| Nummer:haf089 | Datum:18 april 1447 | Overlevering:Origineel | Vindplaats:H.A. Farmsum, inv.nr. 0778, reg. 089 |
Wij Ewe op Sybingaheem ende Bywe echte lude bekennen ende tughen in dessen opennen breve vor
ons ende onse erfgenamen dat wij hebbet verwesselt ende verkoft Blideken Faradama ende Reyner oren
soen vyerhundert landes gheleghen to Huesdingen gheheten de Pyl fenne streckende mitten noert
oester ende op Melkama graftwal ende mitten suetwester ende op Wissema graftwal des
ghevet ons Blideke ende Reyner vorscreven weder ande vorscreven wessele derdehalf hundert landes
daer anderhalf hundert van licht op de Korte lange meden dar Ewen vorscreven lant licht op der
noerder syt ende Wester Widewerder hillegen lant opper suder syt licht ter swette streckende mitten wester ende op Steder maer ende mitten oster ende in Hanneken fenne ende dat
ander hundert licht op Landester meden dar Ewen vorscreven lant licht to der westersyde
ende salige Albert Ubbama kinder lant licht opper oester syt ter swette dar ons
Ewen ende Bywen vorscreven wal anghenoghet dar omme soe schelde wy Ewe ende Bywe vorscreven
Blideken ende Reyner vorscreven de vorscreven Pylfenne to gude oren vryen willen dar mede to done
ende willet sy hun waren vor al de ghene de dar opspreken willen, sonder arghelist. In
orkunde ende mere vestenisse soe hebbe wij (by) Ewe ende Bywe vorscreven ghebeden her Elteken
onsen cureet to Westerwydwert ende her Reyner cureet to Huesdingen dessen breef over ons
to beseghelen ende wij Eltatus ende Reynerus cureten vorscreven hebben onse seghel omme bede
willen Ewen ende Bywen vorscreven beneden an dessen breef ghehanghen int jaer ons heren
Mo CCCCo ende XLVII de dinxedagen nae paesche achtedaghen.
ons ende onse erfgenamen dat wij hebbet verwesselt ende verkoft Blideken Faradama ende Reyner oren
soen vyerhundert landes gheleghen to Huesdingen gheheten de Pyl fenne streckende mitten noert
oester ende op Melkama graftwal ende mitten suetwester ende op Wissema graftwal des
ghevet ons Blideke ende Reyner vorscreven weder ande vorscreven wessele derdehalf hundert landes
daer anderhalf hundert van licht op de Korte lange meden dar Ewen vorscreven lant licht op der
noerder syt ende Wester Widewerder hillegen lant opper suder syt licht ter swette streckende mitten wester ende op Steder maer ende mitten oster ende in Hanneken fenne ende dat
ander hundert licht op Landester meden dar Ewen vorscreven lant licht to der westersyde
ende salige Albert Ubbama kinder lant licht opper oester syt ter swette dar ons
Ewen ende Bywen vorscreven wal anghenoghet dar omme soe schelde wy Ewe ende Bywe vorscreven
Blideken ende Reyner vorscreven de vorscreven Pylfenne to gude oren vryen willen dar mede to done
ende willet sy hun waren vor al de ghene de dar opspreken willen, sonder arghelist. In
orkunde ende mere vestenisse soe hebbe wij (by) Ewe ende Bywe vorscreven ghebeden her Elteken
onsen cureet to Westerwydwert ende her Reyner cureet to Huesdingen dessen breef over ons
to beseghelen ende wij Eltatus ende Reynerus cureten vorscreven hebben onse seghel omme bede
willen Ewen ende Bywen vorscreven beneden an dessen breef ghehanghen int jaer ons heren
Mo CCCCo ende XLVII de dinxedagen nae paesche achtedaghen.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0778 |
| Regestnr. | 089 |
| Jaar | 1447 |
| Datumcode | MpQuaMod |