ennde dat buten yemants inseggen Doch beholden den sulven olden Mester Hyc-
ken synen vryen wyllen een testament tho maken ennde daer inne omme godes wyllen ofte anders
na synen guetdunckent wes tho beschycken Daer tho hevet de olde Mester Hycken synen neven offte
vedderen de jonge Mester Hycken in hylyx vorwarden mede gegeven ennde tho gestaen vry quyt uuuth
der hant alle syne tho gekofte lande husen ennde arven dye hye nu hevet ofte in to komende tyden
tho kopen mach hoe ende waer dye gelegen synt ghene daer van uuthgenomen erfflyck ennde
ewelyck de tho gebrucken ennde tho besytten ennde dess wanneer dye Erbare Juffer Adde beslapen
ys van synen neven wyll hye vertychnysse doen ennde dussen breeff vertychnysse doet hyr en tegen
ys belevet dat dess jongen mester Hycken broderen een sall beholden de Westerborch tho Doernum
daer dye jonge Mester Hycke op geboren ys myt syn tho behoer als daer tho gebruket wort
beholden doch de jongen Mester Hycken in anderen Renthen ennde guederen syn broderlycke anpart
ennde insprake Ennde so dan de olde Mester Hycke myt syner huesfrouwen Ymele vorscreven noch na
dem wylle godes wall een tytlanck mochte leven ys daeromme bededynget unnde belevet dat dye
jonge Mester Hycke vorscreven myt der walduchtyger jonfrouwen Adden synre thokomende huesfrouwen
vorscreven sall wonen mogen tot synen wyllen tho Poetkum went tot den aveganck dess olden Mester
Hyckens ennde syner huesfrouwen vorscreven unnde aldaer dye halve renthen to der borch vorscr. horende
vry brucken ennde besytten myt allen anderen halven vervall unnde heerlyckheyt beholden doch den
jongen mester Hycken syn broderlycke anpart ennde ansprake op syn vaderlycke ennde moderlycke arve
renthe ennde gudere so vole hem daer tho boren ennde ankomen mach Ennde na affganck dess olden Mester
Hycken ennde syner huesfrouwen vorscreven sall de jonge Mester Hycke myt syner to komender huesfrouwen
vorscreven van stonden an mogen antasten ennde annemen de wonynge tho Doernum vorscreven in allen maten
ende maneren so als daer voer van gescreven ys Ennde van den anderen guderen ende Renthen syck myt
synen broderen als broderlycke truwe ende leve behoert guetlyck verlycken Hyr en kegen wyll
ennde sall dye frome ennde ductyge Joncker Wygbolt van Ewszum syn leve suster Junffer
Adden vorscreven myt clederen clennoden syck na demen stamm gehoert wall gesyrt na synen ankomen
leveren ennde daer tho voer een bruetschat mede geven ene guetlyck bewyssen so voele arve ennde
gudere dye jaerlyx vyffenndetsoventych golden gulden twe horensgen voer den gulden gerekent tho hure
doen mogen erfflyck ennde ewelyck tho gebrucken ennde tho besytten Daer oeck de sulve junffer Adde
syn leve suster vorscreven mede tho vreden sall wesen van joncker Wygbolts hoers leven broders
ennde synen arffgenamen wegen Voert yst oeck mede allenthalven belevet weert sake (dat god verbode) dat
yenych van dussen beyden als Mester Hycke ende juffer Adde vorscreven sonder rechtlycke lyves
arve varstorven sollen de guderen weder vallen dye se tho hope gebracht hebben reppelyck unnde
onreppelyck van den beyden zyden daer sye heer gekomen synt unnde alle tho gekofte ennde togewonnen
gudere tylbar gudere sulver ennde golt gemuntet ennde ongemuntet sollen wesen unnde blyven halff
ennde halff Doch ysset Jonfer Adde dat lancxte lyff holt ennde dye beyde geen arven thoe
hope wynnen sall alsdan Junfer Adde allene voer syck holden unnde hebben alle dye inguderen
als stoele bancken kussen ennde bedden myt hoer tho behoer so sye tho hope veroveren by
horen beyden tyden ane jemanden inseggen ennde in allen gevalle sall de jonge Mester Hycke
vorscreven syne cledere harnss ennde clenoden tho synen lyve ennde syn ryeetpeert ennde Juffer Adde
