| Nummer:haf014 | Datum:28 okt. 1370 | Overlevering:Origineel | Vindplaats:H.A. Farmsum, inv.nr. 0785, reg. 014 |
Wy Otto Polleman ende Hinric Everdes soen doen kondich allen lueden myt dessen oepenen breve dat wy overdraghen siin mynlike by raede onser naester vrenden als vander schelinghe de wij hadden van Nydinghe goede. Wellic
onser dattet versoeken solde wellic goet dat gheheten is Nydinghe goet voerscreven dat ons to zaemen an ghecomen is met rechten erfdele met onser beyder wyve de wy nu inder thiit hebben ghelike half ende half in desser
maniere als hiir na ghescreven staet. Also dat ic Otto voerscreven ende myne erfghenamen dit voerscreven goet versoeken sal voer ons beyden wanneer des to doene is alse een Stichtes recht is ende sal verholden Hinrike voerscreven ende sinen
erfghenamen ewelike sonder sinen scaede met vorwarden als hiir nma ghescreven staet dat is to verstaene waert saeke dat my Otten ende mynen erfghenamen kenlike noetzaeken dede iof vanghenscap dat ic Otto of myne
erfghenamen bewysen mochten dat ic miins selves goet versumede so en mach ic Henric of myne erfghenamen voerscreven met claeghen of spreken up Otten ende sinen erfghenamen voerscreven also langhe alse Otto ende sine erfghenamen
voerscreven siins selves goet mysten sonder erghelist ende waert saeke dat ic Otto ende myne erfghenamen voerscreven na der thiit in dit voerscreven goet quaemen weder alse ic daer to voernen in was so sal Hinric ende sine erfghenamen voerscreven
also vaste sitten inder helfte van dessen voerscreven goede alse ic Otto ende myne erfghenamen voerscreven daer in sitten. Voertmeer wanneer dattet also vallet dat ic Otto ende myne erfghenamen voerscreven dit voerscreven goet nyes versoeken sal
so wat onkost de daer up gaet van vanghescap, scaede iof enighen saeken de ic bewysen mach dat sullen wy Otto ende Henric ende onse erfghenamen voerscreven ghelike ghelden. Ende den iaerlikes pacht den wy de biscop van
Utrecht pleghen to gheven iof sinen amptluden dat sulle sy Otto ende hinric ende onse erfghenamen voerscreven ghelike ghelden. Ende wanneer ic Otto iof myne erfghenamen voerscreven dit voerscreven goet versocht hebben so sal ic Hinric ende
myne erfghenamen voerscreven de helfte van dessen voerscreven goede voert versoeken an Otten ende sinen erfghenamen voerscreven bynnen enen jaere na der thioit dat Otto iof sine erfghenamen voerscreven thues ghecomen siin onversumet met
enen croenden enghelsche iof met anderen paeymente also goet als een croent enghelsche so sal ic Otto ende miin erfghenamen voerscreven de helfte van dessen voerscreven goede Henrike ende sinen erfghenamen voerscreven voert belenen in alder maniere alset my de byscop beleent hevet voerscreven ende sal hem brieve gheven nader maniere dat myne brieve siin de ic vanden byscop hebbe sonder enich weder segghen. Voertmeer waert saeke dat ic Otto iof miin
erfghenamen voerscreven hiir namaels spreken wolde up Henrike of up sine erfghenamen voerscreven dat sy na dessen voerscreven goede niet gheloet en waeren na Stichtes rechte so solde ic Otto of mijn erfghenamen voerscreven dit voerscreven
goet Henrike ende sinen erfghenamen voerscreven nochtan belenen of hy na Stichtes rechte gheloet waere. Ende ymmer so sal ic Otto voerscreven ende myne erfghenamen Hinrike ende sinen erfghenamen dit voerscreven goet verholden in
leenscher waere als voerscreven is. Ende waert saeke dat ic Otto ende myne erfghenamen voerscreven dit voerscreven goet Hinrike ende sinen erfghenaemen weygherden so sal Hinric ende sine erfghenaemen voerscreven nochtan also vaste sitten
in dessen voerscreven goede. Iof ic Otto ende miin erfghe namen voerscreven Henrike ende sinen erfghenamen voerscreven dat voerscreven goet beleent hadden. Voertmeer waert saeke dat ic Otto ende miin erfghenamen voerscreven nae desser thiit
wanneer dattet waere wilde segghen dat Hinric ende siin erfghenamen voerscreven met dessen brieve niet bewaert en waeren iof dat desse brief enigherhande wiis verdorve so sal ic Otto ende miin erfghenamen voerscreven
Henrike ende sinen erfghenamen voerscreven gheven nye breve sonder yenigherhande weder segghen daer Hinric ende siin erfghenamen voerscreven ymmer mede bewaert sullen wesen het en waer saeke dat ic Otto of miin
erfghenamen voerscreven Hinrike ende sinen erfghenamen voerscreven met rechte bewysen mochte dat hy dat voerscreven goet met rechte niet versocht en hadden an my Otten ende mynen erfghenamen voerscreven als hiir voerscreven staet
bynnen enen iaere. Ebnde waert saeke dat ic Henric ende miin erfghenamen voerscreven dit voerscreven goet niet en versochten als voerscreven is so waere ic henric ende myne erfghenamen voerscreven in dessen voerscreven goede versumet
het en waer saeke dat ict Otto iof miin erfghenamen voerscreven int beste wilden keren ute ghesproken al arghelist ende nye vonde de my Henrike ende mynen erfghenamen voerscreven scaden iof hinderen moeghen in
dessen voerscreven breve. In orconde so hebbe wy Otto ende Henric voerscreven onse zeghelen an dessen breef ghehanghen voer ons ende voer onse erfghenamen voerscreven. Ghescreven int jaer ons heren dusent drehondert
ende zoeventich up sinte Symons ende iuden dach apostolen.
