| Nummer:gus0619 | Datum:1426 | Overlevering:Original | Vindplaats:Rep. 1 (Große Urkundensammlung), inv.nr. 0619 |
Der Häuptling Ayso in Langen schenkt dem Kloster daselbst Grund-stücke für eine Memorienstiftung.
Ik Ayso hofling to Langhern enkenne openbaer in desse openen breve, dat ik mith wrigen willen, bij ghesunden liwe, mith beradenen mode, unbehalet mith jeniger loesheit[*] hebbe ghegheven unde gheve jeghenwordich to ener vrigen mylden ghave dem ghestliken covente to Langherne 12 grase landis, de 7 gheheten Lambafen[*] unde de 5 gheheten Accalond, [*] umbe salicheit minere sele unde minere oldere; dess zall de vorbenante convent bidden vor my unde mine oldere unde frunde tot ewyghen tyden unde uns to holden in erer ewighen dechnise, dewile dat ere convent steyt; welke vorgenante ghave ik Ayso hofftling vorbenant stede unde vast unde unwedderhroplick wille holden ende hebben gheholden van mynen vrunden unde erffnamen boren unde ungheboren tot ewyghen tyden. Dess[*] in orkunde unde merer vestinghe hebbe ik Ayso vorbenant myn inzegyl witliken doen hanghen an dessen selven breeff. Anno Domini Mo quadringentesimo vicesimo sexto.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0619 |
| Jaar | 1426 |
| Datumcode | ---- |