Burgemeesters en raad te Groningen verklaren dat Heyne Wolters heeft verkocht aan Egbert van Echten een jaarlijkse rente van 4 gulden uit Heynes oude steenhuis aan de noordzijde van de Carolieweg, en eventueel ook uit diens nieuwe steenhuis naast het oude steenhuis op de hoek van de Gelkingestraat.

Wy Borghermestere ende Raet in Groninghen bekennen ende betughen mit dessen
openen breve dat voer ons is ghecomen
Heyne Wolters ende bekande dat he hevet vercoft Egberde van Echten vier
gulden rente dertien corte groten voer den
gulten gherekent to betalen jaerlikes als en stadrecht is uut Heynen olde
steenhues vors. ende waert dat Egberde vors.
daer an ontbrake so mach he dat soken in Heynen nyen steenhus vors. voer ene
summe geldes de Heyne vors. bekande dat
hem vol ende al betaelt is. Ende desse vier gulden rente vors. droech Heyne
vors. up Egbert vors. ende zinen erfnamen vrij
ende quijt ewelike to bruken ende to besitten Hiir is to ghesproken dat Heyne
vorsc. of zine erfnamen moghen desse
vors. vier gulden rente quyt copen binnen achte jaren naest comende to
paeschen offte to santghinge effensche mit twe
ende seventich gulden alse vors. sint. Dat vors. steenhues is gheleghen inde
norder zide van Keerlswech daer Hes
sels hues de menre bi leghet an de wester zide daer Heynen nye steenhus vors.
voerd bi leghet up den hoek
van Ghelekinghe strate. Dat orkunde wi mit onser Stad seghel Ghegeven in den
jaer ons heren dusent vier
hondert ende dertiene up de octava van onss heren hemelvaerdes dach Do Johan
Renghers, Rading Hoerneking
Johan Wichering ende Bruen clinghe borghermestere weren onser Stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	390
Regestnr.	91
Olim	Arch. Olde Convent, inv.nr. 13, reg. 2. Reg. Feith 1413.2.
Jaar	1413
Datumcode	oAscDom

x

x

x

Commentaar	Met het zegel van de stad

x

Materiaal	perkament