onser dattet versoeken solde wellic goet dat gheheten is Nydinghe goet voerscreven dat ons to zaemen an ghecomen is met rechten erfdele met onser beyder wyve de wy nu inder thiit hebben ghelike half ende half in desser
maniere als hiir na ghescreven staet. Also dat ic Otto voerscreven ende myne erfghenamen dit voerscreven goet versoeken sal voer ons beyden wanneer des to doene is alse een Stichtes recht is ende sal verholden Hinrike voerscreven ende sinen
erfghenamen ewelike sonder sinen scaede met vorwarden als hiir nma ghescreven staet dat is to verstaene waert saeke dat my Otten ende mynen erfghenamen kenlike noetzaeken dede iof vanghenscap dat ic Otto of myne
erfghenamen bewysen mochten dat ic miins selves goet versumede so en mach ic Henric of myne erfghenamen voerscreven met claeghen of spreken up Otten ende sinen erfghenamen voerscreven also langhe alse Otto ende sine erfghenamen
voerscreven siins selves goet mysten sonder erghelist ende waert saeke dat ic Otto ende myne erfghenamen voerscreven na der thiit in dit voerscreven goet quaemen weder alse ic daer to voernen in was so sal Hinric ende sine erfghenamen voerscreven
also vaste sitten inder helfte van dessen voerscreven goede alse ic Otto ende myne erfghenamen voerscreven daer in sitten. Voertmeer wanneer dattet also vallet dat ic Otto ende myne erfghenamen voerscreven dit voerscreven goet nyes versoeken sal
so wat onkost de daer up gaet van vanghescap, scaede iof enighen saeken de ic bewysen mach dat sullen wy Otto ende Henric ende onse erfghenamen voerscreven ghelike ghelden. Ende den iaerlikes pacht den wy de biscop van
Utrecht pleghen to gheven iof sinen amptluden dat sulle sy Otto ende hinric ende onse erfghenamen voerscreven ghelike ghelden. Ende wanneer ic Otto iof myne erfghenamen voerscreven dit voerscreven goet versocht hebben so sal ic Hinric ende
myne erfghenamen voerscreven de helfte van dessen voerscreven goede voert versoeken an Otten ende sinen erfghenamen voerscreven bynnen enen jaere na der thioit dat Otto iof sine erfghenamen voerscreven thues ghecomen siin onversumet met
enen croenden enghelsche iof met anderen paeymente also goet als een croent enghelsche so sal ic Otto ende miin erfghenamen voerscreven de helfte van dessen voerscreven goede Henrike ende sinen erfghenamen voerscreven voert belenen in alder maniere alset my de byscop beleent hevet voerscreven ende sal hem brieve gheven nader maniere dat myne brieve siin de ic vanden byscop hebbe sonder enich weder segghen. Voertmeer waert saeke dat ic Otto iof miin
erfghenamen voerscreven hiir namaels spreken wolde up Henrike of up sine erfghenamen voerscreven dat sy na dessen voerscreven goede niet gheloet en waeren na Stichtes rechte so solde ic Otto of mijn erfghenamen voerscreven dit voerscreven
goet Henrike ende sinen erfghenamen voerscreven nochtan belenen of hy na Stichtes rechte gheloet waere. Ende ymmer so sal ic Otto voerscreven ende myne erfghenamen Hinrike ende sinen erfghenamen dit voerscreven goet verholden in
leenscher waere als voerscreven is. Ende waert saeke dat ic Otto ende myne erfghenamen voerscreven dit voerscreven goet Hinrike ende sinen erfghenaemen weygherden so sal Hinric ende sine erfghenaemen voerscreven nochtan also vaste sitten
in dessen voerscreven goede. Iof ic Otto ende miin erfghe namen voerscreven Henrike ende sinen erfghenamen voerscreven dat voerscreven goet beleent hadden. Voertmeer waert saeke dat ic Otto ende miin erfghenamen voerscreven nae desser thiit
wanneer dattet waere wilde segghen dat Hinric ende siin erfghenamen voerscreven met dessen brieve niet bewaert en waeren iof dat desse brief enigherhande wiis verdorve so sal ic Otto ende miin erfghenamen voerscreven
Henrike ende sinen erfghenamen voerscreven gheven nye breve sonder yenigherhande weder segghen daer Hinric ende siin erfghenamen voerscreven ymmer mede bewaert sullen wesen het en waer saeke dat ic Otto of miin
erfghenamen voerscreven Hinrike ende sinen erfghenamen voerscreven met rechte bewysen mochte dat hy dat voerscreven goet met rechte niet versocht en hadden an my Otten ende mynen erfghenamen voerscreven als hiir voerscreven staet
bynnen enen iaere. Ebnde waert saeke dat ic Henric ende miin erfghenamen voerscreven dit voerscreven goet niet en versochten als voerscreven is so waere ic henric ende myne erfghenamen voerscreven in dessen voerscreven goede versumet
het en waer saeke dat ict Otto iof miin erfghenamen voerscreven int beste wilden keren ute ghesproken al arghelist ende nye vonde de my Henrike ende mynen erfghenamen voerscreven scaden iof hinderen moeghen in
dessen voerscreven breve. In orconde so hebbe wy Otto ende Henric voerscreven onse zeghelen an dessen breef ghehanghen voer ons ende voer onse erfghenamen voerscreven. Ghescreven int jaer ons heren dusent drehondert
ende zoeventich up sinte Symons ende iuden dach apostolen.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0785 |
| Regestnr. | 014 |
| Jaar | 1370 |
| Datumcode | SimJud |