| Nummer:haf118 | Datum: | Overlevering:Origineel | Vindplaats:H.A. Farmsum, inv.nr. 0849, reg. 118 |
Wij Juleanus provest to Usqwert cureet to Bedum, her Egbert cureet to Myddelstum, Wygbolt Lewe hovetlinck
to Myddelstum ende her Wabbo cureet to Werphum bekennen ende tughen myt desen jeghenwerdighen breve
woe dat wy als ghecoeren soenslude inder saken de voer ons ghecomen is ende beborghet is by enre
seker pene als XX rynse gulden van den nae ghescrevenen parten tuschen Focke Azinge hovetlinck toe
Werphum van de eenre sydt ende Azige to Hersens hovetlinck nu ter tydt to Myddelstum vander ander
sydt als van de erfnisse ende guede reppelick ende onreppelick de Syabbe toe Hersens hoer twyer
oem den God ghenadich sy gheervet ende achter ghelaeten hadde nae synen doet nae claghe ende
antworde hebben verstaen ende een vryntlike uutsprake nae den besten rechte tuschen den
parten vorscreven hebben ghedaen ende uutgheseghet in formen ende maneren als hyr na gheschreven is.
Int eerste soe hebben wy voerghenoemde sonslude eendrachtelike uutghesproken ende to ghewyst
Focken Azinghe vorgenoemd neghen graze landes gheheiten de Uuter venne daer Blydeke Fraema by
ghelandet is by der noerder sydt ende Azege vorscreven by der suder sydt by den Gaewech, myt den
wester eynde ligghende inden kerspel toe Hersen. Item, veirde half gras landes inden kerspel vorghenoemd
daer Blideke Fraeme by ghelandet is byder suder sydt, de convent van Selwert by der noerder sydt
ende de Gaewech by den wester eynde. Item, ses grase landes lygghende op Adorpe meedlande daer
daer [sic] Evert Syckinghe to Wynsum by ghelandet is by der sudersydt ende Menolt Narcksema by der norder
sydt. Item, achte grase landes ende eyn verendel van een graze landes lygghende inden kerspel toe
Bylinghawere. Int eertste eyn half gras van Wytserhert ligghende op des graftes walle
daer Focke vorscreven by ghelandet is. Item, twe graze landes ligghende in Wyrser venne daer Focke vorscreven
by ghelandet is. Item, anderhalf gras landes gheheiten Inde Olde landt daer Focke oeck by ghelandet
is. Item, eyn half landes graslandes ende eyn derden deil van eynen graes gheheiten In Alle venne daer Focke
voerscreven oeck by ghelandet is. Item, eyn half gras ende eyn derden deil van eyne graze landes gheheiten Inde
Meer daer Focke vorscreven oeck by ghelandet is. Item, anderhalf gras landes ende eyn veirdendeil gheheiten
in Hayema tyuchgen daer Focke vorscreven oeck by ghelandet is. Desse vorscreven achte grase landes myt dat veirdedendeil [sic]
van eyn gras landes sal Azeghe vorscreven vry leveren voer hem ende syne erfgenamen Focke vorscreven ende syne erfgenamen
buten hoeren scaden. Ende wert sake dat Azeghe vorscreven off syne erfgenamen vorscreven Focke vorscreven off synen erfgenamen
dese vorscreven achte grase landes ende dat veirdendeil van eynen graze landes nycht vry en mochte leveren
so sal Azeghe vorscreven also voel landes nae graestal Focke vorscreven to wysen van Hersenser hert. Ende
dese vorgenoemde lande sal Focke ende syne erfgenamen vrij ende verdich bruken ewelick ende erfflic sunder alle
argheliste. Ende daer mede so sal Focke ende syne erfgenamen ghescheiden wesen van Hersingher herde tot
ewyghen tyden ende gheyne sprake bet daer op to hebben ende alle schelinghe ende twyspan sal doet
wesen dat daer ghescheyn is tusschen Focken vorscreven ende Azeghe dat daer ghescheyn is voer datum
desses breves. Daer en teghen soe sal Azeghe vorscreven Hersinger heert beholden, husinghe, heymynge
ende wyrtlandt myt den anderen lande de Syabbe achter ghelaeten hevet de to den heert hoeren ewelick ende erflick to bruke, to besytten ende synen vryen willen daer mede to doene sonder alle argheliste myt der herlicheit ewelick ende erflick. Desse vorscreven uutsprake hebben beyde parten vorgenoemd
guetlike ende vrynlike myt vryen wille an beiden syden anghenomen sonder eynnygherhande weder segghen. In orkunde der waerheit so hebben wy soenslude vorgenoemd om beden wyllen de beyder
parten vorscreven desse uutsprake in schriften over ghegeven ende onse seghele beneden an dessen breeff
ghehangen in den jaer ons heren Mo CCCC ende LVII des anderen daghes nae Sinte Andreas dach des
heilghen apostels ende in eyne quitancie dat ic Focke vorscreven ende myne erfgenamen ghescheiden synt ewich
ende erflick myt Aseghe vorscreven so heb ic Focke vorscreven myn seghel oeck ghehanghen beneden an desen breeff
Datum ut supra.
AANTEKENINGEN: DORSO:
OVERLEVERING: origineel, perkament.