hoer cledere unnde clennoden tot horen lyve tho voer uuth hebben. Worven sye oeck beyde
rechtlycke lynes arves unnde dye kynderen na enych ofte beyde der olderen sonder rechtlycke
ofte wytlycke geboerte voert an verstorven sollen alsdan alle de gudere arven ende vallen
an dye zyt daer sye heer gekomen synt beholden den olderen dye dan langest in dem
lyve blyven oer lyfftucht nabescreven Als off de sulve walduchtygen Junfer Adde Mester
Hycke hoer tokomenden huesheren verleve sall sye jarlyx tho horen lyve hebben ennde
beholden uuth Mester Hycken vorscreven gudere hondert Rynsgulden twe horensgen voer den gulden
gerekent jaerlyker lyffrenthen ennde daer tho de vrye gebruckynge des voergenoemden olden
Mester Hycken huess so dat in Embden gelegen ys myt syner inguderen so vole dess Mester
Hycken tho komen tho horen lyve ennde nycht langer. Weert oeck de jonge Mester Hycke
vorscreven syn leve tho komende huesfrouwen vorscreven vorlevede sall he bylyfftuchtet wesen uuuth
horen guderen myt vyftych Rynsgulden vorscreven paymentes Ennde we dat lanxte van den beyden
vorscreven na den wyllen gods levede dye sall in den alyngen nagelatene gudere vry ennde
ongemoyet blyven sytten went ter tyt dat de lyfftucht tho dess levendygen redelyke wall
genogen uuthgewyset versekert ende bewysset ys Allent in allen artyculen vorscreven sonder
jenoch argelyst ennde nye vonde. Dess aller tot een Orkondt hebben wy Hycke de olde tho
Doernum uummde Wytmunden hofftling provest etc. ennde Wygbolt tho Ewszum Jonckher ennde hoftlinck
vorscreven unsen zegelen voer onss ennde onse arven wytlyken an dussen breeff doen hangen Ennde
omme de merer vestenysse wyllen hebben wy parten vorscreven gebeden Dem Edelen uunnde
walgeboren heren heren Edzardt grave tho Oestfreeslandth etc. syn g. desse hylykes
vorwarden wyll mede bezegelen ennde uuth macht syner gnaden overheyt voer hem ennde
synen g. arven confirmeren ennde bevestygen dat wy Edzardt grave tho Oestfreeslandt etc.
vorscreven dorch beden der parten vorscreven om dusse hylykes vorwarden vorscreven in allen uunnde
ytlycken eren puntten so tho bevestygen geerne gedaen hebben ennde voer onss ennde onsen
arven uuth onsen heerscuppyen ennde overheyt gerechtelycke confirmeert ennde bestedyget
hebben se crachtelyken to wesen ennde tho blyven ennde daeromme wytlyke onse zegell hyr
an hebben doen hangen Ennde wy Egbertus by der lydzamheit godes abbeth tho Thedyngen
Wylhelmus Frederici in der vryen kunsten ennde medicynen doctoer persoen der personaetscup
ennde pastoer der karcken sunt Meerten in Gronyngen Doko Gronyngensis in beyden Rechten
doctoer ennde pastoer der kercken tho Myddelstum als desse vorscreven hylykes vorwarden
dedynges heren want wy de vorscreven vorwarden all so wo vorscreven ys gededyget hebben Soe
hebben wy doer beden der sulven parten vorscreven unsen zegelen wytlycke beneden an
dussen breeff doen hangen dye gegeven ys dess mandages na alle godes hyllygen Anno
vyfftynhondert ennde negen.
Auschultata et collationata est hec presens copia per me Ubbonem Manslacht
sacra auctoritate apostolica notarium publicum clericum monasteriensis Diocesis et concordat cum suo vero
originali de verbo ad verbum nihil mutando addendo aut minuendo quod senszum
mutet aut variet intellectum quod protestor mee proprie manus scriptura
M. Hercules deposuit medio suo iuramento hanc esse ipsam copiam quam capitaneus Rodolphus Ewszum
pie memorie iudicialiter et decreto comitis Edszardi felicis recordationis tunc tempus videlicet Anno 25
consequutum est et capitaneus Hycke de Dornum tradere hanc ipsam partem copiam coactus fuit Quod
ita est dominus deponens coram me Gotfrido Ludolpho ecclesiastice iurisdictionis commissario in veritate
et sub iuramentuo attestatus est.
Gotfridus Ludolphi subscripsit.
