| Nummer:hjki0183 | Datum: | Overlevering:Origineel | Vindplaats:Arch. Hoge Justitiekamer, inv.nr. 0183 |
Wy Borgemesteren ende Raedt yn Groenynghen betugghen myt desen openen breve dat vor uns ys ghekomen de erbare Gertruedt juncker Pe
ter van Gelders huesfrow ende bekande vor hoer ende hoeren arffgenamen dat se hefft vorkofft upghedraghen ende overgegeven Johan Metelen
ende synen arffgenamen den dartich arnsgulden jaerliker ende arffliker Renten elcken ghulden tho betalen myt twalff unser Stadt stuvers inden
jaer veerteyn hundert acht ende tnegentich ende negen ende tnegentich yn umser Stadt ghemuntet syn ende anders gheen gheldt jaerlixs tho
betalen up sunte Johannes tho mytsommer tho manen ende boeren uuth sodane landen ende ghoederen als Gertruedt vorggn. van hore salige vader ende moder offte van hoeren salighen manne Peter Canter angherfft syn Ende voirt over alle hore ghoederen de se nu hefft
ende namaels noch kreyghen mach wair Johanne vorgen. offte syne arffgenamen des dan alle jaer unverjaert best ghelevet tho boeren
uuth elck ynsunder offte uuth allen ghelick oick myt allen rechten yn tho vorderen ende vry arffliken daer uuth tho waren vor
ene Summe gheldes de Gertruedt vorgen. bekande dat hoir vull ende all ys betaalt Hir ys tho ghesproken dat Gertruedt vorgen. offt hoir
arffghenamen desse vorscr. ses ende dartich arnsgulden jaerliker Renten tho allen tijden moeghen weder aff vry ende quydt kopen myt Ses hundert arnsguldcn twalff stuvers vor eleken gulden vorscr. payments ende mytter vuller Renten oick anders gheen gheldt um oirsake
Gertruedt vorgen. alsulcke munte ende anders gheen gheldt ontfanghen hefft als se vor em bekande Noch ys hir tho ghesproken
so Gertruedt vorscr. offte hoir arffgenamen up desse Renten langher wolden sytten als een jaer so sullen se Johanne vorscr. offt synen
arffgenamen durch dessen breeff enen transfixs breeff gheven enede daer yn evelwysinghe tdoen uuth een seker stucke hoers lan-
des daer Johanna vorscr. offte synen arffgenamen dan best gheleefft de vorscr. Renten uuth tho manen Oick alsdan yn allen formen ende maneren de vorgen. Renten daer uuth tboeren manen ende waren als dese breeff ynholdet Oick offt men Johanne vorscr. offte synen arffgenamen
sodane overwysinge myt leve alsdan neet doen wolde so mach Johan vorgen. offte syne arffgenamen de principael Summe myt
der vuller Renten weder yn manen myt wat Rechte hem gheleefft dyt alle wo vorgescr. hefft Juncker Peter voegen. vor uns
so mede consenteert ende tho ghestaen Sunder argelist dat oerkunde wy myt umser Stadt Segell Gegeven inden jaer unsen
heren dusent vyffhundert veerende veertich vrydaeges nae sunte Vitus dach do Eltet tho Lellens, Everdt Mepsche, Reynt
Albarda ende Albardt Jarges Borgermesteren weren unser Stadt.
ter van Gelders huesfrow ende bekande vor hoer ende hoeren arffgenamen dat se hefft vorkofft upghedraghen ende overgegeven Johan Metelen
ende synen arffgenamen den dartich arnsgulden jaerliker ende arffliker Renten elcken ghulden tho betalen myt twalff unser Stadt stuvers inden
jaer veerteyn hundert acht ende tnegentich ende negen ende tnegentich yn umser Stadt ghemuntet syn ende anders gheen gheldt jaerlixs tho
betalen up sunte Johannes tho mytsommer tho manen ende boeren uuth sodane landen ende ghoederen als Gertruedt vorggn. van hore salige vader ende moder offte van hoeren salighen manne Peter Canter angherfft syn Ende voirt over alle hore ghoederen de se nu hefft
ende namaels noch kreyghen mach wair Johanne vorgen. offte syne arffgenamen des dan alle jaer unverjaert best ghelevet tho boeren
uuth elck ynsunder offte uuth allen ghelick oick myt allen rechten yn tho vorderen ende vry arffliken daer uuth tho waren vor
ene Summe gheldes de Gertruedt vorgen. bekande dat hoir vull ende all ys betaalt Hir ys tho ghesproken dat Gertruedt vorgen. offt hoir
arffghenamen desse vorscr. ses ende dartich arnsgulden jaerliker Renten tho allen tijden moeghen weder aff vry ende quydt kopen myt Ses hundert arnsguldcn twalff stuvers vor eleken gulden vorscr. payments ende mytter vuller Renten oick anders gheen gheldt um oirsake
Gertruedt vorgen. alsulcke munte ende anders gheen gheldt ontfanghen hefft als se vor em bekande Noch ys hir tho ghesproken
so Gertruedt vorscr. offte hoir arffgenamen up desse Renten langher wolden sytten als een jaer so sullen se Johanne vorscr. offt synen
arffgenamen durch dessen breeff enen transfixs breeff gheven enede daer yn evelwysinghe tdoen uuth een seker stucke hoers lan-
des daer Johanna vorscr. offte synen arffgenamen dan best gheleefft de vorscr. Renten uuth tho manen Oick alsdan yn allen formen ende maneren de vorgen. Renten daer uuth tboeren manen ende waren als dese breeff ynholdet Oick offt men Johanne vorscr. offte synen arffgenamen
sodane overwysinge myt leve alsdan neet doen wolde so mach Johan vorgen. offte syne arffgenamen de principael Summe myt
der vuller Renten weder yn manen myt wat Rechte hem gheleefft dyt alle wo vorgescr. hefft Juncker Peter voegen. vor uns
so mede consenteert ende tho ghestaen Sunder argelist dat oerkunde wy myt umser Stadt Segell Gegeven inden jaer unsen
heren dusent vyffhundert veerende veertich vrydaeges nae sunte Vitus dach do Eltet tho Lellens, Everdt Mepsche, Reynt
Albarda ende Albardt Jarges Borgermesteren weren unser Stadt.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0183 |
| Jaar | 1544 |
| Datumcode | VpViti |