Der Kommissar des Johanniterordens in Friesland und Komtur in Witwerth beurkundet die Verpflichtungen des Johann Grone gegen die Kommende Abbingwehr.

. Wytlick, kundich ende openbaer sy enen yeweliken, dar desse opene breff sal an werden ghetoent, dat vor my broder Johannes Munter, oetmodich commendur to Wythwerth ende commissarius der orden sunte Johannis baptiste in Vreeslant, is ghecomen Johan Grone, wonachtich up Uthuser meden, de bekande, dat he myt vryen wyllen ende wal vorberadene mode hefft toghestaen vor em, vor syne vrende ende maghe, ende steyt to tegenwardich alsodane testament ende gave, alse salighe Albert Smyt, syn broder, den God ghenadich sy, hefft ghemaket ende belevet in synen laesten; welck de ersame commendur van Abbingaweer hofft besegelt; desghelykes droch up Johan Grone vorscr. vor em, vor syne vrende ende maghe, den commendur vorscr. to behoeff synes conventes vorscr. al alsodane gelt ende schulde, als he mach vereschen ende utrichten van salighen Alberts weghen vorscr., waer de ock synt gheleghen; sunder all argelist, hulperede ende nye vonde. Hyr weren mede, an ende over alse tugheslude her Johan Mensens, conventuael to Wythwert, Harman Smyt salighen Ludeken soen van Hlierte ende Johan to Rekentorp, des commendurs knecht to Wythwert. In oerkunde der warheyt hebbe ick broder Johannes vorscr. myn ingheseghel an dessen breff ghehanghen. Ghegeven in den jaer uns Heren dusent veerhundert vyffendetachtentich, ipso die transfiguracionis Domini in monte Thabor.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0757
Jaar	1485
Datumcode	TraDom

x

x

Commentaar	Abhängendes Siegel beschädigt erhalten.

x

Edities	Editie naar dit exemplaar: oub1152.