| Nummer:gus0091 | Datum:25. Juli 1494 | Overlevering:Original | Vindplaats:Rep. 1 (Große Urkundensammlung), inv.nr. 0091 |
Schreiben des Hero von Dornum an den Grafen Edzard I. von Ostfriesland über seine Teilnahme an der Münsterschen Fehde.
Deme edellen junkheren Edzarde, greven in Ostfreslande, synem leven ome.
Edelle leve oem. Ittzundes yuwe schrifte an my ghelanghet, darynne gy begheren weten, ift yk sodane vede myt mynem gnedigen heren to Munster teghen yuw vyantlik ghedenke to donde etc., under brederen inholde, de yk vorstaen hebbe; juw darup vorwitlike, ik na mannichfoldigen unbilliken betyginghen oek mede boven rechtes were alle yk unde de myne van yuw, den yuwen unde yuwen medebewanten, de dat darto ghebracht hebben, bin moetwillighen bemoyet in overfal, bekummernisse unde mede in schaden unde unkost ghekomen, ghenodighet unde drunghen sy, an gode eerst, darneghest an heren unde frunden troest to irlanghende, my unde de myne sonder oer beschut tho settende, so langhe God almechtich heren unde frunde my des wandel mochten schaffen; daranne gy yuw wal gherichtich unde geborlich konden ghehat unde noch konen hebben, welk yk utermaten gheerne zeghe so to bescheende, in deme gy so weren ghesynnet, kent God, de yuw beware. Datum Witmunde, am hilghen daghe Jacobi apostoli, under mynen ingesegel, anno etc. XCo quarto.
Hero van Dornum ritter, tho Esense, Stedestorpe unde Witmunde here.
Edelle leve oem. Ittzundes yuwe schrifte an my ghelanghet, darynne gy begheren weten, ift yk sodane vede myt mynem gnedigen heren to Munster teghen yuw vyantlik ghedenke to donde etc., under brederen inholde, de yk vorstaen hebbe; juw darup vorwitlike, ik na mannichfoldigen unbilliken betyginghen oek mede boven rechtes were alle yk unde de myne van yuw, den yuwen unde yuwen medebewanten, de dat darto ghebracht hebben, bin moetwillighen bemoyet in overfal, bekummernisse unde mede in schaden unde unkost ghekomen, ghenodighet unde drunghen sy, an gode eerst, darneghest an heren unde frunden troest to irlanghende, my unde de myne sonder oer beschut tho settende, so langhe God almechtich heren unde frunde my des wandel mochten schaffen; daranne gy yuw wal gherichtich unde geborlich konden ghehat unde noch konen hebben, welk yk utermaten gheerne zeghe so to bescheende, in deme gy so weren ghesynnet, kent God, de yuw beware. Datum Witmunde, am hilghen daghe Jacobi apostoli, under mynen ingesegel, anno etc. XCo quarto.
Hero van Dornum ritter, tho Esense, Stedestorpe unde Witmunde here.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0091 |
| Jaar | 1494 |
| Datumcode | Jacobi |
x
| Commentaar | Siegel verloren. |
|---|
| Volgnummer: 1 | |
|---|---|
| Voorzijde | |
| Afbeelding 1 | |
| Commentaar | Siegel |
| Afbeelding 2 | |
| Commentaar | Abdruck |