| Nummer:han047 | Datum:1544 | Overlevering:Origineel | Vindplaats:H.A. Nienoord, inv.nr. 47 |
Koopbrief, waarbij Luyka, Tyaert zijn zoon, en Juwer, vrouw van Tyaert, verkopen aan Albert Eenckens en Habbe zijn vrouw een heerd lands te Niebert, met uitzondering van enkele stukken.
Wij Luyka Gyeltz, Tyaert, mijn soenn, ende Juwer, Tyaertz huesfrouwe, bekennen ende betugen myth dessen openen besegelden breve, voer ons ende onsen
arffgm. dath wij hebben verwysselth ende verkoefft ewelijken ende arfflijken Albert Eenckens, Habbe, sijn huesfrow, ende oeren arffgenamen een heerth landes gelegenn
inth Nyberth meth hues, hoff, holtz, stren, stock, strueck, lanth, santh, veen ende venne, maethlanth, boulanth, eethlanth, all dath eertvast ende nagellvast is, wassen eder
onwassen meth de hele hoffmate uuthbescheyden dath veerde parth van dath hoege ween, soelen hebben ewelijken ende arfflijken zalyge Geerth Berentz, Tyaertz vors.
broder naegelaeten kynderen up ende uth meth veen ende venne sunder de hoffmaethe solten hebben Alberth ende Habbe meth rechtynge, heerlijckheyt, kerckstoelen,
legersteden ende voerth all wes tho den heerth behorende is. Daernaest synth bijgelandet Wobbe Sybema up de oesterzijth ende Mynthe Ibema up de wester-
zijth, streckende sudewerth op an de lanthscheydynge ende noertwerth uuth an de Ee, beholtlijken wes Wobbe Sybema up de Ee wall daer in lyggenn
heft meth een stucke reythlanth ende maethlanth gelegen tho Luxwolde soe groeth ende kleyn dath gelegen is, daer zalyge Hemko Harckema arffgm. up de
westerzijth naest bij gelandet synth, streckende mit dath suederendt up den Hoeywech. Desse vors. hues, hoff, lanth, santh allen wes vors. vrij ende veerdych
tho leveren unde arfflijck tho waeren voer alle anspraecke de daermeth recht offte bueten recht op spreken mochten, voer een summa van pennyngen
de ons Luyka, Tyaertt ende Juwer vors. vull all is betaelth den laesten pennyng meth den eersthen ende bedancke Albert ende Habbe vors. gueder betalynge.
Aldynck sunder argelist. Inn orkunde der waerheyth soe hebben wij, Luyka, Tyaerth, Juwer vors. gebeden den erntfesten, erbaeren ende vroemen
juncker Hydde van Ewszum, hoevelyng tho Myddelstum ende arffgreethman over Vredewolth, dessen breeff over ons tho besegelen ende ick Hydde
van Ewszum boevengeschreven hebbe dath gemene landessegell van Vredewolth beneden an dessen breeff gehangen om Luyken, Tyaert ende Juwers bede
wylle. Gegeven in den jaere ons Heren dusenth vijffhonderth veerendeveertych, up sondach tho Paesche achtdagen.
arffgm. dath wij hebben verwysselth ende verkoefft ewelijken ende arfflijken Albert Eenckens, Habbe, sijn huesfrow, ende oeren arffgenamen een heerth landes gelegenn
inth Nyberth meth hues, hoff, holtz, stren, stock, strueck, lanth, santh, veen ende venne, maethlanth, boulanth, eethlanth, all dath eertvast ende nagellvast is, wassen eder
onwassen meth de hele hoffmate uuthbescheyden dath veerde parth van dath hoege ween, soelen hebben ewelijken ende arfflijken zalyge Geerth Berentz, Tyaertz vors.
broder naegelaeten kynderen up ende uth meth veen ende venne sunder de hoffmaethe solten hebben Alberth ende Habbe meth rechtynge, heerlijckheyt, kerckstoelen,
legersteden ende voerth all wes tho den heerth behorende is. Daernaest synth bijgelandet Wobbe Sybema up de oesterzijth ende Mynthe Ibema up de wester-
zijth, streckende sudewerth op an de lanthscheydynge ende noertwerth uuth an de Ee, beholtlijken wes Wobbe Sybema up de Ee wall daer in lyggenn
heft meth een stucke reythlanth ende maethlanth gelegen tho Luxwolde soe groeth ende kleyn dath gelegen is, daer zalyge Hemko Harckema arffgm. up de
westerzijth naest bij gelandet synth, streckende mit dath suederendt up den Hoeywech. Desse vors. hues, hoff, lanth, santh allen wes vors. vrij ende veerdych
tho leveren unde arfflijck tho waeren voer alle anspraecke de daermeth recht offte bueten recht op spreken mochten, voer een summa van pennyngen
de ons Luyka, Tyaertt ende Juwer vors. vull all is betaelth den laesten pennyng meth den eersthen ende bedancke Albert ende Habbe vors. gueder betalynge.
Aldynck sunder argelist. Inn orkunde der waerheyth soe hebben wij, Luyka, Tyaerth, Juwer vors. gebeden den erntfesten, erbaeren ende vroemen
juncker Hydde van Ewszum, hoevelyng tho Myddelstum ende arffgreethman over Vredewolth, dessen breeff over ons tho besegelen ende ick Hydde
van Ewszum boevengeschreven hebbe dath gemene landessegell van Vredewolth beneden an dessen breeff gehangen om Luyken, Tyaert ende Juwers bede
wylle. Gegeven in den jaere ons Heren dusenth vijffhonderth veerendeveertych, up sondach tho Paesche achtdagen.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 47 |
| Jaar | 1544 |
| Datumcode | QuaMod |
x
| Commentaar | met het gebroken uithangend zegel van Vredewold, verzegeld door den erfgrietman Hyddo van Ewsum, hoveling te Middelstum |
|---|