Kaiser Friedrich III. gewährt dem Ritter Sibo von Esens das Recht zum Tragen spanischer Kleidung.

Fridericus divina favente clemencia Romanorum imperator semper augustus, Hungarie, Dalmacie, Croacie etc. rex, ac Austrie, Stirie etc. dux, Syboni de Essensem, militi nostro et imperii fideli dilecto, graciam cesaream et omne bonum. Fidelis dilecte, sincerus, quem ad nos et imperium Romanum gerere dinosceris tue fidelitatis affectus claraque virtutum merita, quibus erga maiestatem nostram fidedigno commendaris testimonio, celsitudinem nostram alliciunt, ut personam tuam dignis prosequamur favoribus et singularibus graciarum donis honoremus: tibi igitur supradicto premissorum intuitu, ut auriphrisiam[*] percelebris memorie Alfonsi, [*] quondam Aragonum regis, affinis nostri dum vixit carissimi, utpote stole candide iure[*] atque griffonis deinceps iuxta illius observanciam et consuetudinem aliorum illis utencium more servatis servandis gestare valeas deferre, ea, qua in hac parte fungimur, auctoritate, indulgemus atque presenti concedimus per tenorem presentis, sub sigillo appresso. Datum in Grecz, vicesima quarta die mensis Augusti, anno Domini millesimo quadringentesimo sexagesimo octavo, regnorum nostrorum, Romani vicesimo none, imperii decimo septimo, Hungarie vero decimo.
Ad mandatum domini imperatoris proprium.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0425
Jaar	1468
Datumcode	2408

x

x

x

Commentaar	Aufgedrücktes Siegel verloren.

x

Edities	Editie naar dit exemplaar: oub0863.