| Nummer:kfh029 | Datum:25 jan. 1429 | Overlevering:Origineel | Vindplaats:Arch. Klerken- en fraterhuis, inv.nr. 0019, reg. 029 |
Wy Borgermeystere ende Raed in Groningen bekennen ende tughen mit dessen openen breve dat voer ons is ghekomen Henrick
ter Bruggen ende bekande dat he hefft verhuurt tot ewiger hure Gheerde van Bruchberghen ende sinen erffgenamen een huus
mitter hofstede daaer dat opghetymmert steet mitten kamer ende mit al zijn toe behoren achter ende voir als dat ghe
legen is inder zuder syt van sunte Johans strate daer Lambert steenmesselers huys naest by legget opter oester
syt ende her Wibben huys ende erve inde ryp opter wester syt des jaers voir elven gulden neghen olde vleemsche
grote voir elken gulden gherekent offte payment dat daer guet voir is jaerlix to betalen als een Stadrecht is Hyr
is toe ghesproken dat Gheerd voirscr. offte zine erffgenamen van desse voirscr. renthe aff moghen kopen [...] gulden elken
gulden renthe mit twintich gulden paymentes als voirscr. is wanneer em des genoeghet Ende de vijf gulden renthe
solen daer op bliven staen eweliken ende erffliken Dat oirkonde wy mit onser Stad zegele Ghegeven inden iaer onss heren
dusentvierhondertneghenendetwintich des maendages na sunte Pauwels daghe Conversionis Do Evert Hubbeldingh
Ludolff Sickingh, Folkeer Maurysingh ende Ditmer Rengers Borgermeystere weren onser Stad.
ter Bruggen ende bekande dat he hefft verhuurt tot ewiger hure Gheerde van Bruchberghen ende sinen erffgenamen een huus
mitter hofstede daaer dat opghetymmert steet mitten kamer ende mit al zijn toe behoren achter ende voir als dat ghe
legen is inder zuder syt van sunte Johans strate daer Lambert steenmesselers huys naest by legget opter oester
syt ende her Wibben huys ende erve inde ryp opter wester syt des jaers voir elven gulden neghen olde vleemsche
grote voir elken gulden gherekent offte payment dat daer guet voir is jaerlix to betalen als een Stadrecht is Hyr
is toe ghesproken dat Gheerd voirscr. offte zine erffgenamen van desse voirscr. renthe aff moghen kopen [...] gulden elken
gulden renthe mit twintich gulden paymentes als voirscr. is wanneer em des genoeghet Ende de vijf gulden renthe
solen daer op bliven staen eweliken ende erffliken Dat oirkonde wy mit onser Stad zegele Ghegeven inden iaer onss heren
dusentvierhondertneghenendetwintich des maendages na sunte Pauwels daghe Conversionis Do Evert Hubbeldingh
Ludolff Sickingh, Folkeer Maurysingh ende Ditmer Rengers Borgermeystere weren onser Stad.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0019 |
| Regestnr. | 029 |
| Register Feith | 1429.005.1 |
| Jaar | 1429 |
| Datumcode | ConPau |