| Nummer:hjk044 | Datum: | Overlevering:Origineel | Vindplaats:Arch. Hoge Justitiekamer, inv.nr. 0036, reg. 044 |
Wy Teso Huginge doctor inden geestliken rechte kerchere ter Ae bynnen Groningen Lefferdus Elderwolt priester Ni-
claes Gryp priester Johan Mertens priester mitten priesteren ende anderen senioeren inder vorscr. kerke bekennen
ende betugen mit dessen openen breve vor ons ende onse nacomelingen kercheren priesteren ende vicarien dat Johan
Hoerneken ende Clawes Nijs van wegen saligen Johan van Zwollen erffgenamen ons vull gedaen hebben ende
gude bewissinge voer sodanen vyffteyn schilde renten myn dre schillinge renten so alse her Johan Merks
nu ter tyt vicarius ter Ae gehat hevet uut salige Johan van Swollen vorscr. hues dat gelegen is inde
Scomaker ryp dat voertydes plach to heten Aleff ende Willem Gysens steenhuus so alse de in
voertyden tot ener vicarien ende altaar inder vorscr. kerke ter Ae gegeven was van Sweder van Winde
ende Aucke syn echte huusfrouwe na lude der fundacien de daar aff holt ende mortificeert was daer
ons totter selver vicarien voer bewisset sint sesteyn schilde renten myn dre schillinge renten van
Johan Hoerneken ende Clawes Nijs uut das hues achter de olocke up de oester zyd vanden Vysch
marskt na lude breeff ende segele wy daar weder voer up ontfangen hebben tot behoeff des altaers
ende vicarien vorscr. gelegen inder vorscr. kerke up de norder zyde vanden thoern sunte Andrees, sunte
Tomas ende sunte Marien Magdalenen altaar geheten ende schelden daar up vry ende quyt vor ons
ende onse nacomelingen kercheren ende priesteren den vorgen. Johan van Zwolsen erffgenamen ende oere naco-
melingen de nu ter tyt besitters sint offte hyrnamaels worden des selven huses, alse Aleff ende
Willems vorscr. steenhuus mit genen rechte gene meer ansprake solen hebben, doen ofte beholden
mit genen rechte geestlick ofte warlink van wegen der vyffteijn schilde renten myn dre schillin-
ge renten vorscr. men dancken em dessen weder daer voer gude bewissinge daer ons all ende wall
angenoget voer ons ende onse nacomelingen mede oeck doer begeerten der priesteren ende senoeren vor em
ende oeren nacomelingen vorgen. onse segele an dessen brieff gehangen ende tot vorder vesticheit hebben wy
Borgermestere ende Raet der Stat Groningen onse Secreet Segel mede an dessen brieff gehangen Ghegeven in
den jaere ons heren vyffhundert ende drie up pinxter avent.
Beschreven zegelstaarten Secreet sur double queue.
claes Gryp priester Johan Mertens priester mitten priesteren ende anderen senioeren inder vorscr. kerke bekennen
ende betugen mit dessen openen breve vor ons ende onse nacomelingen kercheren priesteren ende vicarien dat Johan
Hoerneken ende Clawes Nijs van wegen saligen Johan van Zwollen erffgenamen ons vull gedaen hebben ende
gude bewissinge voer sodanen vyffteyn schilde renten myn dre schillinge renten so alse her Johan Merks
nu ter tyt vicarius ter Ae gehat hevet uut salige Johan van Swollen vorscr. hues dat gelegen is inde
Scomaker ryp dat voertydes plach to heten Aleff ende Willem Gysens steenhuus so alse de in
voertyden tot ener vicarien ende altaar inder vorscr. kerke ter Ae gegeven was van Sweder van Winde
ende Aucke syn echte huusfrouwe na lude der fundacien de daar aff holt ende mortificeert was daer
ons totter selver vicarien voer bewisset sint sesteyn schilde renten myn dre schillinge renten van
Johan Hoerneken ende Clawes Nijs uut das hues achter de olocke up de oester zyd vanden Vysch
marskt na lude breeff ende segele wy daar weder voer up ontfangen hebben tot behoeff des altaers
ende vicarien vorscr. gelegen inder vorscr. kerke up de norder zyde vanden thoern sunte Andrees, sunte
Tomas ende sunte Marien Magdalenen altaar geheten ende schelden daar up vry ende quyt vor ons
ende onse nacomelingen kercheren ende priesteren den vorgen. Johan van Zwolsen erffgenamen ende oere naco-
melingen de nu ter tyt besitters sint offte hyrnamaels worden des selven huses, alse Aleff ende
Willems vorscr. steenhuus mit genen rechte gene meer ansprake solen hebben, doen ofte beholden
mit genen rechte geestlick ofte warlink van wegen der vyffteijn schilde renten myn dre schillin-
ge renten vorscr. men dancken em dessen weder daer voer gude bewissinge daer ons all ende wall
angenoget voer ons ende onse nacomelingen mede oeck doer begeerten der priesteren ende senoeren vor em
ende oeren nacomelingen vorgen. onse segele an dessen brieff gehangen ende tot vorder vesticheit hebben wy
Borgermestere ende Raet der Stat Groningen onse Secreet Segel mede an dessen brieff gehangen Ghegeven in
den jaere ons heren vyffhundert ende drie up pinxter avent.
Beschreven zegelstaarten Secreet sur double queue.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0036 |
| Regestnr. | 044 |
| Register Feith | 1503.055 |
| Jaar | 1503 |
| Datumcode | vPentec |