na alle godes hylligen yn demen cloester Selwerth ys gera- met gededynget ennde gesloten ene hyllige echte offte
hyllyck myt Rade unnde wylle der frunden Tusschen dem Erbaren unnde ductygen junge mester Hycke
van Doernum unde Wytmunden ha..o eens unnde der Erbaeren unnde walduchtygen Joncfrouwen Adden van
Ewszum anderdeels in forme unnde manere nabescreven. In den eersten so heft de Erbare walduchtyge ennde
hoechgeleerde de olde mester Hycke van Doernum ennde Wyt- munden hoefftlinck provest tho Embden etc. synen vedderen
ofte neve Jonge mester Hycken vorscreven in hylykes vorwarden mede gegeven gelovet ende togesacht na synen
ennde synre huesfrouwen Ymelen doede de Norderborch nu ter tyt van den olden Mester Hycken thoe
Doernum bewoent myt alle syne Rechtycheit aczys toll heerlycheyt arve ennde lant daer tho gebrucket
wort gelt golt gemuntet ennde ongemuntet gescheer huesrescap replyck ennde onreplyck myt den
voerwarcken ennde boemgaerden in aller maten so dat van den sulven mester Hycken ende Ymelen syner
huesfrouwen vorscreven gebrucket wort ennde nagelaten sal worden neet daer van uuuthgenomen myt allen
ander verbeteryngen sall komen ennde ten ewyge dagen sall blyven tho dess jongen Mester Hycken unnde
synen arven behoeff ennde dat buten yemants inseggen Doch beholden den sulven olden Mester Hyc-
ken synen vryen wyllen een testament tho maken ennde daer inne omme godes wyllen ofte anders
na synen guetdunckent wes tho beschycken Daer tho hevet de olde Mester Hycken synen neven offte
vedderen de jonge Mester Hycken in hylyx vorwarden mede gegeven ennde tho gestaen vry quyt uuuth
der hant alle syne tho gekofte lande husen ennde arven dye hye nu hevet ofte in to komende tyden
tho kopen mach hoe ende waer dye gelegen synt ghene daer van uuthgenomen erfflyck ennde
ewelyck de tho gebrucken ennde tho besytten ennde dess wanneer dye Erbare Juffer Adde beslapen
ys van synen neven wyll hye vertychnysse doen ennde dussen breeff vertychnysse doet hyr en tegen
ys belevet dat dess jongen mester Hycken broderen een sall beholden de Westerborch tho Doernum
daer dye jonge Mester Hycke op geboren ys myt syn tho behoer als daer tho gebruket wort
beholden doch de jongen Mester Hycken in anderen Renthen ennde guederen syn broderlycke anpart
ennde insprake Ennde so dan de olde Mester Hycke myt syner huesfrouwen Ymele vorscreven noch na
dem wylle godes wall een tytlanck mochte leven ys daeromme bededynget unnde belevet dat dye
jonge Mester Hycke vorscreven myt der walduchtyger jonfrouwen Adden synre thokomende huesfrouwen
vorscreven sall wonen mogen tot synen wyllen tho Poetkum went tot den aveganck dess olden Mester
Hyckens ennde syner huesfrouwen vorscreven unnde aldaer dye halve renthen to der borch vorscr. horende
vry brucken ennde besytten myt allen anderen halven vervall unnde heerlyckheyt beholden doch den
jongen mester Hycken syn broderlycke anpart ennde ansprake op syn vaderlycke ennde moderlycke arve
renthe ennde gudere so vole hem daer tho boren ennde ankomen mach Ennde na affganck dess olden Mester
Hycken ennde syner huesfrouwen vorscreven sall de jonge Mester Hycke myt syner to komender huesfrouwen
vorscreven van stonden an mogen antasten ennde annemen de wonynge tho Doernum vorscreven in allen maten
ende maneren so als daer voer van gescreven ys Ennde van den anderen guderen ende Renthen syck myt
synen broderen als broderlycke truwe ende leve behoert guetlyck verlycken Hyr en kegen wyll
ennde sall dye frome ennde ductyge Joncker Wygbolt van Ewszum syn leve suster Junffer
Adden vorscreven myt clederen clennoden syck na demen stamm gehoert wall gesyrt na synen ankomen
leveren ennde daer tho voer een bruetschat mede geven ene guetlyck bewyssen so voele arve ennde
gudere dye jaerlyx vyffenndetsoventych golden gulden twe horensgen voer den gulden gerekent tho hure
doen mogen erfflyck ennde ewelyck tho gebrucken ennde tho besytten Daer oeck de sulve junffer Adde
syn leve suster vorscreven mede tho vreden sall wesen van joncker Wygbolts hoers leven broders
ennde synen arffgenamen wegen Voert yst oeck mede allenthalven belevet weert sake (dat god verbode) dat
yenych van dussen beyden als Mester Hycke ende juffer Adde vorscreven sonder rechtlycke lyves
arve varstorven sollen de guderen weder vallen dye se tho hope gebracht hebben reppelyck unnde
onreppelyck van den beyden zyden daer sye heer gekomen synt unnde alle tho gekofte ennde togewonnen
