Fije Kalmers, burgerse van Groningen, verkoopt aan de ministerse en de gemene zusters van het Olde Convent te Groningen 3/4 gras land op de Zuides.

Ic Fye Kalmers borghersche in Groninghen bekennen ende betughen met desen openen brieve voer my ende mijn
erfghenamen dat ic vercoft hebbe ende vry ende quijt opghedraghen der ministerschen ende den ghemeynen
zusteren vanden olden convent in Groninghen drie deele van ene grase landes voer ene summe gheldes die
mij die vorscr. zusteren vol ende al wael betaelt hebben dese drie deele grase landes synt gheleghen opten zuyt
esche tusschen den wech die vander Oesterpoerten uytgaet ende den wech die vander Heerstraten poert uytgaet
daer alrenaest op die noertzijde des heilighen gheestes lant by leghet ende der vorscr. zusteren erve op die zuijt
zijde In orkunde der waerheit so hebbe ic Fye vorscr. mijn zeghel aen desen brief ghehanghen Ende to meerre
tughenisse so hebbe ic ghebeden heren Johan Iacobi onsen Cureyte van sunte Mertijns kerke desen brief mede
to beseghelen Ende ic Johannes Iacobi cureyte van sunte Mertijns kerke om beden wille Fyes vorscr. so hebbe
ic myne seghel aen desen brief mede ghehanghen to ene ghetuych der waerheit Ghegeven inden iaer ons
heren dusent vierhondert ende acht ende twiintich des saterdaghes na beloken paeschen.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	348
Regestnr.	130
Olim	Arch. Olde Convent, inv.nr. 29, reg. 6. Reg. Feith 1428.13.
Jaar	1428
Datumcode	SpQuaMod

x

x

Commentaar	Met het zegel van Johannes Jacobi, pastoor van de Martinikerk te Groningen; het zegel van Fije Kalmers is verloren

x

Materiaal	perkament