| Nummer:haf047 | Datum:22 jan. 1428 | Overlevering:Origineel | Vindplaats:H.A. Farmsum, inv.nr. 0798, reg. 047 |
Wy Lambert Gheert ende Evert gebroders van Yselmuden bekennen ende betugen mit dessen openen brieve
dat wij mit unsen vrien willen ende gueden berade onss ende bi onsen vrienden hyr nae bescreven die daer
over ende an gewesen hebben als moetsoens lude ende scheydeslude als Gheert Stellinck Gheert Mulaert
Egbert Mulaert Roloff Waninck ende Otto Waninck van alsulcker erfnisse ende guede als hem an
bestorven is van dode oers vadere ende oere moeder den god genedich sy In aldusdanen vorwaerden
Dat Lambert ende Henric syn broeder hebben soelen alsulc guet als gelegen is inden kerspel van Ysel
muden ende Wilsant mit rade ende onrade Hijr af soelen betalen Lambert ende Henric voirscr. Gheerde
van Tybenkamp ende Konnen synre huysvrouwen oer suster tot rechter medegaven hundert olde schilde
ende sestich voert soe soelen si geven Jonfer Rixen oer suster twaleff heren pont des jaers tot oeren live
unde dat sal weder comen up Lambert ende Henric voirscr. oft oeren erfgenamen Hyr en tiegen sal hebben Geert
ende Evert voirscr. alsoedanich guet als hem an bestorven is van oer vader ende moeder voirscr. als gele
gen is inder heerlicheit van Rune ende in Drenthe Hijr soelen Geert ende Evert voirscr. van betalen
Gueert Mulaerde ende Fyen synre huysvrouwen oer suster tot rechter medegaven hundert overlansche
rynsche gulden Ende den Abd van Dickeninge die summe die sy hem schuldich syn van oere suster
Jonfer Lisen ENde voert die sess virendeel botteren die sie oere suster Lisen voirscr. gemaect hebben
to liiftuchte die soelen weder comen up Geert ende Evert voirscr. oft up oeren rechten arfgenamen Voert
sint vorwaerde alsulck guet als sie liggende hebben inden lande van Ghelre inden kerspel van Doersp...
teende ende erve Daer sal Lambert ende Henric voirscr. die helfte van hebben ende Geert ende Evert
voirscr. die ander helfte Ende dit voirscr. guet sal Lambert voirscr. heelden in Leenscher were Voert
soe sal die manscap Lambert behoelden alsoe lange als hi levet Wan hij niet langer is soe sal die
manscap comen up den oldesten broeder die dan huesinge beseten hevet ende niet up Lambert kinder
Voert sal Lambert voirscr. Henric sinen broeder voirscr. vernoegen van desser voirscr. erfnisse dat daer
Geert ende Evert voirscr. ghien last van hebben soelen Ende desser brieve syn twe al eens sprekende
die een heeft Lambert ende Henric voirscr. ende den anderen Gheert ende Evert voirscr. In orconde
der waerheit Want wy Lambert Geert ende Evert voirscr. willen dat desse punten stede ende vast
bliven soelen Soe hebbe wy Lambert Geert ende Evert voirscr. voer onss voer Henric onsen broder onse
segele an dessen brieff gehangen Gegeven int iaer onss heren dusent vierhundert acht ende twintich
up Sancte Vincenciusdach.
dat wij mit unsen vrien willen ende gueden berade onss ende bi onsen vrienden hyr nae bescreven die daer
over ende an gewesen hebben als moetsoens lude ende scheydeslude als Gheert Stellinck Gheert Mulaert
Egbert Mulaert Roloff Waninck ende Otto Waninck van alsulcker erfnisse ende guede als hem an
bestorven is van dode oers vadere ende oere moeder den god genedich sy In aldusdanen vorwaerden
Dat Lambert ende Henric syn broeder hebben soelen alsulc guet als gelegen is inden kerspel van Ysel
muden ende Wilsant mit rade ende onrade Hijr af soelen betalen Lambert ende Henric voirscr. Gheerde
van Tybenkamp ende Konnen synre huysvrouwen oer suster tot rechter medegaven hundert olde schilde
ende sestich voert soe soelen si geven Jonfer Rixen oer suster twaleff heren pont des jaers tot oeren live
unde dat sal weder comen up Lambert ende Henric voirscr. oft oeren erfgenamen Hyr en tiegen sal hebben Geert
ende Evert voirscr. alsoedanich guet als hem an bestorven is van oer vader ende moeder voirscr. als gele
gen is inder heerlicheit van Rune ende in Drenthe Hijr soelen Geert ende Evert voirscr. van betalen
Gueert Mulaerde ende Fyen synre huysvrouwen oer suster tot rechter medegaven hundert overlansche
rynsche gulden Ende den Abd van Dickeninge die summe die sy hem schuldich syn van oere suster
Jonfer Lisen ENde voert die sess virendeel botteren die sie oere suster Lisen voirscr. gemaect hebben
to liiftuchte die soelen weder comen up Geert ende Evert voirscr. oft up oeren rechten arfgenamen Voert
sint vorwaerde alsulck guet als sie liggende hebben inden lande van Ghelre inden kerspel van Doersp...
teende ende erve Daer sal Lambert ende Henric voirscr. die helfte van hebben ende Geert ende Evert
voirscr. die ander helfte Ende dit voirscr. guet sal Lambert voirscr. heelden in Leenscher were Voert
soe sal die manscap Lambert behoelden alsoe lange als hi levet Wan hij niet langer is soe sal die
manscap comen up den oldesten broeder die dan huesinge beseten hevet ende niet up Lambert kinder
Voert sal Lambert voirscr. Henric sinen broeder voirscr. vernoegen van desser voirscr. erfnisse dat daer
Geert ende Evert voirscr. ghien last van hebben soelen Ende desser brieve syn twe al eens sprekende
die een heeft Lambert ende Henric voirscr. ende den anderen Gheert ende Evert voirscr. In orconde
der waerheit Want wy Lambert Geert ende Evert voirscr. willen dat desse punten stede ende vast
bliven soelen Soe hebbe wy Lambert Geert ende Evert voirscr. voer onss voer Henric onsen broder onse
segele an dessen brieff gehangen Gegeven int iaer onss heren dusent vierhundert acht ende twintich
up Sancte Vincenciusdach.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0798 |
| Regestnr. | 047 |
| Jaar | 1428 |
| Datumcode | Vincen |