Zeugnis über den Verkauf von Grundbesitz durch Dr. theol. Dodo in Norden an die Gräfin Theda.
Wij Bernhardus van tolatynghe Gots abbet in sunte Mariendale to Norden, Johannes Ludeman kerckhere to Emeden, Reynerus kerckhere to grote Phallern unde perpetuus vicarius to Emeden, Nomo Meckens, Hompo Hayena, Gherd van Gellern unde Bernd van Duethen, borgermesters to Emeden, doen kundich unde bekennen openbair in desser scrifft voir allen, de dessen breff zehen effte hoeren lezen, dat voir uns in ghekomen de erwerdighe mester Doedo, doctoer in der hilghen scrifft, unde bekande ende lyede, dat he myd vrygen willen ende walberadenen moede, ghesund unde vulmechtich alle syner redelicheit, hadde vorkofft unde vorkoffte jegenwordich in krafft desses breves to enen steden vasten ewighen ervekope der eddelen unde walgeboernen vrowen Theden, grevynnen in Oestvrieslande, und eren kynderen unde ervent seventeyndehalff gras landes, beleghen de achte grase in Emder hamrike ynna Haynghawolda by der nordersijd Tammo Awena fenne, geheten junghe Wiltedes grata meda; item vier grase etlandes, ghelegen by den lytken weghe, dair selighe Abeke to Lopsum negen grase by liggende hedde up de suedersijd. Item oek vorkofft vifftehalff gras meetlandes, gheleghen in Westerhuser hamrike, dair Meye Tyaedmersena twe grase by liggende hevet up de noerdersijd, voir enen summen gheldes, de eme to synen willen...wal vornoeghet unde betaelt weer... Es folgt das Versprechen der Gewährleistung und der Verzicht auf alle Rechte an den verkauften Grundstücken in der gewöhnlichen Form. Hijr weren mede an unde over de erbern manne her Herman Bloeme kerckhere to Hlerlte, her Ebe, her Jacob, altaristen to Emeden, her Johan Smedes medekerckhere to Norden, her Foelryck Heysaldes unde Kersten, borger to Emeden, voir tughe dairtho gheeschet unde gebeden. Unde desses to merer ghetuechnisse unde vestenysse witlicker waerheit hebben wy Bernardus abt, Johannes kerckhere, Reynerus kerckhere unde vicarius, unse inghesegele, unde wy borgermestere vorbenomed der stad Emeden inghesegel umme vruntlicher bede willen mester Doedens, want he syn sulffs zegel nicht by syck en hedde, ghehangen an dessen breff. Ime jare unses Heren dusent vierhundert, dairnae ime viff unde tzeventigesten jare, des satersdages nae Bartolomei, des hilgen apostels dage.
