Der Amtmann Broder van Lengen von Leerort beurkundet einen Grundstücksverkauf des Wyart Gheroldes in Esklum an die Kommende Muhde.

Ick Broder van Lengen, amptman upp Hlerorde, van bevele des eddelen ende walgebornen myns gnedigen leven jungheren Ennen, greven in Oestvreslande, kenne, tuge unde belye apenbar in unde myt dessem apenen beseghelden breve vor alsweme, wo dat vor my unde der tuge hijr nabescreven tegenwordich ys ghekomen Wyart Gheroldes tho Eschlum, bekennende aldar vor my, wodanewys dat he eendrachtlyken myt vryen wyllen walbedachten vorberadenen mode vor syck unde allen synen erven, anerven efte nakamelingen, hebbe vorkoft tho eneme euwygen, steden unde vasten erffkoep, deme ersamen unde beschedenen heren Gosyng, commenduer ter Muden, tho behoeff dessulven cavents, ene beslotene fenne van veer deymet meden, ghenompt 'de clene feen', unde is ghelegen twischen Mentken und Enneken lande; noch eyn gras bouwlandes, genompt 'uppe Truwynge', liggende twischen Wyardes erve by beyden syden, unde dat gras heft ene halve rode dykes twischen Mentken unde Hennken to Hleer; noch ene halve rode dykes uppe der anderen zyden des syls, lyggende by der westeren syden Wyardes unde Habben by der oesteren zyden; noch 6 dachmet meden, gheleghen uppe der oesteren syden Rytzen, an der westeren syden Wyardes sulves erves, vor ene benomptlichen summen gheldes, welcher summe Wyart erbenant bekande en deger, all unde wall betalt zy, de erste penninck mytten laesten, in guden treuen, des he eme hochlycken danckede, so dat Wyart vilgenant lavede aldar vor uns heren Gossing, commendur vorben. efte holder desses breves myt rechte desses erves erben. eyn recht warende tho wesen vor alle ansprake geestlikes unde wertlykes rechtes, alle argelist, intoge, nyefunde efte enyge bysprake uthghesecht tho euwigen dagen. Tugeslude hyr mede, by, an unde over zynnen ghewesen Egbertus scriver uppen Orde, Wyart unde Hayo Gheroldes, ghebrodere, Hermen van Lunne unde Bernt Ghelendorp. Dat dyt stantaftich vast unde war ys, so hebbe ik Broder van Lengen, amptman uppgenant, umme fruntlicher bede wyllen Wyardes vakenben. myn ingesegel wytlichen doen hangen beneden an dessen breff, de ghegeven unde ghescreven ys to Hleerorde, na Christi ghebort verteynhundert, darna im sesuntachtingesten jare, ame frigdage na des hilligen Sacraments dage.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0825
Jaar	1486
Datumcode	VpSacram

x

x

x

Commentaar	Anhängendes Siegel beschädigt erhalten.

x

Edities	Editie naar dit exemplaar: oub1167.