Der Pfarrer Dyudardus in Loquard beurkundet eine Aussage des Focko Hayana in Rysum.

In nomine Domini. Amen. Anno nativitatis eiusdem M^oCCCC^oXX^o sexto, constitutus in mei domini Dyudardi, tunc temporis curati in Loquert, ac aliorum plurium presencia, discretus vir Focko Hayana in Rysingum, qui licet corpore impos, mente tamen sanus, suum testamentum seu ultimam voluntatem, que semper pro lege habenda est, constituit et ordinavit. Inter cetera fecit et constituit et ordinavit per me videlicet sufficienter interrogatus et requisitus de quadam pecunia, de qua fama volaverat, quam debuit dedisse conventui in Langhen ad custodiendam, quod de huiusmodi pecunia nullatenus mensio (!) esset habenda, sed ipse de illa sufficienter esset contentus, sic quod conventus antedictus de tali pecunia, nec per se nec per suos heredes conservatores fidei, manufideles aut fideicommissarios, nullatenus esset perpetuis temporibus inpetendus aut in iure conveniendus, sed, quid de ea factum fuerit, totaliter annullavit, dimisit, irritavit et in irritum revocavit, sic quod nichil amplius de ea contra huiusmodi conventum esset attemptandum. In cuius rei testimonium et fidem pleniorem sigillum meum presentibus est appensum. Anno Domini M^oCCCC^oLVIII^o, ipso die Urbani martyris.[*]

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0626
Jaar	1458
Datumcode	Urbani

x

x

x

Commentaar	Anhängendes Siegel verloren.

x

Edities	Editie naar dit exemplaar: oub0731.