AUTHENTICERING:
VINDPLAATS: RAGr, FARMSUM 849 R 118.
UITGAVEN:
to Myddelstum ende her Wabbo cureet to Werphum bekennen ende tughen myt desen jeghenwerdighen breve
woe dat wy als ghecoeren soenslude inder saken de voer ons ghecomen is ende beborghet is by enre
seker pene als XX rynse gulden van den nae ghescrevenen parten tuschen Focke Azinge hovetlinck toe
Werphum van de eenre sydt ende Azige to Hersens hovetlinck nu ter tydt to Myddelstum vander ander
sydt als van de erfnisse ende guede reppelick ende onreppelick de Syabbe toe Hersens hoer twyer
oem den God ghenadich sy gheervet ende achter ghelaeten hadde nae synen doet nae claghe ende
antworde hebben verstaen ende een vryntlike uutsprake nae den besten rechte tuschen den
parten vorscreven hebben ghedaen ende uutgheseghet in formen ende maneren als hyr na gheschreven is.
Int eerste soe hebben wy voerghenoemde sonslude eendrachtelike uutghesproken ende to ghewyst
Focken Azinghe vorgenoemd neghen graze landes gheheiten de Uuter venne daer Blydeke Fraema by
ghelandet is by der noerder sydt ende Azege vorscreven by der suder sydt by den Gaewech, myt den
wester eynde ligghende inden kerspel toe Hersen. Item, veirde half gras landes inden kerspel vorghenoemd
daer Blideke Fraeme by ghelandet is byder suder sydt, de convent van Selwert by der noerder sydt
ende de Gaewech by den wester eynde. Item, ses grase landes lygghende op Adorpe meedlande daer
daer [sic] Evert Syckinghe to Wynsum by ghelandet is by der sudersydt ende Menolt Narcksema by der norder
sydt. Item, achte grase landes ende eyn verendel van een graze landes lygghende inden kerspel toe
Bylinghawere. Int eertste eyn half gras van Wytserhert ligghende op des graftes walle
daer Focke vorscreven by ghelandet is. Item, twe graze landes ligghende in Wyrser venne daer Focke vorscreven
by ghelandet is. Item, anderhalf gras landes gheheiten Inde Olde landt daer Focke oeck by ghelandet
is. Item, eyn half landes graslandes ende eyn derden deil van eynen graes gheheiten In Alle venne daer Focke
voerscreven oeck by ghelandet is. Item, eyn half gras ende eyn derden deil van eyne graze landes gheheiten Inde
Meer daer Focke vorscreven oeck by ghelandet is. Item, anderhalf gras landes ende eyn veirdendeil gheheiten
in Hayema tyuchgen daer Focke vorscreven oeck by ghelandet is. Desse vorscreven achte grase landes myt dat veirdedendeil [sic]
van eyn gras landes sal Azeghe vorscreven vry leveren voer hem ende syne erfgenamen Focke vorscreven ende syne erfgenamen
buten hoeren scaden. Ende wert sake dat Azeghe vorscreven off syne erfgenamen vorscreven Focke vorscreven off synen erfgenamen
dese vorscreven achte grase landes ende dat veirdendeil van eynen graze landes nycht vry en mochte leveren
so sal Azeghe vorscreven also voel landes nae graestal Focke vorscreven to wysen van Hersenser hert. Ende
dese vorgenoemde lande sal Focke ende syne erfgenamen vrij ende verdich bruken ewelick ende erfflic sunder alle
argheliste. Ende daer mede so sal Focke ende syne erfgenamen ghescheiden wesen van Hersingher herde tot
ewyghen tyden ende gheyne sprake bet daer op to hebben ende alle schelinghe ende twyspan sal doet
wesen dat daer ghescheyn is tusschen Focken vorscreven ende Azeghe dat daer ghescheyn is voer datum
desses breves. Daer en teghen soe sal Azeghe vorscreven Hersinger heert beholden, husinghe, heymynge
ende wyrtlandt myt den anderen lande de Syabbe achter ghelaeten hevet de to den heert hoeren ewelick ende erflick to bruke, to besytten ende synen vryen willen daer mede to doene sonder alle argheliste myt der herlicheit ewelick ende erflick. Desse vorscreven uutsprake hebben beyde parten vorgenoemd
guetlike ende vrynlike myt vryen wille an beiden syden anghenomen sonder eynnygherhande weder segghen. In orkunde der waerheit so hebben wy soenslude vorgenoemd om beden wyllen de beyder
parten vorscreven desse uutsprake in schriften over ghegeven ende onse seghele beneden an dessen breeff
ghehangen in den jaer ons heren Mo CCCC ende LVII des anderen daghes nae Sinte Andreas dach des
heilghen apostels ende in eyne quitancie dat ic Focke vorscreven ende myne erfgenamen ghescheiden synt ewich
ende erflick myt Aseghe vorscreven so heb ic Focke vorscreven myn seghel oeck ghehanghen beneden an desen breeff
Datum ut supra.
AANTEKENINGEN: DORSO:
OVERLEVERING: origineel, perkament.
AUTHENTICERING:
VINDPLAATS: RAGr, FARMSUM 849 R 118.
UITGAVEN:
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0849 |
| Regestnr. | 118 |
| Jaar | 1457 |
| Datumcode | cAndree |