Eltet tho Lellens ynder tydt hoefftman der Stadt
ende Unnmelanden van Groeninghen bekenne ende
betueghe yn ende vormydtz desen openen breve dat
vor my ys ghekomen de erbare Bawe Katers
salighe Joest van Bourmannia naeghelaten wedu
we ende bekande vor hoer ende hoeren arffghenamen
dat se hefft vorkofft upghedraghen ende overgegeven
Katrine salighe Claes Varwers naghelaten we
duwe ende hoeren arffgenamen vyff ende twyntich gholden
geldersche rider ghulden van ghewichte jaerliker
renten tho betalen jaerlixs up paesch achten
offte vry schadeloes gheldt myt botbreven ende allen
rechten yn tho manen uuth vrouw Bawen vorgen.
heerdt landes gheleghen tho Bedum daer Folkert
Wolters nu ter tydt up woent vyfftich grasen landes
groet synde ende voirt uuth ende over all hoer ander
ghoederen replick ende unreplick wo ende waer de ghele-
ghen moeghen wesen ghere daer van uuthbesundert
vry arffliken daer uuth tho waren vor ene Sum-
me gheldes de vrouw Bawe vorscr. bekande dat
hoer vull ende all ys betaelt Myt verworden dat
vrouw Bawe vergen. ende hoer arffgenamen dese borger.
renten tho allen paesch achten moeghen weder
aff vry ende quydt kopen myt vyff hundert gholden
geldersche rider ghulden van ghewichte ende mytter
vuller renten Sunder alle arghelsit In oirkun-
de der waerheit so heb ick Eltet tho Lellens vorgen.
um vrouw Bawen vorscr. bede myn Segell an
desen breeff ghehanghen ende noch um meer
vestenisse hefft vrouw Bawe vorscr. desen brieff
myt hoer eghen handt ondertekent ende hir tho tho
tueghe ghenomen Johannes Voghet ende Berendt
hopenbynder berger yn Groeninghen Gegeven inden
Jaer unses heren dusent viffhundert soeven ende
veertich woensdaeghes vor palm underghetekent
Bawe Katers weduwe van Burmanni.
Copia 30-9-1556

x

x

Archief	Groninger Archieven
Fonds	F.A. Van Ewsum
Toegangsnummer	696
Inventarisnr.	0602
Regestnr.	380
Jaar	1547
Datumcode	EaPalmar

x

x

Materiaal	papier