Ic Bole Campthun ende Ludiken myn echter wijf ende Baerlt myn broder ende Lamme syn echte wijf doen kond ende
open baer voer allen luden de dusse brief sullen sien of horen lezen dat wij voerghescreven
mid vrien willen ende guden by raden unde een vaste kope hebben vercoft Johan Udding
ghe ende Evert Gogeerdes XVII rodes venes een verndel myn gheheten Huuskingghe woer als
die gheleghen is up de Oesterdiep voer een summe geldes welke summe Johan Uddingghe ende Ewert
Guegeert ons broders voerghescreven wul ande wal by taeld en heft over dusse coep hier
hebben over ende an ghewiest als buren Johan Harwerdingghe ende Harman Harwerdingghe
ende Johan Julsingghe ende Jacob Westebroeck al stocklengghes luden ende dusse voer ghescreven coep
hebben ghemaket Harman Herwerdingghe ende Roelef Oemkens als deiingghes luden In
inoerkunde der waerheit soe hebben wij Boele Camptum ende Baerlt my broder ghe
beden her Rembolt onsen kerckheer dit over ons tho by segelen ende mits dat wy
niet sint brukende een segel ende ick Remboldus voerghescreven hebbe dit voer ghegh
escreven over middes bede over hoer bisegelt Int jaer ons heeren Mo CCCCo LXVIIIo
sunnen daghes nae der scheidingghe der twalef appostelen.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0094
Regestnr.	136
Register Feith	1468.004
Jaar	1468
Datumcode	DpDivApo

x

x

x

Materiaal	perkament