Wy Lamma Eysinghe Ministersche ende ghemene zusteren vanden olden
convent in Groninghen bekennen ende betughen mit dessen openen brieve dat wy ontfanghen hebben twe hondert arnemsche gulden
seventiendenhalven groningher crumstert voer den gulden gherekent
als voer desser tijt voer datum des brieves to Groningen ghemuntet
waren van her Willam Wigboldi priester in sunte Mertijns kerke
ende rectoer der nyer vergaderinghe van clercken na uytwisinghe
des brieves daer desse brief doer ghetoghen is ende schelden heren
Willam vander voerscr. summe gheldes quijt ende vrij to wesen beholden
die ander punten die inden selven brieve ghesreven staen daer desse
teghenwordighe brief doer ghetoghen is sonder alle argheliste
Dat orkunde wij met onses convents seghel aen dessen brieve ghehanghen Ghegeven inden jaer ons heren dusent vierhondert
drie ende veertich op sunte Benedictus dach.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0027
Regestnr.	043
Register Feith	1439.001.2
Jaar	1443
Datumcode	Benedi

x

x

x

Materiaal	perkament