Friedensvertrag zwischen den Grafen Edzard I. und Uko von Ostfriesland und ihren Bündnispartnern und dem Häuptling Hero Omken von Dornum.

In den namen des almechtigen Godes. Amen ... Der Anfang ist mut. mut. übereinstimmend mit der vorigen Urkunde. Ist erste ist sake, dat de ergenanten greven sprake vurhopen to hebbende to der borch Ezenze unde to orer rechticheit mit den dusent Rinschen gulden Hero Omeken van der genanten vrouw moder schalen geleent sin, der Hero Omeken nicht en besteit, dat se one dairumme mit rechte beclagen, he will dairto all tidt mit rechte antworden voir einen temelychen richter, id en weere sake, van frunden anders gevunden werde, unde desgelyken willen de genompten van Dornhum up de borch Witmunda ore rechticheit unde herlicheit vurder sprake nicht vurlaten, der he on ouck nicht besteidt, moge he on gelyker wise mit rechte belanghen unde he wederumme one all tidt mit rechte antworden, id en weer sake, van frunden anders hengelacht worde, beholtlich hirmede ein jeder parte sines rechtes; ouck wederumme in sodanne gelyken will de voirbenompte Hero van Dornhum, ritter, den voirgescreven greven klage unde ansprake, de he umme siner grotemoder bruetschatt, nomptlichen de borghe Beerhum unde de Griedt mit orer rechticheit, unde up de Vredeborch kopes halven sines antaills vurmeindt to hebbende, nicht vurlaten, des de gemelten greven on ouck nicht en bestain; mach he desulfften greven voir einen temelichen richter anlangen, willen se one to rechte antworden, id en wert den sake, van frunden anders hen gelacht wurde. Vurder de ansprake unde unwillen, alls de genompte Hero Omeken an de Ditmerschen bess herto gehatt hefft, hevet he gentzlichen overlaten unde gestallt in handen de gedachten greven, deshalven de sone to nemen unde to gheven mit beschede, offte dem unschuldigen koupmanne voir der veide unde in deme bestande wes genomen weere, dat de gedachten greven dairan geboirlichen erkennen mit mogelichen byvall. Ouck isset gevunden umme vrede unde wolvairt des gemeynen koupmans, dat Hero Ommeken na desem daghe nemandts sall noch will to zewardt laten beschedighen, id en sy dan int erste voir de greven unde beiden steden Bremen unde Hamborch vurschreven; dairto iss gevunden, offte jenich schipp under landen, strande unde eylanden siner gebiede intwe stotte unde de guedere anslogen, de scheepe unde guedere sall unde will Hero Omeken deme koupmanne upp geboirlich berchgelt weder volghen laten na older seede unde gewonheit. Meer is gededinget, dat de genompte Hero Omeken sall unde will den van Dornhum unde Wyharde to Lopsum to rechte antworden up geboirlichen steden van den afhendigen guederen, dair se upp sprekende. Ouck satt unde will Hero Ommeken der gemelten greven to Oestfrieslandt meyere unde huerluede, in siner herlicheit beseten, dat oir rustlich unde vredesam late brueken, sunder jenige ungeboirliche bezweronge, unde so den sinen wederumme gescheen to latende. Ouck is gefunden, offte we van des gemelten greven undersaten, alls de vanmiddels des gewaldts halven erfftaill offte jeniger andere schulde halven sprake edder clage hedden up Hero Omeken unde de syne, den will unde sall he unvortogerdt recht doen unde laten wedervaren, unde desgelyken sall den synen by den greven wederumb geschien. Ouck als Ulrick to Wirdhum vurmodet sprake to hebben upp Inn- huesen, mach he de gebreke in rechte ader fruntschupp laten erkennen, ...
Von hier bis zum Schlusse mut. mut. wie die vorige Urkunde.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0101
Jaar	1496
Datumcode	VpCantat

x

x

x

Commentaar	Anhängende Siegel 1 erhalten, 2 verloren, 3 beschädigt erhalten, 4, 5 und 6 verloren, 7 beschädigt erhalten, 8 verloren.

x

Edities	Editie naar dit exemplaar: oub1490.