| Nummer:han030 | Datum:12 maart 1534 | Overlevering: | Vindplaats:H.A. Nienoord, inv.nr. 30 |
Verzegeling, waarbij Meyne Wobbema verkoopt aan Jemnie Allema eene jaarl. rente van 15 gld. 10 st. uit Wobbemaheerd te Noordwijk, waarvoor zich borg stelt Wygbolt Beents in de Boteringestraat te Groningen.
Wij borgemestere ende raedt in Groningen betuegen myt desen ope-
nen breve, dat voer uns ys ghekomen Meyne Wobbema ende be-
kande vor hem ende sijnen arffgen. dat hie hevet vorkofft upghe-
draghen ende avergegheven Jemme Allema ende sijnen arffgen.
vijfftyn arnsgulden, jarlicker ende arfflicker renten, tyn unser
stadt stuver vor datum 's breeffts ghemuntet offte payment datter
guedt voer ys vor elcken gulden ghereckent jarlix up avende Pe-
tri ad Cathedram vrij schadeloes gelt, tho betalen offte myt bot-
breven eder anders myt wat rechte Jemme Allema vors. ende
sijnen arffg. des best believet, in tho manen, tho boeren ende tho
manen uuth Wobbema helen heerdt landes myt alle sijnen thobe-
hoeren tho Noertwijck geleghen. Ende voert uuth ende over alle
sijne ander landen ende guederen de hie nu hefft ende naemaels krij-
gende wordt, ghene darvan uuthgenoemen vrij ende quijdt ende vrij
arfflick dar uuth tho leveren ende tho waeren vor ene summe gel-
des de Meyne Wobbema vors. bekande hem vul ende al ys betaelt,
myt vorworden, dat Meyne vors. offte sijne arffgen. dese vors.
vijfftyn arnsgulden renten alle tijdt wanneer hem des ghenoe-
ghet moegen, weder aff vrij ende quijdt kopen myt dardehalff
hundert arnsgulden vors. payments ende mytter vuller renten.
Hyr ys noch tho gesproecken offt Jemme vors. offte sijnen arffgen.
gebreke dat sie de vors. renten uuth den underpanden vorger. myt
dat principael nyet bekomen kunden, soe ys vor uns personlicken
erschenen Wygbolt Berentz ende ys vor hem ende sijnen arffgen.
vor de upgemelte renten ende principael waerborghe geworden,
darunder stellende ende vorbyndende sijn huys, dar he nu ter
tijdt selves inne woendt, gelegen in Bottrynghestraten, daer
Terynckveltz huys up 't noerden ende zalige Harmen van Swols
huys up 't zuyden naest an geswettet synnen, dartho alle sijne an-
der guederen, replick ende unreplick bynnen ende buyten Groningen
gelegen, ghene darvan uutgenomen, vrij ende quijdt, arfflicken
dar uuth tho leveren ende tho waeren. Des soe hefft wederum Mey-
ne vors. vor hem ende sijnen arffg. Wygbolt vors. ende sijnen arff-
gen. vor de vors. borchtucht tho underpande ghestalt ende ghesat den
vorger. Wobbema helen heerdt landes myt alle sijnen thobehoe-
ren den nyet tho vormynderen eer der tijdt Jemmen vors. offte
sijnen arffgen. de vorger. renten mytten principael gans ende ghe-
heel uutgericht ende betaelt synt, ende dar benevens Wygbolt
vors. ende sijnen arffgen. tot allen tijden vrij schadeloes ende unbelast
van der borchtucht vors. tho holden ende tho waeren. Sunder argelist.
Dat orkunde wij myt unser stadt segell. Ghegeven in den jare uns He-
ren dusent vijffhundert veerendedartich, up daege Gregorii pape,
doe Hilbrandt Rolteman, Everdt Mepsche, Johan Schatter ende Lub-
bert Ulger borgemestere weren unser stadt.
Copia vera
nen breve, dat voer uns ys ghekomen Meyne Wobbema ende be-
kande vor hem ende sijnen arffgen. dat hie hevet vorkofft upghe-
draghen ende avergegheven Jemme Allema ende sijnen arffgen.
vijfftyn arnsgulden, jarlicker ende arfflicker renten, tyn unser
stadt stuver vor datum 's breeffts ghemuntet offte payment datter
guedt voer ys vor elcken gulden ghereckent jarlix up avende Pe-
tri ad Cathedram vrij schadeloes gelt, tho betalen offte myt bot-
breven eder anders myt wat rechte Jemme Allema vors. ende
sijnen arffg. des best believet, in tho manen, tho boeren ende tho
manen uuth Wobbema helen heerdt landes myt alle sijnen thobe-
hoeren tho Noertwijck geleghen. Ende voert uuth ende over alle
sijne ander landen ende guederen de hie nu hefft ende naemaels krij-
gende wordt, ghene darvan uuthgenoemen vrij ende quijdt ende vrij
arfflick dar uuth tho leveren ende tho waeren vor ene summe gel-
des de Meyne Wobbema vors. bekande hem vul ende al ys betaelt,
myt vorworden, dat Meyne vors. offte sijne arffgen. dese vors.
vijfftyn arnsgulden renten alle tijdt wanneer hem des ghenoe-
ghet moegen, weder aff vrij ende quijdt kopen myt dardehalff
hundert arnsgulden vors. payments ende mytter vuller renten.
Hyr ys noch tho gesproecken offt Jemme vors. offte sijnen arffgen.
gebreke dat sie de vors. renten uuth den underpanden vorger. myt
dat principael nyet bekomen kunden, soe ys vor uns personlicken
erschenen Wygbolt Berentz ende ys vor hem ende sijnen arffgen.
vor de upgemelte renten ende principael waerborghe geworden,
darunder stellende ende vorbyndende sijn huys, dar he nu ter
tijdt selves inne woendt, gelegen in Bottrynghestraten, daer
Terynckveltz huys up 't noerden ende zalige Harmen van Swols
huys up 't zuyden naest an geswettet synnen, dartho alle sijne an-
der guederen, replick ende unreplick bynnen ende buyten Groningen
gelegen, ghene darvan uutgenomen, vrij ende quijdt, arfflicken
dar uuth tho leveren ende tho waeren. Des soe hefft wederum Mey-
ne vors. vor hem ende sijnen arffg. Wygbolt vors. ende sijnen arff-
gen. vor de vors. borchtucht tho underpande ghestalt ende ghesat den
vorger. Wobbema helen heerdt landes myt alle sijnen thobehoe-
ren den nyet tho vormynderen eer der tijdt Jemmen vors. offte
sijnen arffgen. de vorger. renten mytten principael gans ende ghe-
heel uutgericht ende betaelt synt, ende dar benevens Wygbolt
vors. ende sijnen arffgen. tot allen tijden vrij schadeloes ende unbelast
van der borchtucht vors. tho holden ende tho waeren. Sunder argelist.
Dat orkunde wij myt unser stadt segell. Ghegeven in den jare uns He-
ren dusent vijffhundert veerendedartich, up daege Gregorii pape,
doe Hilbrandt Rolteman, Everdt Mepsche, Johan Schatter ende Lub-
bert Ulger borgemestere weren unser stadt.
Copia vera
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 30 |
| Jaar | 1534 |
| Datumcode | Gregor |