gudere tylbar gudere sulver ennde golt gemuntet ennde ongemuntet sollen wesen unnde blyven halff
ennde halff Doch ysset Jonfer Adde dat lancxte lyff holt ennde dye beyde geen arven thoe
hope wynnen sall alsdan Junfer Adde allene voer syck holden unnde hebben alle dye inguderen
als stoele bancken kussen ennde bedden myt hoer tho behoer so sye tho hope veroveren by
horen beyden tyden ane jemanden inseggen ennde in allen gevalle sall de jonge Mester Hycke
vorscreven syne cledere harnss ennde clenoden tho synen lyve ennde syn ryeetpeert ennde Juffer Adde
hoer cledere unnde clennoden tot horen lyve tho voer uuth hebben. Worven sye oeck beyde
rechtlycke lynes arves unnde dye kynderen na enych ofte beyde der olderen sonder rechtlycke
ofte wytlycke geboerte voert an verstorven sollen alsdan alle de gudere arven ende vallen
an dye zyt daer sye heer gekomen synt beholden den olderen dye dan langest in dem
lyve blyven oer lyfftucht nabescreven Als off de sulve walduchtygen Junfer Adde Mester
Hycke hoer tokomenden huesheren verleve sall sye jarlyx tho horen lyve hebben ennde
beholden uuth Mester Hycken vorscreven gudere hondert Rynsgulden twe horensgen voer den gulden
gerekent jaerlyker lyffrenthen ennde daer tho de vrye gebruckynge des voergenoemden olden
Mester Hycken huess so dat in Embden gelegen ys myt syner inguderen so vole dess Mester
Hycken tho komen tho horen lyve ennde nycht langer. Weert oeck de jonge Mester Hycke
vorscreven syn leve tho komende huesfrouwen vorscreven vorlevede sall he bylyfftuchtet wesen uuuth
horen guderen myt vyftych Rynsgulden vorscreven paymentes Ennde we dat lanxte van den beyden
vorscreven na den wyllen gods levede dye sall in den alyngen nagelatene gudere vry ennde
ongemoyet blyven sytten went ter tyt dat de lyfftucht tho dess levendygen redelyke wall
genogen uuthgewyset versekert ende bewysset ys Allent in allen artyculen vorscreven sonder
jenoch argelyst ennde nye vonde. Dess aller tot een Orkondt hebben wy Hycke de olde tho
Doernum uummde Wytmunden hofftling provest etc. ennde Wygbolt tho Ewszum Jonckher ennde hoftlinck
vorscreven unsen zegelen voer onss ennde onse arven wytlyken an dussen breeff doen hangen Ennde
omme de merer vestenysse wyllen hebben wy parten vorscreven gebeden Dem Edelen uunnde
walgeboren heren heren Edzardt grave tho Oestfreeslandth etc. syn g. desse hylykes
vorwarden wyll mede bezegelen ennde uuth macht syner gnaden overheyt voer hem ennde
synen g. arven confirmeren ennde bevestygen dat wy Edzardt grave tho Oestfreeslandt etc.
vorscreven dorch beden der parten vorscreven om dusse hylykes vorwarden vorscreven in allen uunnde
ytlycken eren puntten so tho bevestygen geerne gedaen hebben ennde voer onss ennde onsen
arven uuth onsen heerscuppyen ennde overheyt gerechtelycke confirmeert ennde bestedyget
hebben se crachtelyken to wesen ennde tho blyven ennde daeromme wytlyke onse zegell hyr
an hebben doen hangen Ennde wy Egbertus by der lydzamheit godes abbeth tho Thedyngen
Wylhelmus Frederici in der vryen kunsten ennde medicynen doctoer persoen der personaetscup
ennde pastoer der karcken sunt Meerten in Gronyngen Doko Gronyngensis in beyden Rechten
doctoer ennde pastoer der kercken tho Myddelstum als desse vorscreven hylykes vorwarden
dedynges heren want wy de vorscreven vorwarden all so wo vorscreven ys gededyget hebben Soe
hebben wy doer beden der sulven parten vorscreven unsen zegelen wytlycke beneden an
dussen breeff doen hangen dye gegeven ys dess mandages na alle godes hyllygen Anno
vyfftynhondert ennde negen.
Auschultata et collationata est hec presens copia per me Ubbonem Manslacht
sacra auctoritate apostolica notarium publicum clericum monasteriensis Diocesis et concordat cum suo vero
originali de verbo ad verbum nihil mutando addendo aut minuendo quod senszum
mutet aut variet intellectum quod protestor mee proprie manus scriptura
M. Hercules deposuit medio suo iuramento hanc esse ipsam copiam quam capitaneus Rodolphus Ewszum
pie memorie iudicialiter et decreto comitis Edszardi felicis recordationis tunc tempus videlicet Anno 25
consequutum est et capitaneus Hycke de Dornum tradere hanc ipsam partem copiam coactus fuit Quod
ita est dominus deponens coram me Gotfrido Ludolpho ecclesiastice iurisdictionis commissario in veritate
et sub iuramentuo attestatus est.
Gotfridus Ludolphi subscripsit.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0058 |
| Regestnr. | 115 |
| Jaar | 1509 |
| Datumcode | LpOmnSan |