| Nummer:gus0839 | Datum:11. Nov. 1418 | Overlevering:Original | Vindplaats:Rep. 1 (Große Urkundensammlung), inv.nr. 0839 |
Ocko tom Brok pachtet vom Erzbischof Johann von Bremen die Zehnten von Arle, Nesse und Hage.
Ik Ocko Kenes, hovetlingh in Ostvreschland, bekenne unde betughe openbare in desser jeghenwardighen scrifft, dat ik de tegheden to Erlo, Nesse unde Haghe[*] unde dat meyerland to Erle van dem erwerdighen in Gode vadere unde heren, hern Johanne ertzebiscope unde capittele der kercken to Bremen hebbe kofft to twolf jaren negherst to komende; der ik unde myne erven so langhe myd allem rechte unde tobehoringhe scholen bruken, unde scholet dar van gheven alle jar dem capittele vorbenompt seven Bremer mark, unde entfaen daraff des scolmesters official, wan he zende holt to Erle, alze dat wente here zede unde wonheyt hefft ghewesen; wan aver de twolf jar ghesleten sind, schole wy unde willet en ere tegheden wedderlaten vry unde qwyd. Des to tughe hebbe ih myn ingheseghel ghehanghen to dessem breve. Datum anno Domini millesimo quadringentesimo decimo octavo, ipso die beati (Martini).[*]
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0839 |
| Jaar | 1418 |
| Datumcode | Martin |