| Nummer:haf024 | Datum:1 jan. 1406 | Overlevering:Origineel | Vindplaats:H.A. Farmsum, inv.nr. 0848, reg. 024 |
Wy Focko to Dyke hovedinck in sunte Petersburen ende Tammo Tyama to sunte Marienburen
inden nyen lande doen kundich allen luden met desen openen breve dat wy iaerlycks schuldich
synt to gheven den deumen Bernere Solleders ende siin arfghename uut unse lammeren ende
kalveren als sine breve holdet de he hevet van der abdissen over Water to Munstren ghelike
unse mede bure ende naburen Ende de pleyte ende schelinghe de ghewesen hebben als van den
voerscr. dekumen entyeghens meister Alberts Solleders Berneers zone voerscr. ander ener
zijt ende ons myt anderen luden uut den kerpsele van Enrum van der ander zijd als dat
mester Albert vorscr. ons myt rechte ansprake to Munsteren voer den officiael van Vreeslande umme
den vorscr. decumen desse vorscr. schelinghe is ganslike tuschen uns twen als Focken ende Tammen vorscr.
vruntliken ghesoend met mester Alberte vorscr. sunder al arghelist Also dat wy bekennen dat wy
schuldich weren hyr voermals to gheven den decumen als unse medebure ende naburen doen
Ende want wy to deser tijd nene seghele gebruken so hebben wy ghebeden unsen cureten als
Her Frederick cureet to sunte Petersbure ende her Tyart cureet to sunte Marienburen in den
nyen lande dessen breef to zeghelen Ende wy Frederick cureet to sunte Peters buren Ende Tyart
cureet to sunte Marien buren umme bede willen Focken ende Tammen vorscr. so hebbe wy unse seghele
an dessen breef ghehanghen Ghegheven int iaer uns heren dusent veerhundert ende sesse
up nye Jaers dach.
inden nyen lande doen kundich allen luden met desen openen breve dat wy iaerlycks schuldich
synt to gheven den deumen Bernere Solleders ende siin arfghename uut unse lammeren ende
kalveren als sine breve holdet de he hevet van der abdissen over Water to Munstren ghelike
unse mede bure ende naburen Ende de pleyte ende schelinghe de ghewesen hebben als van den
voerscr. dekumen entyeghens meister Alberts Solleders Berneers zone voerscr. ander ener
zijt ende ons myt anderen luden uut den kerpsele van Enrum van der ander zijd als dat
mester Albert vorscr. ons myt rechte ansprake to Munsteren voer den officiael van Vreeslande umme
den vorscr. decumen desse vorscr. schelinghe is ganslike tuschen uns twen als Focken ende Tammen vorscr.
vruntliken ghesoend met mester Alberte vorscr. sunder al arghelist Also dat wy bekennen dat wy
schuldich weren hyr voermals to gheven den decumen als unse medebure ende naburen doen
Ende want wy to deser tijd nene seghele gebruken so hebben wy ghebeden unsen cureten als
Her Frederick cureet to sunte Petersbure ende her Tyart cureet to sunte Marienburen in den
nyen lande dessen breef to zeghelen Ende wy Frederick cureet to sunte Peters buren Ende Tyart
cureet to sunte Marien buren umme bede willen Focken ende Tammen vorscr. so hebbe wy unse seghele
an dessen breef ghehanghen Ghegheven int iaer uns heren dusent veerhundert ende sesse
up nye Jaers dach.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0848 |
| Regestnr. | 024 |
| Jaar | 1406 |
| Datumcode | CirDom |